close
კვლევები

კვლევა – ალცჰეიმერის სამკურნალო ახალი პრეპარატი დაავადების ტემპს მესამედით ანელებს

კომპანია Eli Lilly-ი აცხადებს, რომ მისი მედიკამენტი – დონანემაბი – ალცჰეიმერის დაავადების განვითარების ტემპს დაახლოებით მესამედით ანელებს.
აღსანიშნავია, რომ დონანემაბი მეორე მედიკამენტია წელს ლეკანმაბის შემდეგ, რომელმაც აჩვენა, რომ დაავადების ტემპს ამცირებს.
დონანემაბი ლეკანმაბის მსგავსად მოქმედებს. ორივე არის ანტისხეული, იმის მსგავსი, როგორსაც ორგანიზმი ვირუსების წინააღდეგ საბრძოლველად ქმნის. ისინი შექმნილია ტვინიდან ტოქსინის, ბეტა ამილოიდის მოსაშორებლად.
ბეტა ამილოიდი თავის ტვინის უჯრედებს შორის არსებულ სივრცეებში გროვდება და წარმოქნის ლაქებს, რომელიც ალცჰეიმერის დაავადების ერთ-ერთი დამახასიათებელი ნიშანია.
Eli Lilly-ის კვლევის სრული დეტალები ჯერჯერობით არ გამოქვეყნებულა, თუმცა ცნობილია ძირითადი შედეგები : მასში მონაწილეობა მიიღო 1734 ადამიანმა, რომლებსაც ალცჰეიმერის დაავადების საწყისი ეტაპის დიაგნოზი ჰქონდათ დასმული, დონანემაბს აძლევდნენ ყოველთვიური ინფუზიის სახით, თავის ტვინში ლაქების გაქრობამდე, დაავადების ტემპი მთლიანობაში დაახლოებით 29%-ით შენელდა. მათ, ვინც მედიკამენტს ღებულობდა, შეინარჩუნეს თავიანთი ყოველდღიური ცხოვრების უმეტესი ნაწილი, როგორიცაა მიმდინარე მოვლენების განხილვა, ავტომობილის მართვა ან ჰობით დაკავება.
თუმცა, პაციენტების მესამედს გვერდითი მოვლენების სახით ტვინის შეშუპება გამოუვლინდა. ის ძირითადად მსუბუქი ან უსიმპტომო იყო და ტვინის სკანირების შედეგად გამოვლინდა, მაგრამ 1.6%-ს ტვინის საშიში შეშუპება განუვითარდა და ორი მოხალისე, და, სავარაუდოდ მესამეც,  შეშუპების შედეგად გარდაიცვალა.
კომპანია Eli Lilly-ი აცხადებს, რომ უახლოეს თვეებში მედიკამენტის საავადმყოფოებში გამოსაყენებლად დამტკიცების პროცესს დაიწყებს.

წყარო : bbc.com
 

ანალიტიკოსთა და მეცნიერთა დარბაზი ,,დოქტრინა“

გაზიარება:
fb-share-icon0

Leave a Response