close
ტექნოლოგიები

Facebook-ი შეურაცხმყოფელი კონტენტის გამოსავლენად ხელოვნურ ინტელექტს გამოიყენებს

Facebook-ი ხელოვნური ინტელექტის შექმნაზე მუშაობს, რომლის საშუალებითაც შეურაცხმყოფელი კონტენტის მქონე ვიდეომასალა ავტომატურად მოინიშნება.

ამის შესახებ კომპანიის ერთ-ერთმა დირექტორმა ჯოაკინ კანდელამ განაცხადა.

სოციალური მედიის კომპანია მიმდინარე წელს არაერთხელ გაეხვა კონტენტთან დაკავშირებულ სკანდალში. მაგალითად, რამდენიმე თვის წინ ნორვეგიაში ყველაზე მაღალტირაჟიანი გამოცემის მთავარმა რედაქტორმა “Facebook-ის” დამფუძნებელი მარკ ცუკერბერგი ძალაუფლების ბოროტად გამოყენებაში დაადანაშაულა მას შემდეგ, რაც სოციალურმა ქსელმა, რომელსაც რედაქცია მასალის ელექტრონულად გასავრცელებლად იყენებს, მათი სტატია და მასზე მიმაგრებული ვიეტნამის ომის ამსახველი ისტორიული ფოტოსურათი წაშალა, რადგან შესაბამისმა სამსახურებმა ბავშვთა პორნოგრაფიად მიიჩნიეს.

,,ყველა ფოტო, რომელიც ასახავს ადამიანის სიშიშვლეს, სადაც დაფარული არაა გენიტალიები და შიშველი მკერდი – წაიშლება” – მისწერეს გამოცემას Facebook-ის გამაფრთხილებელ წერილში.

კანდელამ ჟურნალისტებს განუცხადა, რომ Facebook-ი ხელოვნურ ინტელექტს შეურაცხმყოფის შემცვველი მასალის აღმოსაჩენად იყენებს. ,,ეს გახლავთ ალგორითმი, რომელიც აღმოაჩენს სიშიშვლეს, ძალადობას, ან სხვა რამეს, რაც ჩვენს პოლიტიკას ეწინააღმდეგება,” – აღნიშნა მან.

სააგენტო როიტერსის მიერ ივნისში გავრცელებული ინფორმაციის თანახმად, Facebook-ი ექსტრემისტული ვიდეოკონტენტის ავტომატურად მონიშვნის გამოყენებაზე მუშაობდა.

ამჯერად კი, აღნიშნული ავტომატური სისტემა Facebook Live-ზე ანუ მომხმარებლების მიერ განთავსებულ ლაივვიდეოებზე დაიტესტება.

წყარო: Reuters

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

გაზიარება:
fb-share-icon0

Leave a Response