მსოფლიოს უდიდეს და ამოუცნობ მდინარეს არ აქვს მუდმივი კალაპოტი, ზოგჯერ უამრავ ნაკადად იშლება, დელტას ქმნის ან ეს ნაკადები ერთმანეთს ერწყმის. ზოგჯერ კი მდინარე ამაზონის დინება მიმართულებას იცვლის და საპირისპიროდ მიედინება. ყველაზე ფართო ადგილას მისი სიგანე 11 კილომეტრს აღწევს, მაგრამ წვიმების სეზონზე ნაპირებს შორის მანძილი 50-დან 80 კილომეტრს შეადგენს.
გარდა ამისა, დაახლოებით წელიწადში ორჯერ, ამაზონისთვის დამახასიათებელია გიგანტური ტალღა, რომელსაც სახელად პოროროკას უწოდებენ. ამ დროს მდინარის დინება მიმართულება იცვლის 4-6 მეტრი სიმაღლის აზვირთებული ტალღებით. ასევე ამაზონის აუზის და უღრანი ტროპიკული ტყის გამო, დიდი ქალაქები ერთმანეთთან ახლოს არ მდებარეობს. შესაბამისად, მათთვის მდინარე არის ყველაზე სწრაფი გადაადგილების საშუალება. ამ მიზეზების გამო, ამაზონზე ხიდების აშენებას აზრი ნამდვილად არ აქვს და ადგილობრივებიც ტრანსპორტის სახეობებიდან ნავებსა და კატერებს ირჩევენ. თუმცა უნდა ითქვას, რომ არსებობს რამდენიმე ძვირადღირებული ხიდი მდინარე ამაზონზე, რომლის ქვეშაც მდინარემ კალაპოტი შეიცვალა და ხიდმაც ფუნქცია დაკარგა.
ანალიტიკოსთა დამეცნიერთადარბაზი ,,დოქტრინა”
0
