გერმანიასა და დანიას შორის მსოფლიოში ყველაზე გრძელ, 18-კილომეტრიან, ავტომობილებისა და მატარებლებისთვის განკუთვნილ წყალქვეშა გვირაბს გაიყვანენ, რომელსაც სპეციალისტები ჯერ კიდევ 2008 წლიდან აგეგმარებდნენ. მასშტაბური ინფრასტრუქტურული პროექტის განხორციელება 2021 წლიდან დაიწყება, დასრულება კი 2029 წელსაა ნავარაუდევი.
ფემარნბელტის სახელით ცნობილი გვირაბი, რომელიც ბალტიის ზღვაში 40 მეტრის სიღრმეზე უნდა გავიდეს, ერთმანეთთან გერმანიის კუნძულ ფემარნსა და დანიის კუნძულ ლოლანს დააკავშირებს. ახალი გზის საშუალებით ორ გეოგრაფიულ ობიექტს შორის გადაადგილება მატარებლით 7, ხოლო ავტომობილით 10 წუთში იქნება შესაძლებელი. აღსანიშნავია, რომ ყოველწლიურად მილიონობით ადამიანი კუნძულებზე მიმოსვლისთვის ბორანს იყენებს, რომლითაც ერთი ნაპირიდან მეორე ნაპირზე მოსახვედრად 45 წუთი მგზავრობაა საჭირო.
ანალიტიკოსთა და მეცნიერთა დარბაზი ,,დოქტრინა”
0
