2023 წელს ანტარქტიდის ზღვის ყინულის დნობა და ამაზონის ტყეებში ხანძრების გავრცელება შესაძლოა ერთმანეთთან დაკავშირებული იყოს. კვლევის თანახმად, სამხრეთ ნახევარსფეროში კლიმატური სისტემები ისეა ერთმანეთზე გადაბმული, რომ ერთი რეგიონის ცვლილება მეორეში ექსტრემალურ ეფექტს იწვევს.
ანტარქტიდის ზღვის ყინულმა 2023 წლის ზამთარში რეკორდულად დაბალ დონეს მიაღწია — თითქმის 2 მილიონი კვადრატული კილომეტრით ნაკლები იყო, ვიდრე საშუალო მაჩვენებელი 1981-2010 წლების განმავლობაში. ამავდროულად, ამაზონის სამხრეთ ნაწილში ძლიერი სიცხეები და ხანძრები დაფიქსირდა, რაც ფატალურ შედეგებს აყენებს ბიომრავალფეროვნებას და ნახშირბადის შთანთქმის მხრივ.
კვლევის ავტორების აზრით, ანტარქტიდის ზღვის ყინულის დაკარგვამ შესაძლოა ტროპიკებში ატმოსფერული წნევის სისტემა შეცვალოს. ეს ყოველივე კი უკიდურეს სიცხეებსა და ამაზონის რეგიონში ნალექების შემცირებას იწვევს. კვლევამ აჩვენა, როგორ სწრაფად და ინტენსიურად რეაგირებს პლანეტა ერთი რეგიონის კლიმატურ ცვლილებაზე.
ეს გლობალური კავშირები კიდევ ერთხელ უსვამს ხაზს კლიმატის ცვლილების სისტემურ ხასიათს — ლოკალური ცვლილება სწრაფად იწვევს ეფექტს დედამიწის სხვა ნაწილებში. მეცნიერები საზოგადოებას აფრთხილებენ, რომ თუ სათბური გაზების ემისიები არ შემცირდება, ასეთი მოვლენები უფრო ხშირი და მასშტაბური გახდება.
ანალიტიკოსთა და მეცნიერთა დარბაზი “დოქტრინა”
0
