close
არქეოლოგიაკვლევები

კვლევა – 6 000 წლის წინანდელი სანდლები, რომლებიც ესპანეთში აღმოაჩინეს, ევროპის უძველესი ფეხსაცმელია

ახალი კვლევის თანახმად, ესპანეთში აღმოჩენილი 22 ნაქსოვი სანდალი, რომელიც 6000 წლით თარიღდება, დღემდე აღმოჩენილი ყველაზე ძველი ფეხსაცმელია ევროპაში.
კვლევა ბარსელონას ავტონომიური უნივერსიტეტისა და ესპანეთის ალკალას უნივერსიტეტის მკვლევარებმა რადიოკარბონის ანალიზის მეთოდით ჩაატარეს. აღნიშნული სანდლები 1857 წელს სამხრეთ ესპანეთში, ერთ-ერთ მღვიმეში მეზოლითურ კალათებთან და სხვა იარაღებთან ერთად აღმოაჩინეს. მღვიმეში არსებული ძალიან მშრალი პირობები იდეალური იყო მალფუჭებადი მასალების შესანახად. მღვიმეში აღმოჩენილი ნივთები მადრიდისა და გრანადას მუზეუმებს გადასცეს, სადაც ისინი მეცნიერებმა შეისწავლეს.
სანდლები დამზადებულია ბალახისგან, ისევე როგორც სხვა მასალებისგან, მათ შორის ტყავისგამ, ცაცხვისა და რამის ჭილოფისგან.
მკვლევარებმა ასევე შეისწავლეს კოლექციაში არსებული რამდენიმე კალათა და ხის სხვა ნივთები. ისინი აცხადებენ, რომ ეს ობიექტები „გახსნის ინოვაციურ პერსპექტივებს ევროპაში ადრეული და ჰოლოცენის ეპოქის შუა პერიოდის პოპულაციების სირთულესთან დაკავშირებით”. ჰოლოცენი არის ამჟამინდელი გეოლოგიური ეპოქა, რომელიც 11 700 წლის წინ დაიწყო. მკვლევარები ასევე აცხადებენ, რომ როგორც კალათები, ასევე სანდლები მიანიშნებენ, რომ მწარმოებლებს ჰქონდათ ფართო ცოდნა ადგილობრივ გარემოში მცენარეული რესურსების შესახებ და ასევე ჰქონდათ მაღალი დონის ექსპერტული ცოდნა.
კვლევამ ასევე დაადგინა, რომ ობიექტები ადგილზე ორ ძალიან განსხვავებულ დროს იყო განთავსებული, ადრეულ და შუა პერიოდის ჰოლოცენის ეპოქაში. მკვლევარების თქმით, პირველი ფაზა დაკავშირებულია ადრეული ჰოლოცენის მონადირე-შემგროვებელ პოპულაციებთან, ხოლო მეორე ფაზა – შუა პერიოდის ჰოლოცენის ეპოქის ფერმერებთან.

წყარო : CNN

ანალიტიკოსთა და მეცნიერთა დარბაზი – ,,დოქტრინა”

გაზიარება:
fb-share-icon0

Leave a Response