1992 წელს Pepsi-მ წამოიწყო მარკეტინგული კამპანია სახელწოდებით ,,Number Fever”, რომელიც სახარბიელოდ ნამდვილად არ დასრულდა კომპანიისთვის და რომელმაც რამდენიმე ადამიანის სიცოცხლეც კი იმსხვერპლა.
Pepsi ძალზედ წუხდა, რადგან ფილიპინებში ბაზრის წილს კარგავდა, ამიტომ კომპანიამ გადაწყვიტა წამოეწყო კამპანია, რომელსაც შემდეგი პირობები ჰქონდა: ყველა ადამიანი, ვისაც Pepsi-ს ბოთლის თავსახურზე დაბეჭდილი ნომერი 349 ამოუვიდოდა მიიღებდა მილიონ პესოს. Pepsi-ს მიერ დაწესებული პრიზი იმ დროისათვის ფილიპინებში საშუალო ყოველთვიურ ხელფასს 611-ჯერ აღემატებოდა.
ერთ საღამოს, კომპანიდან დარეკეს, რომ შეცდომა დაუშვეს და შემთხვევით იღბლიანი რიცხვი 600 000 თავსახურზე დაბეჭდეს. როდესაც კომპანია მიხვდა საკუთარ შეცდომას უკვე გვიანი აღმოჩნდა, რადგან მასობრივი გამოსვლები და აქციები დაიწყო, ხალხი თავის ფულს ითხოვდა, მომიტინგეები წვავდნენ Pepsi-ს სატვირთო მანქანებს, კომპანია კი უარს ამბობდა ფულის გაცემაზე. მასობრივი გამოსვლების დროს ათობით ადამიანი დაშავდა და სამწუხაროდ, 5 გარდაიცვალა.
პროტესტი გრძელდებოდა, კომპანია კი თავს იკავებდა ფულის გაცემისგან. ფინანსისტების გათვლებით თუ ფულის ნახევარს გაანაღდებდნენ კომპანიის დანაკარგი 6 მილიონი დოლარი იქნებოდა. ამიტომ კომპანიამ ათასობით სარჩელი მიიღო, რომელთა განხილვასაც თითქმის 15 წელი დასჭირდა, მოსარჩელეთაათვის დადებითან მხოლოდ რამდენიმე მათგანი გადაწყდა. შესაბამისად, ფილიპინებში Pepsi-ს გაყიდვებმა იკლო.
წყარო: Bloomberg
ანალიტიკოსთა და მეცნიერთა დარბაზი ,,დოქტრინა”
0
