close
საქართველო

Forbes-მა ხაჭაპური მსოფლიოში საუკეთესო ყველის პიცად დაასახელა

გამოცემა Forbes-მა გემრიელი და მსოფლიოში ცნობილი ქართული ეროვნული კერძი ხაჭაპური „საუკეთესო ყველის პიცად“ დაასახელა.

„კეთილი იყოს თქვენი მობრძანება საქართველოში, სადაც თუ ეროვნულ კერძს – საუკეთესო ყველის პიცას, რაც კი ოდესმე გიჭამიათ, ერთხელ მაინც გასინჯავთ, მისი დაგემოვნების სურვილი არაერთხელ გაგიჩნდებათ. შესაძლოა ქვეყანა, რომელიც რუსეთსა და თურქეთს შორის მდებაროებს, ბევრისთვის ცნობილი არაა, თუმცა ტურისტების სიმცირეს ნამდვილად არ უჩივის არაჩვეულებრივი კერძის- ხაჭაპურის წყალობით.

ისევე როგორც ვაშლის ღვეზელის შემთხვევასი ამერიკაში, საქართველოში ყველა ოჯახს ხაჭაპურის დამზადების საკუტარი რეცეპტი გააჩნია.

არ გეგონოთ, ეს არაჩვეულებრივი ღვეზელი სუფრის მთავარი კერძი იყოს. ქართულ  სუფრაზე კერძებით სავსე სულ ცოტა 20 თეფშით დგას მანამდეც კი, სანამ ცხელ-ცხელ ხაჭაპურს შემოიტანენ. ხაჭაპურს სუფრაზე მშვენიერი გაგრძელება აქვს შამფურზე შემწვარი ცხვრის, ღორის ან ქათმის ხორცის, მწვადის სახით, რომელსაც ადგილობრივი სანელებლები კიდევ უფრო გემრიელს ხდის,“ აღნიშნულია Forbes-ის სტატიაში.

გამოცემა ცალ-ცალკე ახასიათებს იმერულ, აჭარულ და მეგრულ ხაჭაპურებს და აღნიშნავს, რომ ყველაზე მაცდური და გამორჩეული არის მეგრული ხაჭაპური, „რომელსაც თან ახლავს ყველის „ცუნამი“ როგორც გარედან, ისე შიგნიდან. „

სტატიის ავტორი აღნიშნავს, რომ მიუხედავად იმისა, რომ ქართველების უმეტესობას პიცა უყვარს, 88%-ს ხაჭაპური ურჩევნია. „მეც მათ რიგებში ვარ,“ ვკითხულობთ სტატიაში.

წყარო : www.forbes.com
მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

გაზიარება:
fb-share-icon0