შოტლანდიის მთავრობა ოფშორული ქარის სიმძლავრის გაზრდას დამისგან გამომუშავებული ელექტროენერგიით რვა მილიონზე მეტი სახლის მომარაგებას გეგმავს.
გეგმა შოტლანდიის სანაპიროებთან ასობით ახალი ქარის ტურბინის დამონტაჟებასა და მომავალი 10 წლის განმავლობაში არსებული ოფშორული სიმძლავრის 11 გიგავატამდე გაზრდას ითვალისწინებს.
გამოცემა Independent-ი წერს, რომ ეკოლოგიურად სუფთა ენერგიის გამომუშავებისა და ნულოვანი გამონაბოლქვის მიზნის მიღწევის გარდა, აღნიშნული პროექტი მნიშვნელოვანია პოსტ-პანდემიის პერიოდში ქვეყნის ეკონომიკური გაჯანსაღების ხელშეწყობის თვალსაზრისითაც, ვინაიდან ამ სექტორში უფრო მეტი ინვესტიციის განხორციელება უამრავი სამუშაო ადგილის შექმნას შეუწყობს ხელს.
ცნობისათვის, შოტლანდიის ოფშორული ქარის წარმოების სიმძლავრე ამჟამად 1 გვტ-ია.
მალასა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
