იაპონელმა მკვლევარებმა ლაბორატორიული კვლევების შედეგად აღმოაჩინეს, რომ კორონავირუსის „ომიკრონ“ ვარიანტი კანსა და პოლიეთილენის ზედაპირებზე უფრო ხანგრძლივად ცოცხლობს, ვიდრე სხვა ვარიანტები. კერძოდ, „ომიკრონ“ ვარიანტს პოლიეთილენის ზედაპირზე გადარჩენა 193 საათის, ანუ დაახლოებით 8 დღის განმავლობაში შეუძლია. კორონავირუსის თავდაპირველი ვარიანტის სიცოცხლის ხანგრძლივობა 56 საათია, „ალფა“, „ბეტა“, „გამა“ და „დელტა“ ვარიანტების კი – 191.3, 156.6, 59.3 და 114.0 საათი. ამასთან, მეცნიერები აცხადებენ, რომ „ომიკრონ“ შტამს ადამიანის კანზე გადარჩენა 21 საათის განმავლობაში შეუძლია, მაშინ, როცა ვირუსის თავდაპირველი ვარიანტისთვის ეს დრო 8.6 საათია, „ალფა“ ვარიანტისთვის – 19.6 საათი, „ბეტა“ ვარიანტი კანზე 19.1 საათს ცოცხლობს, „გამა“ და „დელტა“ ვარიანტები კი – 16.8 და 21.1 საათს. ამასთან, კვლევებმა აჩვენა, რომ ალკოჰოლზე დაფუძნებული ხელის სადეზინფექციო საშუალებების ზემოქმედების შედეგად, 15 წამის შედეგად კანზე ვირუსის ყველა ვარიანტს აქტიურობა მთლიანად დაკარგული ჰქონდა.
წყარო : Reuters
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა“
0
