UNICEF-ის მიერ საქართველოში ჩატარებული კვლევის მიხედვით, რომლის სამიზნე ჯგუფი 2-დან 5 წლამდე ასაკის ბავშვები იყვნენ, დღეში ტექნოლოგიების ერთ საათზე მეტი ხნით გამოყენება ბავშვის წიგნიერების, მათემატიკური აზროვნებისა და სოციოემოციური განვითარების შეფერხების ალბათობას ზრდის.
კვლევით დადგინდა შემდეგი ძირითადი ტენდენციები:
🔹 დღეში ტექნოლოგიების ერთ საათზე მეტი ხნით გამოყენების შემთხვევაში, 0.5-ჯერ მცირდება იმის ალბათობა, რომ ბავშვები ადრეული განვითარების თვალსაზრისით, დამაკმაყოფილებელ ზღვრულ ნიშნულს მიაღწევენ.
🔹 იგივე შედეგები მიიღეს სოციოემოციური განვითარების განზომილებასთან დაკავშირებითაც. 0.4-ჯერ უფრო ნაკლებია იმის ალბათობა, რომ დღის განმავლობაში ტექნოლოგიების 1 საათზე მეტი ხნით გამოყენების შემთხვევაში, ბავშვები ადრეული განვითარების თვალსაზრისით, დამაკმაყოფილებელ ზღვრულ ნიშნულს მიაღწევენ.
🔹 ბავშვების მიერ ელექტრონული მოწყობილობების გამოყენებასა და ადრეული განვითარების სხვა განზომილებებს შორის, სტატისტიკურად არსებითი კავშირი არ გამოვლენილა. თუმცა, UNICEF-ი განმარტავს, რომ აღნიშნული საკითხი უფრო ღრმა კვლევას საჭიროებს.
ახალგაზრდა ანალიტიკოსთა და მეცნიერთა დარბაზი – ,,დოქტრინა”
0
