საქართველოს საავტომობილო გზების სამინისტროს ყოფილი შენობა, სადაც ამჟამად საქართველოს ბანკის სათავო ოფისია განთავსებული, მსოფლიოს 10 საუკეთესო ბრუტალისტურ შენობას შორის მოხვდა.
არქიტექტურის ცნობილმა კრიტიკოსმა ჯონათან გლანსეიმ წიგნი გამოსცა, სადაც 1975 წელს აგებულ შენობას ასე ახასიათებს :„მეტი კონსტრუქტივისტული, ვიდრე ბრუტალისტი. პროექტი ეკუთვნის აქართველოს გზების მშენებლობის მინისტრის მოადგილეს, გიორგი ჩახავას, რომელიც კლიენტიცაა და არქიტექტორიც. იგი აღნიშნავდა, რომ სურდა შენობას რაც შეიძლება ნაკლები მიწის ფართობი დაეკავებინა. როგორიც არ უნდა იყოს მისი მსჯელობა, ეს არის ნამდვილად სანახაობრივი დიზაინი. აღდგენილ შენობაში 2007 წლიდან საქართველოს ბანკის სათვაო ოფისია განთავსებული.“
ჯონათან გლანსეის ათეულშიშედის : შვეიცარიაში მდებარე ხელოვნებისა და დიზაინის კოლეჯი (1961), Shibuya-ku კოშკი ტოკიოში (1966), ნიუ იორკში მდებარე Orange County-ის ოფისები და სასამართლო(1967), Trellick Tower ლონდონში (1972), Centro de Exposições ბრაზილიაში (1974), 1976 წელს აგებული Jenaro Valverde Marín Building – სან ხოსეში (კოსტა რიკა); ჰავანაში მდებარე რუსეთის საელჩოს შენობა (1985), 2008 წელს აგებული Hemeroscopium House -მადრიდში, ესპანეთში, აშშ-ში მდებარე ბოსტონის მერიის შენობა (1968).
წყარო: BBC
მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი “დოქტრინა”
0
