მიტოქონდრიები საუკუნეზე მეტია, რაც ცნობილია როგორც უჯრედის ენერგიის გამომუშავებელი სტრუქტურები, რომლებიც ერთ უჯრედში რჩებიან. თუმცა, უახლესმა კვლევებმა ეს წარმოდგენა შეცვალა — აღმოჩნდა, რომ მიტოქონდრიებს შეუძლიათ უჯრედებს შორის გადაადგილება. ეს პროცესი, რომელიც ცნობილია როგორც ინტერუჯრედული მიტოქონდრიების გადაცემა, მნიშვნელოვან გავლენას ახდენს ჩვენს წარმოდგენებზე უჯრედის ფუნქციონირებასა და სამკურნალო მიდგომებთან დაკავშირებით.
მიტოქონდრიების გადაცემა სხვადასხვა ორგანიზმში დაფიქსირდა. დაკვირვებები ცხადყოფს, რომ უჯრედები, განსაკუთრებით მაშინ, როცა მეზობელი უჯრედები სტრესში იმყოფებიან, მიტოქონდრიებს გადასცემენ მათ, რაც ხელს უწყობს ქსოვილების აღდგენას, იმუნურ პასუხს ან უჯრედების გადარჩენას. თუმცა არსებობს მტკიცებულება, რომ კიბოს უჯრედები ამ პროცესს თავიანთ სასარგებლოდ იყენებენ — მათ შეუძლიათ მიტოქონდრიების “მოპარვა” სხვა უჯრედებისგან, რაც მათ გადარჩენისა და მედიკამენტების მიმართ გამძლეობის შანსს ზრდის.
მიტოქონდრიების გაცვლის პროცესი ჯერ კიდევ ბუნდოვანია. პირდაპირი დაკვირვება ჯერჯერობით შეუძლებელია ტექნოლოგიური შეზღუდვების გამო. თუმცა არსებობს დიდი პოტენციალი, რომ მომავალში ამ პროცესის მართვა შესაძლებელი გახდეს სამკურნალო მიზნებისთვის — მაგალითად, ინსულტის ან ონკოლოგიური დაავადებების დამარცხებისთვის.
მიტოქონდრიების მობილურობის შესწავლა და მართვა შესაძლოა რევოლუციური ცვლილება გახდეს მრავალი დაავადების მკურნალობაში, რაც კიდევ ერთხელ ხაზს უსვამს აღნიშნული კვლევების გაგრძელების მნიშვნელობას.
ანალიტიკოსთა და მეცნიერთა დარბაზი ,,დოქტრინა”
0
