მედიცინა

Bloomberg-ი ავრცელებს ინფორმაციას, რომ კომპანია Pfizer-მა შექმნა კორონავირუსის სამკურნალო აბი, რომელიც ჰოსპიტალიზაციას და სიკვდილიანობას 89%-ით ამცირებს.

წამალი 1219 არავაქცინირებულ მოხალისეზე გამოიცადა. ხუთდღიანი მკურნალობის შემდეგ, ჰოსპიტალიზაცია შემცირდა და მხოლოდ 0.8% შეადგინა, მათი მდგომარეობა არ დამძიმებულა და პაციენტებიდან არცერთი გარდაცვლილა.

გასულ თვეში კორონავირუსის სამკურნალო აბები მარეგულირებლებს ფარმაცევტულმა კომპანიებმა Merck & Co. და Ridgeback Biotherapeutics LP-მა წარუდგინეს. Pfizer-ის განცხადებით, ახალი წამალი უფრო ეფექტურია, ვიდრე Merck-ი.

აბი, რომელიც შეიძლება მიღებულ იქნას სახლში სიმპტომების პირველივე გამოვლინებისთანავე, შესაძლოა გადამწყვეტი ინსტრუმენტი იყოს Covid19-ის კრიზისთან გასამკლავებლად.

წყარო: Bloomberg

მასალა მოამზადა: ნინი ხეცურიანმა

სინოფარმი/სინოვაკით აცრილებო, სამედიცინო ჩვენებით ჯერ ბუსტერი არ გჭირდებათ, ვაქცინის “ფაიზერით” ჩანაცვლების ერთადერთი მიზეზია მხოლოდ მოგზაურობა, – ამის შესახებ ალერგოლოგ-იმუნოლოგი ბიძინა კულუმბეგოვი აცხადებს.

“დაინდეთ თქვენი ორგანიზმი და უსაფუძვლოდ ნუ შეეცდებით დამატებითი დოზების მიღებას!!!
როგორც კი მწარმოებელი კომპანია და ჯანმო ამ ვაქცინებზე ბუსტერის საჭიროებას დაამტკიცებს, აქაც ავტომატურად მოხდება მისი გამოყენება.

ახლა მთავარია, ნებისმიერი ვაქცინის ორი დოზით ავცრათ დამატებით 1-1.5 მილიონი ჩვენი მოქალაქე”, – წერს ის.

ცნობისთვის, “ბუსტერ” დოზით ვაქცინაციის დეტალური პროტოკოლი უკვე დამტკიცებულია. როგორც მინისტრის ბრძანების დანართშია აღნიშნული, Covid-19-ის საწინააღმდეგო ვაქცინის დამატებითი (ბუსტერ) დოზით აცრას Covid-19 დაავადების მძიმე გართულებების მაღალი რისკის ქვეშ მყოფი პირები შეძლებენ. ასევე, ორი დოზით აცრილთა შემთხვევაში, პირებს, რომლებსაც მოგზაურობის, სწავლის, მკურნალობის, ან სხვა მიზნით, საზღვარგარეთ წასვლისთვის ესაჭიროებათ ვაქცინაციის ჩატარება, დამატებით შესაძლებელია ჩაუტარდეთ Pfizer–ის ვაქცინის ორი დოზით აცრა, ამასთან, მეორე დოზას და დამატებით პირველ დოზას შორის მინიმალური ინტერვალი შეადგენს 28 დღეს.

ფარმაცევტული კომპანია Merck-ი აცხადებს, რომ მათ მიერ შექმნილმა
კოვიდ-19-ის საწინააღმდეგო ექსპერიმენტულმა
აბებმა კოვიდინფიცირებულებში ჰოსპიტალიაზაციისა და
გარდაცვალების შემთხვევები 2-ჯერ შეამცირა.
კომპანია Merck-ისა და მისი პარტნიორის, Ridgeback Biotherapeutics– ის
ინფორმაციით, კვლევის ადრეულმა შედეგებმა აჩვენა, რომ იმ
პაციენტებში, რომლებმაც მათი ანტივირუსული პრეპარატი Molnupiravir-
ი სიმპტომების გამოვლენიდან ხუთი დღის განმავლობაში მიიღეს,
ჰოსპიტალიზაციისა და სიკვდილის დაახლოებით ორჯერ მცირე
მაჩვენებელი დაფიქსირდა იმათთან შედარებით, რომლებმაც პლაცებო
მიიღეს.
კვლევაში 775 ზრდასრული კოვიდინფიცირებული იყო ჩართული.
თითოეულ მათგანს დაავადების მძიმე ფორმის განვითარების მინიმუმ
ერთი რისკფაქტორი ჰქონდა : იყო 60 წელს გადაცილებული, ან ჰქონდა
დიაბეტი, აწუხებდა გულის დაავადება ან სიმსუქნე.
კომპანია Merck-ი აცხადებს, რომ მედიკამენტის გამოყენების ნებართვის
გასაცემად აშშ-სა და მსოფლიოს სხვა ქვეყნების ჯანდაცვის
სტრუქტურებს უახლოეს მომავალში მიმართავენ.
მედიკამენტზე ჩატარებული კვლევის შედეგების თანახმად, გაჩნდა
პერსპექტივა, რომ კორონავირუსის მკურნალობა მალე მედიკამენტის
საშუალებით იქნება შესაძლებელი.

წყარო : usatoday.com

ახალგაზრდა ანალიტიკოსთა და მეცნიერთა დარბაზი “დოქტრინა”

ამერიკელი ქირურგები აცხადებენ, რომ ადამიანს ღორის თირკმელი
წარმატებით გადაუნერგეს, რამაც მედიკოსებში გააჩინა იმედი, რომ
ორგანოების დონაციასთან დაკავშირებული პრობლემა საბოლოოდ
გადაიჭრება.
გადანერგვისას ორგანოს მიმღების ტვინი მკვდარი იყო, რაც იმას
ნიშნავს, რომ გამოჯანმრთელების პერსპექტივა არ არსებობდა.
ღორი, რომლის თირკმელიც გამოიყენეს, გენეტიკურად
მოდიფიცირებული იყო, იმისთვის, რომ ორგანიზმს სხეული „უცხოდ“
არ აღექვა და მასზე უარი არ ეთქვა.
ნიუ-იორკის უნივერსიტეტის Langone Health-ის სამედიცინო ცენტრში
ორსაათიანი ოპერაციის დროს, ქირურგებმა დონორი ღორის
თირკმელი დააკავშირეს მიმღების სისხლძარღვებთან, შემდეგ კი
დააკვირდნენ, თირკმელი ნორმალურად იმუშავებდა, თუ ადამიანის
ორგანიზმის მას არ მიიღებდა. მედიკოსებმა უამრავი ტესტი და
კვლევა ჩაატარეს.
„ჩვენ ვაკვირდებოდით თირკმელს, რომელიც ძირითადად ადამიანის
თირკმლის ტრანსპლანტის მსგავსად, ნორმალურად
ფუნქციონირებდა,“- განაცხადეს კვლევის ავტორებმა.
ექსპერტები განმარტავენ, რომ ეს არის ყველაზე პროგრესული
ექსპერიმენტი ამ სფეროში. მანამდე მსგავსი ცდები ჩატარდა
პრიმატებზე, მაგრამ არა ადამიანებზე. აღსანიშნავია, რომ ღორების
ტრანსპლანტაციისთვის გამოყენება ახალი იდეა არ არის. ღორის
გულის სარქველები უკვე ფართოდ გამოიყენება ადამიანებში.

წყარო : bbc.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი “დოქტრინა”

იაპონელმა მეცნიერებმა ახალი ვირუსის იდენტიფიცირება შეძლეს, რომელიც ტკიპის ნაკბენის შედეგად ვრცელდება. ახალი ვირუსის „იეზოს“ კვლევის შედეგები, გამოცემა Nature Communications-ში გამოქვეყნდა.

იაპონიაში უცნობი პათონოგენით ინფიცირების შემთხვევები 2014 წელს გამოვლინდა. 2020 წლამდე უცნობი ვირუსით ინფიცირების 7 შემთხვევა გამოვლინდა. ვირუსს ახასიათებს ცხელება, ხოლო პაციენტების სისხლში მცირდება ლეიკოციტების და თრომბოციტების რაოდენობა.

იაპონელმა მკვლევრებმა ვირუსი ორი პაციენტის სისხლში აღმოაჩინეს, რამაც მათ ახალი პათოგენის გენეტიკური ანალიზის ჩატარების საშუალება მისცა. ანალიზმა აჩვენა, რომ ვირუსი Orthonairovirus პათოგენს მიეკუთვნებოდა. ანალოგიური პათოგენი აქვს კონგო-ყირიმის ვირუსს.

2019 წელს კუნძულ ჰოკაიდოზე მცხოვრებმა ორმა პაციენტმა ტკიპის ნაკბენის შემდეგ კლინიკას ცხელების ჩივილებით მიმართა. პაციენტების სისხლის ანალიზში უცნობი ვირუსი აღმოჩნდა. ექიმებმა სისხლის ნიმუშები 2014 წელს ინფიცირებული პაციენტების ანალიზს შეადარეს, რომელთაც უცნობი ვირუსის შედეგად ცხელება გამოუვლინდათ. მკვლევრებმა „იეზოთი“ ინფიცირების 7 შემთხვევა გამოავლინეს.

ახალგაზრდა ანალიტიკოსთა და მეცნიერთა დარბაზი “დოქტრინა”

ბრიტანელი ექიმების განცხადებით, ხშირი სლოკინი შესაძლოა ონკოლოგიურ დაავადებაზე მიუთითებდეს. ამის შესახებ Daily Express-ი წერს.

სლოკინის მიზეზი შეიძლება ძალიან სწრაფად ჭამა, დიდი რაოდენობით საკვები ან სპირტიანი სასმელის მიღება გახდეს. თუმცა, ამასთან, ზოგიერთ შემთხვევაში სლოკინი შესაძლოა საყლაპავი მილის კიბოს სიმპტომი იყოს.

სპეციალისტების მოწოდებაა, რომ ადამიანებმა მიმართონ ექიმს, თუ სლოკინის შეტევები 48 საათზე მეტ ხანს გაგრძელდება.

ახალგაზრდა ანალიტიკოსთა და მეცნიერთა დარბაზი “დოქტრინა”

ლევან რატიანი პაციენტთა იმ კატეგორიაზე საუბრობს, რომლებიც კოვიდ 19-ს გაცილებით მალე და ადვილად ამარცხებენ.
– არა მარტო კოვიდ-19-თან მიმართებაში, არამედ ნებისმიერი დაავადების დაძლევაში და სასიკეთო შედეგის მიღწევაში, პაციენტის ფსიქო-ემოციურ განწყობას ძალიან დიდი მნიშვნელობა აქვს. ცენტრალური ნერვული სისტემა მართავს მთელ ჩვენს სხეულს და გენერატორის ფუნქციას ასრულებს ორგანიზმისთვის. უზნაძის განწყობის თეორიაც ადასტურებს, თუ რამხელა მნიშვნელობა აქვს ადამიანის ფსიქო-ემოციურ სტატუსს დაავადების გამოსავალში, – აღნიშნა ლევან რატიანმა და ამის დასტურად ე.წ ბატონები მოიყვანა.
– ყველამ იცის, წარსულში ბატონებს როგორი დიდი სიფრთხილით ისტუმრებდა ოჯახი. სამეგრელოში ტაფას არ ახურებდნენ, ცეცხლს არ ანთებდნენ, რომ ბატონები არ გაღიზიანებულიყვნენ. მაშინდელმა ხალხმა არ იცოდა ამ ქმედების ბიოლოგიური შინაარსი, მაგრამ დღეს დადასტურებულია, რომ კვამლი, სანელებლების მძაფრი სურნელი, ცხიმოვანი საკვების გაცხელება იწვევს ავტოანტიგენების გამომუშავებას, ალერგიულ რეაქციებს და ეს ამწვავებს დაავადების მიმდინარეობას. სიმშვიდე, სიწყნარე, კარგი განწყობა კი ინფექციურ აგენტზე ძალიან კარგად მოქმედებს, – განაცხადა ლევან რატიანმა.

მისი თქმით, კოვიდ 19 არ იძლევა ყოველთვის ცუდ გამოსავალს.

– სტატისტიკა ცხადყოფს, რომ ინფიცირება დაავადებას არ ნიშნავს. შეიძლება იყოთ ინფიცირებული, მაგრამ არ გახდეთ ავად, არ გამოგივლინდეთ მძიმე სიმპტომი. თუ ამ დაავადებას პესიმისტურად მივიღებთ და „ვაიმე, დავმძიმდები“, „ვაიმე, მოვკვდები“ გავიფიქრეთ, ეს შინაგანი განწყობა დაავადების მიმდინარეობაზე აუცილებლად მოახდენს გავლენას. ამიტომ მიიღეთ ისეთი შემართებით, რომ გაიმარჯვებთ, რომ გადარჩებით. ასეთი განწყობის შემთხვევაში, პაციენტთა 99% აუცილებლად გამოჯანმრთელდება, – დასძინა ლევან რატიანმა.

ახალგაზრდა ანალიტიკოსთა და მეცნიერთა დარბაზი “დოქტრინა”