close
სტორია

ქართველ ისტორიკოსს საფრანგეთში “შატობრიანის სახელობის პრემია” გადასცეს

adafaffffgggg

ქართველ ისტორიკოსს, ლაშა ოთხმეზურს  წიგნისთვის “ბარბაროსა 1941 აბსოლუტური ომი” საფრანგეთში  “შატობრიანის სახელობის პრემია” გადაეცა. ამის შესახებ ინფორმაციას საფრანგეთში საქართველოს ყოფილი ელჩი, ეკა სირაძე-დელონე ავრცელებს.

“განსაკუთრებულად კარგი და მნიშვნელოვანი ამბავი მოხდა გუშინ, რომლის უყურადღებოდ დატოვებაც ნამდვილად არ შეიძლება. სამწუხაროა, რომ ჩვენი მედია ამ ამბით ჯერ არ დაინტერესებულა.
მოგეხსენებათ, საფრანგეთში, ისტორიის დარგში ფრანგულ ენაზე გამოცემული წიგნებისათვის 1987 წლიდან გაიცემა “შატობრიანის სახელობის პრემია”. მიუხედავად იმისა, ამ პრემიის ძირითადი სამიზნე განმანათლებლების პერიოდის ისტორიის წიგნებია, ლაურეატებში გვყავს გამონაკლისებიც.

საამაყო და სასიხარულოა, რომ ეს მნიშვნელოვანი აღიარება წელს, გადაეცა ქართველ ისტორიკოსს ლაშა ოთხმეზურს და მის კოლეგას ხუან ლოპეზს მათი განსაკუთრებულად კარგი წიგნისთვის “ბარბაროსა 1941 აბსოლუტური ომი” (თარგმანი ჩემია). აღსანიშნავია, რომ ლაშა პირველი ქართველი ისტორიკოსია, რომელმაც ეს პრემია მიიღო.
ცერემონიალი ამ პრიზის გადაცემისთვის, როგორც წესი საფრანგეთის აკადემიაში იმართება ხოლმე. გთავაზობთ რამდენიმე ფოტოს ამ ძალზედ სასიხარულო, საამაყო და მნიშვნელოვანი ღონისძიებიდან. ლაშას და ხუანს კი ვუსურვებ კიდევ უფრო მეტ წარმატებას და ბევრ საინტერესო წიგნს ! ლაშა, ვამაყობთ შენით !”

ახალგაზრდა ანალიტიკოსთა და მეცნიერთა დარბაზი ,,დოქტრინა“ 

მასალის გამოყენების პირობები

კომენტარი

admin2

The author admin2