close
ვლევებიედიცინასოფლიოექნოლოგიები

ტვინის ახალი იმპლანტი ფიქრით წუთში 90 სიტყვის “დაწერის” საშუალებას იძლევა

12345trdsxc

სტენფორდის მეცნიერებმა შეიმუშავეს ტვინის იმპლანტი, რომელმაც პარალიზებულ ადამიანს საშუალება მისცა წუთში 90 სიტყვა “აეკრიფა” და ეს მხოლოდ სიტყვებზე ფიქრით.

მკვლევრებმა თავიანთი დასკვნები Nature-ში მაისში გამოაქვეყნეს, ხოლო ახლა ის წარადგინეს WE Summit-ზე, სამეცნიერო ტელეკონფერენციაზე, რომელსაც Tencent-მა უმასპინძლა 6 ნოემბერს.

შედარებით ძველი იმპლანტის სისტემები ხშირად ეყრდნობა სისტემას, რა დროსაც ადამიანი გონებით გადაადგილებს კურსორს ციფრულ კლავიატურაზე კონკრეტულ სიმბოლოებზე. ახალი ნერვული იმპლანტის გამოყენებით პაციენტმა წარმოიდგინა თუ როგორ წერდა ხელით სიტყვებს და მან მათი “დაწერა” ასე შეძლო — წარმოდგენის შემდეგ, ხელოვნური ინტელექტი შიფრავს ნერვულ სიგნალებს და ჩნდება სიტყვა ეკრანზე.

SCMP-ის მიხედვით, ჯგუფმა გააერთიანა ნერვული იმპლანტის სისტემა ავტოკორექტირების ფუნქციასთან, რამაც გამოიწვია 99 პროცენტიანი სიზუსტის მაჩვენებელი. ეს შთამბეჭდავი იქნებოდა ჩვეულებრივ კლავიატურისთვისაც კი. იმპლანტის შემქმნელები ამბობენ, რომ მათ პაციენტს ახლა გონებით მსოფლიოში ყველაზე სწრაფად შეუძლია ტექსტის დაწერა.

“ეს ჯერ მხოლოდ აისბერგის წვერია. როდესაც ჩვენი ტექნოლოგიები დაიხვეწება, უახლოეს ათწლეულებში ჩვენ ბევრად მეტს შევძლებთ”, — განაცხადა კრიშნა შენოიმ, სტენფორდის ნეირომეცნიერმა.

ამასთან, შენოიმ თქვა, რომ ყველაზე დიდი გამოწვევა, რომლის წინაშეც ახლა დგას ნერვული იმპლანტების ტექნოლოგიები, ეს კომერციალიზაციაა. რასაც თავის მხრივ ცდილობს ილონ მასკის კომპანია — Neuralink. მასკს სურს ტვინის იმპლანტები მედიცინაში და სამომხმარებლო ელექტრონიკის სფეროში გადაიტანოს.

როდესაც საუბარია კომერციალიზაციაზე, ჩნდება უსაფრთხოების საკითხებიც — როგორ დავარწმუნოთ ხალხი, რომ ტვინში ელექტროდის სენსორების ჩანერგვა უსაფრთხოა? მეტიც, როგორ გავხადოთ ნერვული იმპლანტის ქირურგია — რომელიც წარმოუდგენლად ძვირია — უფრო ხელმისაწვდომი?ამის მისაღწევად, შენოი იმედოვნებს, რომ კერძო კომპანიები უფრო მეტ რესურსს ჩადებენ როგორც მის კვლევაში, ისე ზოგადად სფეროში.

“ალბათ, ეს ყველაზე დიდი გამოწვევაა. სწორედ აქ გვჭირდება ბიზნესის თუ კონკრეტული ინვესტორების ფოკუსირება ამ პრობლემებზე. საჭიროა მეტი ინვესტირება”, — ამბობს შენოი

ახალგაზრდა ანალიტიკოსთა და მეცნიერთა დარბაზი “დოქტრინა”

გაზიარება:
fb-share-icon0

მასალის გამოყენების პირობები

კომენტარი