close
აქართველოოფლის მეურნეობა

ესპანეთიდან ხეხილოვანი, სუბტროპიკული და აგროსატყეო კულტურების ახალი ჯიშები შემოვა

ესპანეთი

ესპანეთიდან საქართველოში ხეხილოვანი, სუბტროპიკული და აგროსატყეო კულტურების ახალი ჯიშების შემოვა, რომლებიც სამეცნიერო-კვლევითი ცენტრის ბაზებზე განთავსდება, სადაც  მათ შეისწავლიან და შემდგომ ფერმერულ მეურნეობებში გაავრცელებენ.

სოფლის მეურნეობის სამინისტროს ინფორმაციით, შესაბამისი ხელშეკრულება სოფლის მეურნეობის სამინისტროს სამეცნიერო-კვლევითი ცენტრსა და  ნერგების მწარმოებელ ესპანურ კომპანიასთან ,,La Encina-ს” შორის გაფორმდა.

სამინისტროს პრესსამსახურის განმარტებით, მემორანდუმის ფარგლებში გათვალისწინებულია ესპანურ კომპანიასა და საქართველოს სანერგე მეურნეობებს შორის სამეცნიერო-პრაქტიკული თანამშრომლობა, ერთობლივი სანერგეების შექმნა, ფერმერების ხარისხიანი ნერგით უზრუნველყოფა, ასევე, ქართველი სპეციალისტების სტაჟირება ესპანეთის სანერგე კომპანიებში და ერთობლივი სამეცნიერო კვლევების ჩატარება.

როგორც ესპანური კომპანიის ,,La Encina-ს” პრეზიდენტმა, ხაურეს ფერერიმ აღნიშნა, ესპანური მხარე დაინტერესებულია ქართული ბაზრით და სოფლის მეურნეობის მიმართულებით საქართველოსთან თანამშრომლობით.

,,საქართველოს გეოგრაფიული მდებარეობა საშუალებას გვაძლევს ნერგები საქართველოში ვაწარმოოთ და შემდეგ მივაწოდოთ მომხმარებელს როგორც ადგილობრივ ბაზარზე, ასევე გავიტანოთ ექსპორტზე მეზობელ ქვეყნებში და ევროპაში“, – აღნიშნა კომპანია ,,La Encina-ს” პრეზიდენტმა.

 

წყარო: www.moa.gov.ge

 მასალა მოამზადა: თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

მასალის გამოყენების პირობები

კომენტარი

Tags : slid
admin2

The author admin2