„ვაჩვენეთ, რომ ელექტრო მობილების ბატარეის დამუხტვა 10 წუთში შეგვიძლია და ასეთი დამუხტული ავტომობილები 300 მილამდე მანძილს გადიან,“ – აცხადებენ კვლევის ავტორები, რომლებიც პენსილვანიის უნივერსიტეტის მეცნიერები არიან.
ეს ელემენტები დამუხტვა-განმუხტვის 2,500 ციკლს უძლებენ, რაც ნახევარი მილიონი მილის გავლის შესაძლებლობას იძლევა. ერთ-ერთი მნიშვნელოვანი ფაქტორი ისაა, რომ ელექტრომობილების ბატარეა, სმარტფონისა და ნოითბუქების ბატარეების მსგავსად, ლითიუმის იონის ბატარეებია, რომელსაც დამუხტვა-განმუხტვის ციკლის რაოდენობა შეზღუდული აქვს, რასაც ელექტრო მოწყობილობის მაღალი ტემპერატურის პირობებში ყოფნა კიდევ უფრო აჩქარებს.
აღნიშნული ფაქტორი კი სწრაფი დამუხტვის ტექნოლოგიის გამოყენებისთვის წესით მნიშვნელოვანი დაბრკოლება უნდა იყოს, ვინაიდან როდესაც ბატარეა მაღალ სიმძლავრეზე იტენება, ანოდის ირგვლივ მეტალის ლითიუმის წარმოქმნაა, რაც ბატარეის სიცოცხლის უნარიანობას ძალიან ამცირებს.
თუმცა, კვლევის ავტორების განმარტებით, მიუხედავად იმისა, რომ მაღალი ტემპერატურა დამუხტვა-განმუხტვის ციკლის რაოდენობას ამცირებს, როდესაც დამუხტვა მცირე დროის განმავლობაში მიმდინარეობს ანოდის ირგვლივ მეტალის ლითიუმის წარმოქმნა ნაკლებად ხდება.
წყარო : www.sciencealert.com
მასალა მოამზადა : თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”
0
