close

კულტურა

ს საინტერესოაულტურასოფლიო

ორიგამი ანუ ქაღალდის ხელოვნება

ორიგამი

ორიგამი  ეს არის ქაღალდის ხელოვნება რომლიც დაიბადა იაპონიაში. მისი ისტორია ჰეიანის ეპოქიდან (794 – 1185 წ.წ) იწყება, როცა ქაღალდი ფუფუნების საგანია, რადგან  ხელით მზადდება, ამიტომ ის გამოიყენება განსაკურთებულ ვითარებაში, უფრო მეტად რელიგიურ  დღეებში. ქაღალდისგან გაკეთებულ ფიგურებს იაპონელები რიტუალურად   აკავშირებდნენ ღმერთებთან.

კამაკურის პერიოდიდან (1185 – 1333 წ.წ.) ქაღალდის ნაკეთობები ადგილს იკავებს უკვე საიმპერატორო კარზე და არისტოკრატულ საზოგადოებაშიც. მისი  გაკეთება სავალდებულო ჟესტად მიიჩნეოდა, და ის ვინც კარგად დაეუფლებოდა ამ ხელოვნებას  უაღრესად განათლებულ და დახვეწილ მანერების მქონე პიროვნებად იყო აღქმული.

დროთა განმავლობაში, ორიგამი რელიგიური დატვირთვიდან გამოდის და პოპულარული ხელოვნების დარგი ხდება.

 

 

სრულად ნახვა
ნალიტიკას საინტერესოაულტურა

საინტერესო ფაქტები ,,მონა ლიზას” შესახებ

მონა ლიზა

ლეონარდო და ვინჩის შედევრი -,,მონა ლიზა”, იგივე ,,ჯოკონდა” დღემდე განხილვის თემაა. ცოტა რამ ამ ნახატის შესახებ, რომელსაც საინტერესო და უცნაური ისტორიები არ აკლია:

ლეონარდო და ვინჩიმ ნახატი ზეთის სახებავებით დახატა და საიდუმლებით მოცული ქალი ასახა, რომელიც ირონიული ღიმილით უმზერს მნახველს.

როგორც ცნობილია, პორტრეტი ეკუთვნის ფლორენციელი მდიდარი ვაჭრის ცოლს, ლიზა გერარდინის. ,,მონა” კი თანამედროვე იტალიურში ქალბატონს ნიშნავს. მონა ლიზა მეთექვსმეტე საუკუნეში სულაც არ ყოფილა განსჯის საგანი და არც განსაკუთრებული ინტერესი არ დაუმსახურებია. უცნაურია, მაგრამ 1503 წელს საფრანგეთის მეფემ პორტრეტი შეიძინა და აბაზანაში დაკიდა, რაც კიდევ ერთხელ ადასტურებს იმას, რომ პორტრეტს ყურადღება არ მიუპყრია. დღესდღეობით კი, მილიონობით მნახველი სტუმრობს ლუვრს მხოლოდ იმიტომ, რომ და ვინჩის ,,მონა ლიზათი” დატკბნენ. მეცნიერები და ხელოვნებათმცოდნეები ცდილობენ ორი უდიდესი საიდუმლოება გაშიფრონ  ,,მონა ლიზას” შესახებ. ვინ არის პორტრეტზე ასახული არსება? და რა არის მისი დამცინავი ღიმილის მიზეზი ან მიზანი.

იტალიელები  ამბობენ, რომ მონა ლიზა იტალიელი ვაჭრის ცოლია და ეს ინფორმაცია მისი ვინაობის შესახებ ყველაზე გავრცელებულია, თუმცა არსებობს სხვა მოსაზრებები, რომლებიც დასაბუთებულია.

არის მოსაზრება, რომ მონა ლიზა ლეონარდოს ავტოპორტრეტია, რადგან ლეონარდოს სახის ნაკვთები ანალოგიურია პორტრეტზე გამოსახული ქალის სახისა.

ბრიტანულმა გამოცემამ  ,,The Telegraph-მა” გაავრცელა ინფორმაცია, რომ მეცნიერებმა ახალი აღმოჩენები გააკეთეს. მათ ‘,,მონა ლიზას” დაკვირვება დაიწყეს ჰორიზონტალურ პოზიციაში და აღმოაჩინეს, რომ ნახატზე გამოსახულია ლომის თავი, ნიანგი და გველი, რომელიც ქალის მარცხენა ხელიდან გამოდის. ახალი აღმოჩენები ნახატს შინაარსობრივად ცვლის. ზოგიერთი მეცნიერი მიიჩნევს, რომ გველი, რომელიც ქალს ხელში უკავია, ასოცირებულია შურთან, და შეგვიძლია, ჯოკონდას ღიმილიც შურს მივაწეროთ, თუმცა ამ მოსაზრებას უამრავი კრიტიკოსი ჰყავს. მეცნიერები იშველიებენ ლეონარდო დავინჩის სიტყვებს, რომელიც მან  ,,მონა ლიზას” შესახებ დაწერა : ‘,, მე მას მივეცი ავაზას ტყავი და ის ქმნილება კლავს ლომს შურით”, ამიტომაც, გამორიცხული არაა მონა ლიზას საიდუმლო რამდენადმე დაკავშირებული იყოს ცხოველებთან.

რაც შეეხება ჯოკონდას იდუმალ ღიმილს – ის ბევრისთვის ქცეულა შთაგონების წყაროდ და ბევრიც სასოწარკვეთილებაში ჩაუგდია. 1852 წელს ფრანგი ხელოვანი, ლუკ მასპერო, სასტუმროს ოთახის აივნიდან გადახტა, მხოლოდ იმიტომ, რომ ვერ შეძლო მონა ლიზას ღიმილის მიზეზი გაეგო.

ზოგიერთი ხელოვნებათმცოდნე მიიჩნევს, რომ და ვინჩიმ მისივე გამოგონება,  ,,სფუმატოს” ტექნიკა გამოიყენა, რაც ნახატს რამდენადმე აბუნდოვანებს და მნახველს აძლევს საშუალებას თავისივე ფანტაზიით განავრცოს იგი.

ასევე, აღსანიშნავია ის, რომ როდესაც მთლიონაბაში უყურებ ნახატს შენ ამჩნევ ღიმილს, თუმცა თუკი მხოლოდ ტუჩებს შეხედავ ღიმილი ქრება. ,,მონა ლიზას” ღიმილი მაყურებლის პერსპექტივაზე და აღქმაზეცაა დამოკიდებული. როგორც ცნობილია, და ვინჩი ჯოკონდას ღიმილს 12 წელი ხატავდა.

არსებობს ასეთი მოსაზრება, რომ როდესაც და ვინჩი პორტრეტს ხატავდა, ქალმა მოიწყინა და და ვინჩიმ მას გამრთობები მოუყვანა. ამით შეიძლება ჯოკონდას უცნაური ღიმილი აიხსნას, რადგან წარჩინებული ქალბატონები ხშირად ინებივრებდნენ თავებს გამრთობებით.

ისიც აღსანიშნავია, რომ ჯოკონდას წარბები არ აქვს. ამის მიზეზი კი დადგენილია და სადავო აღარაა. რენესანსის ეპოქაში გაპარსული წარბები მოდურად  მიიჩნეოდა  ქალებში.

ფერწერული ნამუშევრის განხილვა დღემდე არ წყდება, იქნებ, მომავალში კიდევ უამრავ საიდუმლოს აეხადოს ფარდა.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ანათლებაულტურააქართველო

ქალაქ დუშეთის ურბანული განვითარება ეკონომიკური ზრდისთვის

18575475_1525455470840296_2052424368_o

საქართველოს ერთ-ერთი უძველესი ქალაქი დუშეთი მდიდარი კულტურული მემკვიდრეობით გამოირჩევა, იგი ურბანული განვითარებისთვის მნიშვნელოვან როლს ასრულებს და უდიდეს კულტურულ ღირებულებას წარმოადგენს ეროვნულ დონეზე. კულტურის განვითარების ხელშეწყობისთვის ქ. დუშეთში არაერთი პროექტი ხორციელდება, თუმცა ყველაზე მასშტაბურია ევროკავშირისა და ევროსაბჭოს პროექტი – „თემის მიერ მართული ურბანული სტრატეგიები ისტორიულ ქალაქებში“ (COMUS). საქართველოდან ერთ-ერთ საპილოტე ქალაქად დუშეთი შეირჩა. პროექტში, აგრეთვე, ჩართულია: სომხეთის, აზერბაიჯანის, ბელორუსიის, მოლდოვისა და უკრაინის ქალაქები. ადგილობრივ დონეზე პროექტის მენეჯერი დუშეთის გამგებლის პირველი მოადგილე ბექა ღარიბაშვილია.

აღსანიშნავია, რომ უკვე გაიმართა სხვადასხვა კულტურულ-საგანმანათლებლო ღონისძიება, მაგალითად, ფოტოკონკურსი – ,,გაიცანი შენი ქალაქის კულტურული მემკვიდრეობა”, აგრეთვე, გამოცხადებულია ახალი ლიტერატურული კონკურსი – ,,ჩემი ქალაქის ამბები” – მთავარი მიზანია ქალაქის უნიკალური ადგილების, ლეგენდების, ადგილობრივი ტრადიციების, საინტერესო ისტორიებისა და გამორჩეული ადამიანების აღმოჩენა, გაცნობა და განვითარება.

როგორც ცნობილია, პროექტის ფარგლებში შერჩეულია რამდენიმე ობიექტი, რომელიც განსაკუთრებული კულტურული, საგანმანათლებლო და ისტორიული ფასეულობით გამოირჩევა, მათ შორისაა: დუშეთის მხარეთმცოდნეობის მუზეუმი, გეოფიზიკური ობსერვატორიის ტერიტორია, ქალაქის ისტორიული უბანი და ა.შ.

,,პროექტის ფარგლებში, რასაკვირველია, გამოიკვეთა არაერთი პრობლემა. კულტურული მემკვიდრეობის ფასეულობის გაცნობიერება, თემის ჩართულობა და, ზოგადად, ურბანული განვითარება მნიშვნელოვანია, უპირველეს ყოვლისა, ეკონომიკური ზრდისთვის. უკვე გაიმართა რამდენიმე კულტურულ-საგანმანათლებლო ღონისძიება, რაც, თავისთავად, ხელს უწყობს მოქალაქეთა ინტერესის გაღვივებას კულტურის სფეროში. აღსანიშნავია ისიც, რომ დუშეთი გახდა მსოფლიო ისტორიული ქალაქების ასოციაციის წევრი” – ,,დოქტრინასთან” საუბრისას აღნიშნა ბექა ღარიბაშვილმა.

პროექტი 2017 წლის ბოლოს დასრულდება.

 

მასალა მოამზადა: ნინი მშვენიერიძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
ულტურა

უკონკურენტო ოდრი ჰეპბერნი ,,რომაული არდადეგების“ სინჯებზე [ვიდეო]

audrey

გთავაზობთ ვიდეოს, რომელშიც ოდრი ჰეპბერნი ფილმის გადაღების სინჯზეა.

,,რომაული არდადეგები“ ამერიკელი რეჟისორის, უილიამ უაილერის, რომანტიკული კომედიაა, რომელიც აღწერს ახალგაზრდა პრინცესისა და ცინიკური ამერიკელი რეპორტიორის სიყვარულის ისტორიას.ეს არის პირველი მნიშვნელოვანი როლი ოდრი ჰეპბერნისთვის, რომელმაც მას ,,ოქროს გლობუსი” და ,,ოსკარი” მოუტანა.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ულტურა

ლუკა ნოზაძე – გერმანიაში მოღვაწე ქართველი მომღერალი და პროდიუსერი

1

 ლუკა ნოზაძე 22 წლის მომღერალი და მომავალი მუსიკალური პროდიუსერია, რომელიც სიმღერასაც თავად წერს. ამასთანავე, მრავალ ინსტრუმენტზეც უკრავს, თუმცა, როგორც თვითონ აღნიშნავს, მის სათქმელს ყველაზე უკეთ სიმღერა გამოხატავს. ,,დოქტრინა“ გაესაუბრა ახალგაზრდა მუსიკოსს, რომელმაც მოგვითხრო საკუთარი გამოცდილების შესახებ.

ლუკა ნოზაძე (სასცენო სახელით – ŁUKA NØZZA) დიდი ხანი არ არის,  რაც გამოჩნდა ქართულ მუსიკალურ სივრცეში, თუმცა, საკმაოდ განსხვავებული სტილითა და თბილი ხმის ტემბრით უკვე შეძლო თავი შეეყვარებინა მსმენელისთვის.

ის საბერძნეთში დაიბადა და საქართველოში გაიზარდა, ამჟამად კი, გერმანიაში ცხოვრობს და ფრაიბურგის ჯაზის აკადემიის სტუდენტია. როგორც ამბობს, მუსიკისადმი სიყვარული  ოჯახმა შთაუნერგა – ,,ყველაზე დიდი ზეგავლენა, რა თქმა უნდა, მუსიკალურმა ოჯახმა მოახდინა, სადაც ოჯახის უფროსიდან დაწყებული, ახალი თაობით დამთავრებული, ყველა ვმღერით, ვუკრავთ და ვხატავთ. ჩემს სტუდენტურ ცხოვრებას კი, უპირველეს ყოვლისა, დედას და ბებიას თანადგომას უნდა ვუმადლოდე“.

ლუკამ პირველად 2014 წელს სცადა საკუთარი მუსიკა სხვებისთვისაც გაეზიარებინა, მან მოყვარულის დონეზე, დიქტოფონის მეშვეობით ჩაწერა და არანჟირება გაუკეთა სიმღერას, რასაც დადებითი გამოხმაურება მოჰყვა სოციალურ ქსელებზე. ამრიგად, როგორც თავად უწოდებს – უხარისხოდ ჩაწერილი -,,Sunset Romance-ი” იყო მისი პირველი ბიძგი მუსიკალურ სამყაროში. ამას თან დაერთო, ამ საქმის პროფესიონალების დახმარებაც, ,,რომ არა მათი თანადგომა, ძალიან გამიჭირდებოდა ამ ყველაფრის მარტო შესწავლა. საუბარი მაქვს ისეთ მუსიკოსებზე, როგორებიც არიან – დავით ფორჩხიძე, გელა გნოლიძე, ზაზა ხუბუკელაშვილი პაატა ფაცურია, მაგრამ ყველაზე დიდი დასაწყისის ბიძგი მაინც ჩემმა საუკეთესო მეგობარმა, გიორგი თორაძემ, მომცა. თუმცა, სიმართლე გითხრათ მუსიკის დაწერის სურვილი რაც უნდა უცნაურად ჟღერდეს, 9 წლის ასაკიდან მქონდა“.

ჯაზის აკადემიაში მოხვედრაც, რა თქმა უნდა, ბევრ დაბრკოლებასთან იყო დაკავშირებული, მაგრამ მონდომებულმა ახალგაზრდა შეძლო ოცნება აეხდინა და უკვე წელიწად-ნახევარია გერმანიაში ცხოვრობს.  ახალი ცხოვრებისეული ეტაპი მისთვის, როგორც ხელოვანისთვის, მეტი შთაგონების მომცემი აღმოჩნდა და მისცა სტიმული, რომ უფრო თამამად და თავდაჯერებულობით მიჰყოლოდა ერთხელ დასახულ მიზანს.

ლუკა სიმღერებს საკუთარ სტუდიაში წერს, საკუთარი არანჟირებით, ინსტრუმენტებით, აპარატურით, კრეატივითა და დაუღალავი მუშაობით, რაც, რა თქმა უნდა, გარკვეულ ფინანსებთანაც არის დაკავშირებული. სტუდიის ასაწყობად თანხას სამი წლის განმავლობაში აგროვდებდა და  ამასთან, მშობლების ხელშეწყობით შეძლო სურვილი აეხდინა და  არც შედეგს დაუყოვნებია, მის გვერდს უკვე 27 000 მსმენელი ჰყავს, რაც მუსიკოსს არ აძლევს მოდუნების საშუალებას.

ამჟამად ლუკა  რამდენიმე პროექტზეც მუშაობს, ერთ-ერთი მათგანია, კოლაბორაცია გერმანელ პროდიუსერ, Hugh Harsher-თან, რომელთან ერთად წერაც მისთის საკმაოდ კომფორტულია. ძალიან მალე გამოვა მათი პირველი სინგლი სახელწოდებით – “Broken Heart-ი”, რომელიც ხელმისაწვდომი იქნება iTunes-ზე, Spotify-ზე და რა თქმა უნდა Youtube-ზე, როგორც თვითონ უწოდებს, მის ,,ერთგულ მსმენელთა პატარა ოჯახისთვის“. უახლოეს მომავალში გამოვა ლუკას ერთ-ერთი ფავორიტი სიმღერის – ,,Let them Go-ს“ ვიდეოკლიპიც, რომელსაც სამი დღის განმავლობაში თავაუღებლად იღებდა მეგობართან, რეჟისორ – რამაზ ჩხიკვაძესთან – ერთად.

ლუკა ერთ-ერთი იმათგანია, ვისთვისაც მუსიკა ცხოვრების  განუყოფელ ნაწილად ქცეულა, ,,მუსიკა ისეთი რაღაცაა, მუშაობისას შენს თავს ეკითხები,  “ახლა ვერთობი? თუ ვმუშაობ?”, ჩემი აზრით, ორივე ძალიან მნიშვნელოვანია და თუ კი აღმოაჩენ, რომ ვერ ერთობი, ან ვერ მუშაობ, სჯობს ეს დრო სხვა განტვირთვის საშუალებებს დაუთმო“, ასეთი კი მისთვის ფოტოგრაფიაა, აქტიურად არის დაკავებული ფიტნესითაც და ძალიან ხშირად ბუნებასაც მიმართავს განტვირთვისთვის.

ბოლო დროს ლუკამ უფრო აქტიურად დაიწყო საკუთარი პროდუქციის რეკლამირება სხვადასხვა სოციალური ქსელის მეშვეობით ,,მახარებს ის ფაქტი, რომ ამ ბოლო დროს ჩემს მუსიკას დადებითი გამოხმაურება მოჰყვა, ძალიან ბევრი ადამიანი იტაცებს და აზიარებს მას, რაც იმის ნიშანია, რომ ჯერჯერობით სწორი მიმართულებით მივდივარ და დიდ იმედს ვიტოვებ, რომ ასეც გაგრძელდება“ -აღნიშნა მან დასასრულს.

დაინტერესებულ მკითხველს კი, ვთავაზობთ ლუკა ნოზაძის სიმღერას ,,MøonStars-ს“:

 

მასალა მოამზადა: თამარ დევდარიანმა

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ულტურა

,,სხვისი სახლი” ამერიკელ კინოოპერატორთა საზოგადოების ნომინანტია

B108_C006_04281N
ამერიკელ კინოოპერატორთა საზოგადოებამ პრესტიჟული ჯილდოს Outstanding Achievement Awards ნომინანტები დააანონსა.
ნომინანტებს შორის მოხვდა ისეთი ცნობილი და წარმატებული ფილმები, როგორებიცაა: Arrival, Lion, La La Land, Moonlight და Silence.
ერთ-ერთ ჯილდოზე Spotlight Award 4 ნომინანტს შორის წარდგენილია ცნობილი ესპანელი ოპერატორი Gorka Gomez Andreu ფილმისთვის ,,სხვისი სახლი”.
ეს არის პირველი შემთხვევა, როდესაც ამერიკელ კინოოპერატორთა ნომინანტი ქართველი რეჟისორის ნამუშევარი გახდა.
რუსუდან გლურჯიძის ,,სხვისი სახლი” ეროვნული კინოცენტრის მხარდაჭერით შექმნილი ფილმია, რომელსაც უკვე აქვს მოპოვებული არაერთი საერთაშორისო ჯილდო, მათ შორის მთავარი პრიზები კარლოვი ვარის, ბერგენისა და ევრაზიის საერთაშორისო ფესტივალებზე.
ფილმი საქართველოს, რუსეთის, საფრანგეთისა და ხორვატიის კოპროდუქციაა.
Outstanding Achievement Awards-ის დაჯილდოვების ცერემონიალი 4 თებერვალს 31-ედ გაიმართება.
ახალგაზრდა ანალიტიკოსთა და მეცნიერთა დარბაზი ,,დოქტრინა”
სრულად ნახვა
1 13 14 15
Page 15 of 15
error: Content is protected !!