მედიცინა

ექიმ, გიორგი ღოღობერიძის პროგნოზები კოვიდთან დაკავშირებით ასე იმედიანი არასოდეს ყოფილა. მან ,,პირველის” ეთერიდან ძალიან სასიხარულო ინფორმაცია მიაწოდა საზოგადოებას.

“ომიკრონის შემთხვევაში ინფექცია ფილტვებიდან ამოვიდა ზედა სასუნთქ გზებში. რაც შეეხება რეკომანდაციებს, სიმშვიდის გარდა არაფერია საჭირო, ცე და დე ვიტამინებიხ მიღებაც კი არ გჭირდებათ, არც სიცხის დამწევი. ომიკრონი იმაზე უფრო მსუბუქია, ვიდრე სხვა დაავადებები, რომლებიც არსებობს ჩვენს ყოველდღიურობაში. ასევე გაცილებით მსუბუქია, ვიდრე კოვიდის სხვა ვარიანტები.

ბავშვების სკოლაში სწავლაც სრულიად უსაფრთხო იქნება, თუ დაცული იქნება დისტანცია, პირბადის ტარება და ოთახები ხშირად განიავდება. იყავით მშვიდად, წყანარად, სხვა არაფერი გჭირდებათ”, – განაცხადა გიორგი ღოღობერიძემ.

წყარო: ​tia.ge/

ახალგაზრდა ანალიტიკოსთა და მეცნიერთა დარბაზი ,,დოქტრინა”

აშშ-ის დაავადებათა კონტროლისა და პრევენციის ცენტრის დირექტორმა, როშელ ვალენსკიმ კორონავირუსის საწინააღმდეგო „ფაიზერი/ბიონტექის” ვაქცინის 5-11 წლის ასაკის ბავშვებში გამოყენებას მხარი რამდენიმე დღის
წინ დაუჭირა, მანამდე კი ქვეყნის სურსათისა და მედიკამენტების ადმინისტრაციამ ამ ასაკის ბავშვებში „ფაიზერის“ ვაქცინის გადაუდებელი მიზნით გამოყენების ნებართვა გასცა.
ვაქცინის საბავშვო დოზა 10 მიკროგრამს შეადგენს. 12 წლის და ზევით ასაკობრივ ჯგუფში კი ვაქცინის 30-მიკროგრამიანი დოზაა გათვალისწინებული.
აშშ-ში -11 წლის ასაკის დაახლოებით 28 მილიონი ბავშვი ცხოვრობს. ერთ- ერთი გამოკითხვის თანახმად, მშობლების 34% თანახმაა, შვილები კოვიდ 19-ის საწინააღმდეგო ვაქცინით დაუყოვნებლივ აცრან, 32% აცხადებს, რომ ვაქცინაციის პროცესს დააკვირდება და გადაწყვეტილებას მოგვიანებით მიიღებს, გამოკითხული მშობლების 7% შვილებს მხოლოდ იმ შემთხვევაში აცრის, თუ ამას დაავალდებულებენ, 24% – კი აცრაზე ცალსახად უარს აცხადებს.

წყარო : reuters.com

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

ჯანდაცვის მსოფლიო ორგანიზაციამ ამერიკული კომპანია Novavax-ისა და ინდური Serum Institute-ის მიერ შექმნილი კორონავირუსის საწინააღმდეგო ვაქცინა CovavaxTM-ი გადაუდებელი გამოყენებისთვის
დაამტკიცა. ორგანიზაციის პროცედურის მიხედვით, ვაქცინამ გაიარა ხარისხის, უსაფრთხოებისა და ეფექტურობის ტესტი. აღსანიშნავია, რომ ვაქცინის შენახვა ჩვეულებრივი მაცივრის ტემპერატურაზეა შესაძლებელი, რაც, ამ კუთხით, მნიშვნელოვანი უპირატესობაა სხვა ვაქცინების შედარებით, რომლებიც განსაკუთრებით დაბალ ტემპერატურაზე შენახვას საჭიროებენ. CovavaxTM – არის ცილოვანი ვაქცინა, რომელიც შეიცავს SARS-CoV-2-ის ცილის მოდიფიცირებულ გენს. ის დამზადებული ძველი
ტექნოლოგიით, რომელიც წლების განმავლობაში გამოიყენება სხვა სახის ვაქცინების წარმოებისთვის.
სრულად ვაქცინირებისთვის საჭიროა CovavaxTM-ის ორი დოზით აცრა. COVAX-ის პროგრამამ, რომელიც კორონავირუსის საწინააღმდეგო ვაქცინებს მსოფლიოს დაბალი შემოსავლის ბევრ ქვეყანას აწვდის,
CovavaxTM-ის ვაქცინის 1.35 მილიარდი დოზის მიღებაზე შეთანხმებას მიაღწია.
Novavax-ში აცხადებენ, რომ აწარმოებენ კვლევას იმის გასარკვევად, როგორ მუშაობს ვაქცინა კორონავირუსის ახალი, „ომიკრონ“ ვარიანტის წინააღმდეგ და მწარმოებლებმა დაიწყეს განახლებული ვერსიის ფორმულირება, იმისთვის, რომ ვაქცინა უკეთ მიესადაგოს აღნიშნულ ვარიანტს იმ შემთხვევაში, თუ ამის საჭიროება იქნება.

წყარო : abcnews.go.com

მასალა მოამზადა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

ამერიკული კომპანია Pfizer-ი აცხადებს, რომ კოვიდ 19-ის პანდემია, შესაძლოა, 2024 წლამდე არ დასრულდეს.
კომპანიის პროგნოზით, 2024 წლისთვის დაავადება, სავარაუდოდ, ენდემური იქნება მთელ მსოფლიოში.
”როდის და როგორ მოხდება ეს, დამოკიდებული იქნება დაავადების ევოლუციაზე, ასევე იმაზე, თუ რამდენად
ეფექტურად გამოიყენებს საზოგადოება ვაქცინებსა და სამკურნალო საშუალებებს”, – განაცხადა კომპანიის მთავარმა სამეცნიერო ოფიცერმა მიქაელ დოლსტენმა.
მისი თქმით, ”ახალი ვარიანტების გაჩენამ შეიძლება გავლენა მოახდინოს პანდემიის განვითარებაზე.”
აღსანიშნავია, რომ კორონავირუსის „ომიკრონ“ ვარიანტის გამოჩენამდე აშშ-ის ალერგიისა და ინფექციური დაავადებების ცენტრის დირექტორი ენტონი ფაუჩი აცხადებდა, რომ შეერთებულ შტატებში პანდემია 2022 წელს დასრულდებოდა.

წყარო : Reuters

მასალა მოამზადა : თამარ ტაბატაძემ 

ახალგაზრდა ანალიტიკოსთა და მეცნიერთა დარბაზი ,,დოქტრინა”

აშშ–ის სურსათისა და მედიკამენტებისადმინისტრაციამ კორონავირუსის სამკურნალოდ ორი ანტივირუსული მედიკამენტი : კომპანია „ფაიზერის“„პაქსლოვიდი“ და კომპანია „მერკისა” და Ridgeback Biotherapeutics-ის მიერ წარმოებული „მოლნუპირავირი“ დაამტკიცა.

კლინიკური კვლევების შედეგების თანახმად, ორალური ანტივირუსული პრეპარატი „პაქსლოვიდი“ მძიმე დაავადების განვითარების მაღალი რისკის მქონე პაციენტებში ჰოსპიტალიზაციისა და გარდაცვალების პრევენციის კუთხით 89 %-ით ეფექტურია.

დაინფიცირების ადრეულ ეტაპზე პრეპარატ„მოლნუპირავირის“ გამოყენება კი ჰოსპიტალიზაციის რისკს 30%-ით ამცირებს.

შეერთებულ შტატებს „პაქსლოვიდის“ 10 მილიონი კურსისთვის და „მოლნუპირავირის“ 5 მილიონი კურსისთვის საჭირო რაოდენობის შესყიდვაზე კონტრაქტები გაფორმებული აქვს. „პაქსლოვიდის“ ერთი კურსის ღირებულება 530 აშშ დოლარია, „მოლნუპირავირის“ კი – 700 აშშ დოლარი.

წყარო : Reuters

მასალა მოამზდა : თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

“სამხრეთ აფრიკის რესპუბლიკაში “ომიკრონის” უზარმაზარი ტალღა, როგორც ჩანს, ისევე სწრაფად მცირდება, როგორი სწრაფადაც გაიზარდა.” – ამის შესახებ ქვეყნის ეპიდემიოლოგებზე დაყრდნობით, The Washington Post წერს.

სამხრეთ აფრიკის მთავარი ეპიდემიოლოგი, სალიმ აბდულ კარიმი გამოცემასთან საუბრის დროს აღნიშნავს, ახალი შტამით ინფიცირების შემთხვევებმა ისევე სწრაფად იკლო, როგორც მოიმატა.

შემთხვევების მნიშვნელოვან შესუსტებაზე საუბრობენ ახალი შტამის გამოვლენიდან ზუსტად ერთი თვის შემდეგ, ეს კი მეცნიერებს დამაიმედებელი პროგნოზების გაკეთების საშუალებას აძლევს.

აბდულ კარიმი ამბობს, რომ ქვეყანამ სწრაფად გადალახა ახალი შტამის პიკი და წინასწარი ვარაუდით თუ იმსჯელებენ, ის მოელის, რომ ყველა, ან თითქმის ყველა სხვა ქვეყანა იმავე ტრაექტორიას უნდა გაჰყვეს და მალე გადალახოს ეს ტალღა.

“თუ კორონავირუსის წინა ვარიანტები იწვევდნენ კილიმანჯაროს ფორმის ტალღებს, ომიკრონის ტალღები უფრო ჰგავს ევერესტის ჩრდილოეთ ნაწილს.” – განაცხადა მან.

სულ რაღაც ერთი კვირის წინ, სამხრეთ აფრიკაში ომიკრონით ინფიცირების შემთხვევები რეკორდულად იზრდებოდა. მიმდინარე კვირიდან კი, მონაცემების მიხედვით, კოვიდშემთხვევების რიცხვი იკლებს.

ვირუსის ახალი შტამის სწრაფი გავრცელების მიუხედავად, სამხრეთ აფრიკამ გადაწყვიტა, არ ჩაეკეტა რეგიონი და არ დაეწესებინა სხვა შეზღუდვები, თუმცა ბევრმა ქვეყანამ, მათ შორის შეერთებულმა შტატებმა, დააწესა შეზღუდვები სამხრეთ აფრიკიდან და მეზობელი ქვეყნებიდან საჰაერო მიმოსვლაზე.

სამხრეთ აფრიკაში, ამ დრომდე უცნობი შტამის აღმოჩენის შესახებ 25 ნოემბერს განაცხადეს.

ის, რამაც მსოფლიოს შეშფოთება გამოიწვია, ახალი ვარიანტის მუტაციების საკმაოდ დიდი რიცხვია, რაც ეპიდემიოლოგების განმარტებით, კიდევ უფრო ზრდის მისი გავრცელებისა და სწრაფად გადადების უნარს.

რამდენიმე დღის წინ გაერთიანებულ სამეფოსა და სამხრეთ აფრიკაში გამოქვეყნებული წინასწარი კვლევების მიხედვით კი “ომიკრონის” ტალღა უფრო რბილია.

“პირველადი მტკიცებულებები მიუთითებს იმაზე, რომ “ომიკრონით” ინფიცირებული უფრო ნაკლები ადამიანი საჭიროებს ჰოსპიტალურ მკურნალობას, ვიდრე სხვა შტამებით ინფიცირებულები. პირველადი შეფასებით, ჰოსპიტალიზაციის რისკი 30%-დან 70%-მდე მცირდება. ამის მიუხედავად, შეშფოთების საფუძველი კვლავ არსებობს, რადგან, იმ შემთხვევაში, თუნდაც “ომიკრონი” რბილი იყოს, შემთხვევების დიდმა რაოდენობამ, შეიძლება საავადმყოფოების გადავსება და კრიზისი გამოიწვიოს.” – წერს BBC.

ახალგაზრდა ანალიტიკოსთა და მეცნიერთა დარბაზი ,,დოქტრინა”