close

ბიზნესი

AMGიზნესი

ბიზნესის 22 წესი ებრაელებისგან: ,,თუ მართავ საკუთარ დროს – მართავ ფულსაც”

ებრაელი

,,დოქტრინა” გთავაზობთ ბიზნესის წარმოების 22 ძირითად წესს ებრაელებისგან:

1. ცხოვრებაში მთავარი წონასწორობაა;

2. ისწავლე სხვების დასაქმება;

3. გადააბიჯე სიამაყეს და მოითხოვე ის, რაც გჭირდება;

4. ყოველთვის მიესალმე ადამიანებს;

5. არ დაკარგო დრო ფუჭად;

6. ილაპარაკე მხოლოდ მაშინ, როცა რაიმე გაქვს სათქმელი;

7. დაგეგმე შენი ცხოვრება;

8. დროულად გადაუხადე ხელფასი თანამშრომლებს;

9. შენი სიტყვა მყარი უნდა იყოს. დაჰპირდი? – შეასრულე!

10. ახლობლების ქონება ისეთივე ფასეული უნდა იყოს, როგორიც შენი საკუთარი.

11. შემოიკრიბე გარშემო კარგი ადამიანები. მოერიდე ცუდ კამპანიებს და ცუდ მეზობლებსაც კი;

12. იმუშავე, სანამ სანთელი ანთია. ყოველთვის იარე წინ, რადაც უნდა დაგიჯდეს, მაინც;

13. არასოდეს შეურაცხყო სხვა;

14. თუკი ვინმეს შენი მოკვლა სურს, მოკალი ის პირველმა;

15. ყოველი ადამიანი იმსახურებს მადლიერებას;

16. ქურდი, რომელიც დროს გპარავს, არაფრით არის იმაზე უკეთესი, ვინც ძვირფასეულობას იპარავს. თუ მართავ საკუთარ დროს – მართავ ფულსაც.

17. არ არის საჭირო, ილაპარაკო ყველაფერი, რასაც ფიქრობ;

18. დააჯილდოვე საკუთარი თავი კარგად შესრულებული სამუშაოსთვის;

19. ხელმძღვანელმა ყოველთვის უნდა იცოდეს, როგორ ცხოვრობს მისი თანამშრომელი;

20. ხანდახან უნდა გასცე იმაზე მეტი, ვიდრე იმსახურებენ;

21. გაეცი ფული რთულ პერიოდში. ეს ადამიანის მომავალში ჩადებული ფასეული ინვესტიციაა, რომელიც შემდეგ ასმაგად დაგიბრუნდება;

22. მდიდარია ის, ვინც ბედნიერია იმით, რაც აქვს.

 

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
იზნესისოფლიო

ევროკავშირმა ბრაზილიას ხორცპროდუქტების მიწოდების შეჩერებისკენ მოუწოდა – ბრენდების ნაწილი საქართველოშიც შემოდის

meat
ევროკავშირმა ბრაზილიას ხორცპროდუქტების მიწოდების შეჩერებისკენ მოუწოდა. საუბარია იმ ბრენდებზეც, რომელთა პროდუქციაც საქართველოში შემოდის და საკმაოდ კარგად იყიდება.
  საერთაშორისო ორგანიზაციამ  ბრაზილიას წინადადებით მიმართა, თავად შეწყვიტოს ხორცპროდუქტების მიწოდება, რათა თავიდან აიცილოს ემბარგო, რომლის მოხსნასაც შემდგომში დრო დასჭირდება.
სააგენტო ,,როიტერის” ინფორმაციით, ბრაზილია ამის წინააღმდეგია. ამ დროისთვის ევროკავშირის წარმომადგენლები ცდილობენ მეტი ინფორმაცია მოიპოვონ ბრაზილიაში ხორცის წარმოების მრეწველობაში არსებულ პრობლემებზე. არსებული ინფორმაციით, თავად ბრაზილიის ტერიტორიაზე, გარკვეული საწარმოების მუშაობა შეწყდა და აიკრძალა, თუმცა, სხვა მხრივ, ქვეყანა არ აპირებს ევროკავშირთან პოზიციები დათმოს.
ევროკავშირმა ბრაზილიის მთავრობა მკაცრად გააკრიტიკა იმის გამო, რომ არაადეკვატურად რეაგირებს შექმნილ სიტუაციაზე, რომელიც ადამიანების ჯანმრთელობას უქმნის საფრთხეს.

 ბრაზილიიდან ,,ბი-არ-ეფისა” და ,,ჯი-ბი-ესის” მიერ წარმოებული ხორცის იმპორტი უკვე რამდენიმე ქვეყანაში შეაჩერეს. ცნობისთვის, ამ კომპანიების პროდუქციას ,,სადიასა” და ,,სიერას” სახელითაც აწარმოებენ. „სადია“ და „სიერა“  ქართულ ბაზარზეც იყიდება.

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
იზნესიაქართველო

,,Starbucks-ი” თბილისშიც გაიხსნება

56385c24868444efb8441706a99ebffa

 მსოფლიოში ყავახანების ერთერთი ყველაზე წარმატებული და დიდი ბრუნვის მქონე ბრენდი – ,,Starbucks-ი” – საქართველოში, კერძოდ კი – თბილისში შემოდის.

კომპანიის მიერ თბილისით დაინტერესებას თბილისის არქიტექტურის სამსახურში ადასტურებენ და აცხადებენ, რომ განაშენიანების რეგულირების გეგმა კომპანიასთან უკვე შეთანხმებულია. მათი განცხადებით, ,,Starbucks-ს” ქარხნის აშენება კახეთის გზატკეცილზე, ეროვნული ბანკის საკასო ცენტრის უკან არსებულ ტერიტორიაზე აქვს გადაწყვეტილი.

არქიტექტურის სამსახურის თქმით, საპროექტო ღონისძიებები უკვე დაწყებულია და მშენებლობის ნებართვაც მალე გაიცემა.

არსებული ინფორმაციით, ,,Starbucks-ის” პირველი ყავახანა თავისუფლების მოედანზე, მეტროსთან მდებარე ყოფილი უნივერმაღის ტერიტორიაზე მშენებარე ,,გალერეა თბილისში” გაიხსნება. შეგახსენებთ, რომ თავად ,,გალერეა თბილისის” გახსნა სექტემბერშია დაგეგმილი.

 

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
AMGიზნესი

რა არის დერეგულირება?

დერეგულაცია

ამ რეფორმატორული მესიჯებით ბევრ ქვეყანაში მკაცრ რეგულაციას დერეგულაცია ანაცვლებს. სახელმწიფო მაშინ იწყებს დერეგულირებას, როდესაც კონტროლის მექანიზმები მკაცრია და ბიზნესს განვითარების საშუალებას არ აძლევს. მაშინ სახელმწიფო დერეგულირებით ცდილობს ამა თუ იმ სფეროში კონკურენციის გაზრდას.

დიდ ბრიტანეთში დერეგულირების შემდეგ განვითარდა კონკურენცია იმ კერძო საწარმოებს შორის, რომლებიც მანამდე სახელმწიფო ან მუნიციპალურ საკუთრებაში იყვნენ. მთავრობამ შეიმუშავა დერეგულაციის პროგრამები დასაქმებისა და შრომის დაცვის სფეროშიც, რადგან მიიჩნია, რომ ზედმეტი კონტროლი ხელს უშლიდა სამეწარმეო საქმიანობის განვითარებას და აფერხებდა საბაზრო მექანიზმებს. თუმცა, ბრიტანელები მაინც კონსერვატორებად დარჩნენ და მთავრობა დღესაც არეგულირებს ურთიერთობას პროფკავშირებთან. დადგენილია მკაცრი წესები, რომლებიც პროფკავშირმა ამა თუ იმ შემთხვევაში აუცილებლად უნდა დაიცვას.

პარადოქსული, მაგრამ გარკვეულ სიტუაციებში, სახელმწიფო ობიექტები პრივატიზაციის შემდეგ კიდევ უფრო მკაცრი რეგულირების ქვეშ მოექცნენ, ასეთი იყო საზოგადოებრივი დაკვეთა, რომლის ზეწოლის შედეგადაც შეიქმნა ანტიმონოპოლიური პოლიტიკის სააგენტოები. დიდ ბრიტანეთში მომხმარებელს სურს დარწმუნებული იყოს, რომ ესა თუ ის საწარმო ან ჯგუფი მის ხარჯზე მონოპოლიტიკის უფლებებით არ ისარგებლებს. ასეთია ცივილური დასავლეთის ნება.

 

წყარო:Harvard Business Review

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
AMGიზნესიანათლება

ბიზნესლექსიკონი – ძირითადი ტერმინები და განმარტებები, რომლებიც უნდა იცოდეთ

leqsikoni

,,დოქტრინა” გთავაზობთ ბიზნესტერმინებს, რომლებიც თანამედროვე სამყაროში ყველაზე ხშირად გამოიყენება. ხშირად ვისმენთ მათ, მაგრამ უმრავლესობა ადამიანებისა არ ინტერესდება და არ უღრმავდება მათ მნიშვნელობას, რაც შემდგომში გამოიწვევს ბევრი ტერმინის არასწორად გამოყენებას.

წარმოგიდგენთ იმ 15 ტერმინს, რომლებიც ყველაზე ხშირად გამოიყენება ბიზნესსოციუმში.

1.მარკეტინგი – სოციალური და მმართველობითი პროცესი, რომელიც მოწოდებულია გაცვლის მეშვეობით ადამიანთა საჭიროებებისა და მოთხოვნილებების დაკმაყოფილებისაკენ.

მარკეტინგი მიმართულია მოგების მიღების მიზნით ბაზრისა და კონკრეტულ მომხმარებელთა მოთხოვნილებების შესწავლასა და ამ მიზნით წარმოებული საქონლის და მომსახურების ორიენტაციის, სამომხმარებლო მოთხოვნის ფორმირების, სტიმულირებისა და გაყიდვის გაფართოებისაკენ.

2.ინფლაცია – ეკონომიკაში ფასთა საერთო დონის ზრდა საბაზო მსყიდველობითუნარიანობის დონესთან შედარებით. ინფლაცია ასევე მოიაზრება, როგორც ფულის მსყიდველობითუნარიანობის კლება. ეკონომიკის ზოგიერთ მოდელში, ის ეკვივალენტურია მოთხოვნის ვარდნის, ან ფულის მიწოდების ზრდის

3.მენეჯმენტი – მენეჯმენტი არის ბიზნესორგანიზაციული მოქმედება, საქმიანობა. მარტივი სიტყვებით ის ნიშნავს: მოქმედება, რომ შეკრიბო ხალხი ერთად სასურველი მიზნების შესასრულებლად.

4,დეფლაცია – პროდუქტებისა და მომსახურების ფასების შემცირების გრძელვადიანი პროცესი. დეფლაცია ნიშნავს მოვლენას, როდესაც ინფლაციის წლიური პროცენტი ეცემა ნულს ქვემოთ. ეს პროცესი არ უნდა გავაიგივოთ დეზინფლაციასთან, რომლის დროსაც ხდება ინფლაციის წლიური პროცენტის ნელი შემცირება მის მინიმალურ მნიშვნელობამდე. ინფლაციის საპირისპიროდ, ეს პროცესი ახდენს ფულის რეალური ღირებულების ზრდას ეროვნული ან რეგიონალური მასშტაბით, რისი ეფექტიც არის ის რომ იგივე თანხით შესაძლებელია უფრო მეტი პროდუქციის ყიდვა.

5.დეფოლტი – კანონით გათვალისწინებული ამა თუ იმ მოთხოვნის არშესრულება, ან ეკონომიკაში გადახდა-ანგარიშსწორებაზე უარის თქმა.

6. დეზინფლაცია – ეს არის პროცესი, როდესაც ინფლაციის მაჩვენებელი კლებულობს დროის გარკვეულ მონაკვეთში ანუ პროდუქციებზე ფასების ზრდის პროცესი შენელებულია.

7.წმინდა მოგება – თანხა, რომელიც მიიღება დასაბეგრი მოგებიდან მოგების გადასახადის გამოკლებით.

8.გირაო – ფასეული აქტივი, რომელიც შეიძლება გამოყენებულ იქნეს ვალდებულების უზრუნველსაყოფად.

9. სპიჩრაიტერი – ინკოგნიტო მწერალი, რომლის ნააზრევი და იდეები გამოიყენება დამკვეთის მიერ საჯარო გამოსვლებისათვის.

10.პრესკონფერენცია – ჟურნალისტების ორგანიზებული შეხვედრა სახელმწიფო დაწესებულებების, საზოგადოებრივ-პოლიტიკური ორგანიზაციების, კომერციული სტრუქტურების წარმომადგენლებთან. პრესკონფერენციის მიზანია მასმედიას მიაწოდოს პრობლემატური და ახსნა-განმარტებითი ინფორმაცია. ჟურნალისტებს საშუალება ეძლევათ, ინფორმაცია მიიღონ უშუალოდ პირველი პირიდან, გადაამოწმონ ცნობები და დააზუსტონ ვერსიები პრესკონფერენციაზე დასმული შეკითხვების მეშვეობით.

11.კომპრომატი – უსაფუძვლო, სუბიექტის განმაქიქებელი ინფორმაცია.

12.იჯარა – ხელშეკრულება, რომლის საფუძველზეც მოიჯარეს აქტივი დროებით სარგებლობაში გადაეცემა. იჯარის ხელშეკრულება შეიძლება გამოყენებულ იქნეს შენობის, მოწყობილობის ან დანადგარების დასაქირავებლად/გასაქირავებლად

13. ბიზნესგეგმა – დოკუმენტი, რომელიც იძლევა ინფორმაციას ბაზარზე და დარგში არსებულ ვითარებაზე, კომპანიის მიმდინარე მდგომარეობაზე და ასევე ასახავს საწარმოს მომავალი განვითარებს გეგმებს.

14.ფაქტორინგი – დებიტორული დავალიანების მესამე მხარისთვის მიყიდვა.

15. ფანდრაიზინგი (FUND-RAISING) – სპონსორული სახსრების ძიება ან შეგროვება იმისათვის, რომ განხორციელდეს სოციალურად მნიშვნელოვანი პროექტები (პროგრამები, აქციები) და მხარი დაუჭიროს სოციალურად მნიშვნელოვან ინსტიტუტებს. ფანდრაიზინგი შეიძლება განხორციელდეს როგორც ბიზნესი და როგორც საქველმოქმედო და სპონსორული საქმიანობა. ღია წყაროები – ლეგალურად მიღებული ინფორმაციის წყაროები, საიდანაც ინფორმაციის მოპოვება მხოლოდ კანონის საფუძველზეა შესაძლებელი.

 

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
იზნესიექნოლოგიები

ჭორები ახალი iPhone-ის გარშემო

iphone-7-concept

თუ თქვენ დაინტერესებული ხართ ,,Apple–ის” კომპანიის ინოვაციებითა და მათზე გავრცელებული სხვადასხვა ჭორით, აუცილებლად შეიტყობდით ახალი iPhone–ის გამოშვების შესახებ, რომელიც, სავარაუდოდ, წელს დამზადდება.

ეს შეიძლება იყოს ტრადიციული “S მოდელი”, რომელიც ყველა გამოშვებას მოჰყვა, ვარაუდობენ, რომ ახალ ტელეფონს იქნება ყველაზე ძვირი მოდელი, ახალი დიზაინითა და სპეციალური თვისებებით.

იაპონურმა საინფორმაციო საიტმა – ,,Nikkei–მ”- ცოტა ხნის წინ განაცხადა, რომ ახალ პროდუქტს –  „ულტრა პრემიუმ” მოდელს, ექნება OLED ჩვენება.

მაგრამ ასეთი ჭორები უამრავი გვსმენია, ბევრი სურათი გავრცელდა სავარაუდო ახალი iPhone–ის გარეგნობის მაჩვენებელი, თუმცა რეალურად მსგავსიც კი არ გამოუშვიათ, მაგრამ იაპონური კომპანია ირწმუნება, რომ ახლა არანაირ ჭორთან არ გვაქვს საქმე და დიდი ვარაუდით LCD მონიტორიანი პროდუქტი იქნება ყველა იმ ფუნქციის მატარებელი, რომელსაც წინასწარ გაიგებთ.

გახსოვდეთ, რომ კიდევ ბევრ ჭორს მოისმენთ ამ საკითხზე, მაგრამ უნდა გაითვალისწინოთ, რომ არავინ იცის წინასწარ რა და როგორ მოხდება, ეს მხოლოდ ვარაუდია, სექტემბერში დაგეგმილია ღონისძიება, სადაც წარადგენენ ახალ პროდუქტს და საბოლოოდ გავიგებთ როგორი იქნება იგი.

 

წყარო: business insider

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
იზნესიოციოლოგია

სამუშაოდ საუკეთესო კომპანიების რეიტინგი

fortune

ჟურნალი ,,Fortune-ი” სამუშაოდ საუკეთესო კომპანიების ყველწლიურ სიას აქვეყნებს. სიაში ტრადიციულად მსოფლიოს 100 კომპანია შედის.

რეიტინგის შედგენისთვის გამოცემა „დასაქმებულების ნდობის ინდექსს“ იყენებს. ინდექსის შესადგენად დასაქმებულები საკუთარ დამსაქმებლებზე სპეციალურ კითხვარს ავსებენ.

გასული წლის საუკეთესო კომპანიების პირველი ათეული შემდეგია:

  1. Google
  2. acuity
  3. The boston consulting Group
  4. Wegmans Food Markets
  5. Quicken Loans
  6. Baird
  7. Kimley-Horn
  8. SAS
  9. Camden Property Trust
  10. Edward Jones

Google რეიტინგში პირველ ადგილს უკვე მეათე წელია იკავებს. ბოლო რეიტინგში ჯამში 6 ახალი კომპანია მოხვდა, მათ შორის Hilton Hotels და Slalom Consulting.

 

მასალა მოამზადა: ციცი კიკვაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
იზნესიაქართველო

რომში საქართველო-იტალიის ბიზნესფორუმი გაიმართება

bizznes

8 მარტს რომში გაიმართება საქართველოსა და იტალიის ბიზნესფორუმი, რომელიც მიზნად ისახავს ხელი შეუწყოს საქართველოს განვითარებას საინვესტიციო და ბიზნეს სფეროებში. როგორც გაზეთი ,,The Financial-ი”იუწყება, ქართულ დელეგაციას ფორუმზე საქართველოს პრემიერ-მინისტრი უხელმძღვანელებს.

ფორუმზე თავს მოიყრიან ორივე ქვეყნის დიდი, საშუალო და მცირე კომპანიების წარმომადგენლები, რათა ხელი შეუწყონ ქვეყნებს შორის ბიზნესთანამშრომლობის გაღრმავებას. კომპანიების წარმომადგენლებს ფორუმზე საშუალება ექნებათ გაეცნონ საქართველოში არსებულ საინვესტიციო კლიმატს და მოუსმენენ ორივე ქვეყნის როგორც საჯარო, ისე კერძო სექტორის წარმომადგენლებს. რა თქმა უნდა, ამ თანამშომლობის მიზეზი საქართველოში ბიზნესის განვითარებისთვის არსებული ხელსაყრელი პირობებია, მაგრამ, უპირველეს ყოვლისა, აუცილებელია შეივსოს ბიზნესსაზოგადოებებს შორის არსებული ინფორმაციული ვაკუუმი. „ეს იქნება კარგი შესაძლებლობა რომ ხაზი გაესვას ქვეყნის უმთავრეს მიმართულებას, მიმდინარე რეფორმებსა და ამ სფეროში უკვე არსებულ თვალსაჩინო მიღწევებს” – ნათქვამია გამოცემაში.

ფორუმის ფარგლებში გაიმართება თემატური დისკუსიები ინფრასტრუქტურის, ტურიზმისა და უძრავი ქონების შესახებ. იტალიის მხრიდან ფორუმზე წარმოდგენილი იქნება თითქმის ყველა უმნიშვნელოვანესი ბიზნესკომპანია, მათ შორის “Confindustria“, საექსპორტო კომპანია, რომელსაც აქამდეც უთანამშრომლია საქართველოს თანამშრომლობის ფონდთან. სავარაუდოდ, ფორუმს დაესწრებიან სხვა ჩვენთვის უკვე ნაცნობი კომპანიებიც, როგორიცაა მაგალითად “Salini Impregilo“-ინფრასტრუქტურის სფეროდან, “Ferrero“-აგროინდუსტრიიდან და მრავალი სხვა.

როგორც იტალიის ელჩმა საქართველოში, ანტონიო ენრიკო ბარტოლიმ გამოცემასტან საუბარში აღნიშნა იტალია ყველაზე მეტად დაინტერესებულია აგროინდუსტრიის სექტორით, რომელშიც რა თქმა უნდა არის  მიწის დაკანონებასა და ხელმისაწვდომობასთან დაკავშირებული პრობლემები, მაგრამ “Ferrero“ კარგი მაგალითია წარმატებული ბიზნესისა, რომელიც  ადგილობრივი განვითარების სათავეშია. კიდევ ერთი მნიშვნელოვანი სექტორია ინფრასტრუქტურა, ჩვენი სამშენებლო კომპანიები მსოფლიოს საუკეთესო კომპანიებს შორისაა. საქართველოში არსებობს 38 მთავარი სამშენებლო კომპანია, 90 ქვეყანას შორის გაფორმებული 627 კონტრაქტითურთ, რომლის საერთო ღირებულებაც 87 მილიარდს აღწევს, რაც სამომავლო პერსპექტივებზე მიუთითებს.

აღსანიშნავია რომ პრემიერ-მინისტრთან ერთად შეხვედრას დაესწრებიან საგარეო საქმეთა სამინისტროს, ეკონომიკის, რეგიონალური განვითარებისა და ინფრასტრუქტურის მინისტრები, რაც ამ შეხვედრას პოლიტიკურ დატვირთვასაც ჰმატებს. იტალია საქართველოს რიგით მესამე პარტნიორი ქვეყანაა ევროკავშირში, მსგავსი ღონისძიებებით კი შესაძლებელია საერთაშორისო კონტაქტების უფრო მეტად გაფართოება და სხვადასხვა სექტორებთან თანამშრომლობის მიღწევა.

 

წყარო: The Financial
მასალა მოამზადა: თამარ დევდარიანმა
ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

 

სრულად ნახვა
იზნესისოფლიო

რუსეთმა ,,მაკდონალდსის” რესტორნების ქსელის განვითარება გადაწყვიტა

10-mcdonalds-russia.w710.h473.2x

 

ამერიკის სწრაფი კვების კომპანია ,,მაკდონალდსი” ძალიან სწრაფად ვითარდება და ვრცელდება მთელ მსოფლიოში.

ყველაზე დიდმა ქვეყანამ, რუსეთმა, გადაწყვიტა კომპანიის ფილიალების გაფართოება და წინა წლებთან შედარებით 2017 წელს საგრძნობლად მეტი ფილიალის გახსნას აპირებს. ეს კომპანია რუსეთში 26 წლის წინ გამოჩნდა და დღემდე ერთ–ერთი ყველაზე წარმატებულია ამ ქვეყანაში, მათ 100 მილიონზე მეტი დოლარი დააბანდეს ,,მაკდონალდსის” განვითარებაში და ეს იმას ნიშნავს, რომ გარანტირებული იყო მათი წარმატება. დღესდღეისობით 543 ფილიალია განთავსებული რუსეთის ტერიტორიაზე, რაც მართლაც ძალიან ბევრია.

გარდა ამ ყველაფრისა რუსეთმა გადაწყვიტა, რომ დასავლეთიდან შემოსულ პროდუქტზე უარი ეთქვა და თვითონვე დაემზადებინა ის ძირითადი პროდუქტები, რაც რესტორნის საკვებს ესაჭიროება. დღესდღეისობით 80% –ს ამზადებენ ადგილობრივად, მაგრამ მომავალში ისინი გეგმავენ, რომ  გახდნენ სრულიად დამოუკიდებელნი და ყველაფერი ადგილობრივად დაამზადონ, მათ სურთ, რომ გახსნან ფერმები სადაც დამზადდება ქათმისა და საქონლის ხორცი, კარტოფილი ფრი და სხვა პროდუქტები, რომლებიც ,,მაკდონალდსში” იყიდება.

 

წყარო: english-online

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

 

სრულად ნახვა
1 17 18 19
Page 19 of 19