close

მსოფლიო

იოლოგიასოფლიოექნოლოგიები

მხატვარმა ტრანსგენდერი ამერიკელი ჯარისკაცის დნმ-ისგან პორტრეტები შექმნა

ტრნსი დნმ პორტრეტი

ნიუ-იორკში აგვისტოში საიდუმლო მონაცემების გაჟონვის ბრალდებით დაპატიმრებული ტრანსგენდერი ამერიკელი ჯარისკაცის, ჩელსი მენინგის, დაახლოებით, ოცდაათი სამგანზომილებიანი პორტრეტის გამოფენა გაიმართება.

პორტრეტები მხატვარმა ჰაიტერ დუეი-ჰაგბორგმა მენინგის დნმ-ის გამოყენებით შექმნა. ჰაგბორგის პორტრეტები ეფუძნება პროგრამის მიერ დნმ-ზე ჩატარებული ანალიზის შედეგად წარმოქმნილ სახის შესაძლო ვარიაციებს. დნმ  ჩელსი მენინგმა მხატვარს პატიმრობის დროს გამოუგზავნა.

29 წლის მანინგი აშშ-ის სამხედრო ციხედან მიმდინარე წლის მაისში გაათავისუფლეს. იგი სასჯელს ,,WikiLeaks-ის”  საიტისთვის გადაცემული საიდუმლო მასალებისთვის იხდიდა. მენინგის ფოტოების გამოქვეყნება აკრძალული იყო მისი პატიმრობის პერიოდში.

მანჰეტენში დაგეგმილ გამოფენაზე სახელწოდებით – ,,ჯეროვანი მსგავსება” მენინგის პორტრეტები სხვადასხვა კანისა და თვალის ფერით იქნება წარმოდგენილი.

,,იმედი მაქვს, 2 აგვისტოს აქ უამრავი დამთვალიერებელი მოვა. ჩვენ ყველანი ჩელსი მენინგები ვართ,“ – განაცხადა პორტრეტების ავტორმა – დუეი ჰაგბორგმა.

ჰაგბორგი და მენინგი პროექტზე ორ წელს მუშაობდნენ. პროექტი მაშინ დაიწყეს, როდესაც ჟურნალის წარმომადგენლები მხატვარს დაუკავშირდნენ და მენინგის სურათის შექმნა სთხოვეს.

ჰაგბორგის განმარტებით, გამოფენის მიზანია აჩვენოს, რომ დნმ ყოველთვის არ იძლევა ინფორმაციას ადამიანის სქესის შესახებ. მან ასევე იმედი გამოთქვა, რომ მენინგის სახის დნმ-გენერირებული 30 სხვადასხვა ვერსიის წარდგენა ხაზს უსვამს იმ ფაქტს, რომ დნმ-ზე დაფუძნებული გამოსახულება ზედმიწევნით ზუსტი არ არის.

,,ტექნოლოგია იზრდება და ვითარდება, მაგრამ ამგვარი გამოყენებისთვის ჯერ კიდევ არაა მზად,“ – განაცხადა დუეი ჰაგბორგმა.

 

წყარო: http://www.reuters.com/

მასალა მოამზადა: თამარ ტაბაატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ვლევებიედიცინასოფლიო

მსოფლიო კიბოს სამკურნალო ახალი პრეპარატის მოლოდინში

კიბოს პრეპარატი

მსოფლიო კიბოს სამკურნალო ახალი პრეპარატის მოლოდინშია. საქმე ისაა, რომ რამდენიმე დღის წინ ,,აშშ-ის საკვებისა და სამკურნალო პრეპარატების ადმინისტრაციის” (FDA) მრჩეველთა კომიტეტმა კიბოს სამკურნალო ახალ პრეპარატზე უაღრესად მნიშვნელოვანი რეკომენდაცია გასცა.

 უკიდურესად პერსონალურ მკურნალობის კურსი -CAR T ლიმფოციტური თერაპია, ადამიანის ორგანიზმის იმუნურ სისტემას აღკაზმავს, რათა მან კიბოს უჯრედები შეაჩეროს.  FDA-ს მრჩეველთა საბჭოს ათივე წევრმა მკურნალობის ამ მეთოდის სასარგებლოდ მისცა ხმა.

 CAR-T მკურნალობის ფარგლებში,  ადამიანის უჯრედებს იღებენ, სხეულიდან გამოაქვთ, შემდეგ – აბრუნებენ, სადაც მათ კიბოს უჯრედებზე  თავდასხმა შეუძლიათ.

FDA-ს შეუძლია მხედველობაში მიიღოს კომიტეტის რეკომენდაცია, მაგრამ ასევე შეუძლია, მასზე უარი თქვას. ადმინისტრაციის გადაწყვეტილება ოქტომბერში გახდება ცნობილი.

შეჯიბრში, Novartis-თან” ერთად  ჩართულია კიდევ ერთი კომპანია Kite Pharma. 101  პაციენტის მკურნალობიდან შედეგი გამოიღო 36%-მა, ხოლო Novartis-ის პრეპარატის შემთხვევაში,  83%-მა.

წყარო: ScienceAlert

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ედამიწაკოლოგიასოფლიო

ანტარქტიდიდან ტრილიონტონიანი აისბერგი ჩამოიშალა

aisbergi

მეცნიერებმა ოთხშაბათს განაცხადეს, რომ ანტარქტიდიდან ერთ–ერთი უდიდესი აისბერგი ჩამოიშალა, რამაც კონტინენტის ირგვლივ მოძრავ ხომალდებს საფრთხე შეუქმნა.

ერთი ტრილიონი ტონა აისბერგი, რომელიც დაახლოებით 5,800 კვადრატული კილომეტრია, ანტარქტიდაზე, Larsen C Ice Shelf–დან 10–12 ივლისის პერიოდში ჩამოიშალა.

ზამთრის პერიოდში მეცნიერები ევროპის კოსმოსური სააგენტოს თანამგზავრების გამოყენებით ყინულის შელფის მონიტორინგს ახორციელებდნენ.

,,აისბერგი ერთ-ერთი ყველაზე დიდია და მისი მომავალი პროგრესის პროგნოზირება ძნელია”, – აცხადებს ადრიან ლუკმანი, სუონსის უნივერსიტეტის პროფესორი და Project MIDAS –ის გამომძიებელი, რომელიც წლების მანძილზე ყინულის შელფის მონიტორინგს ახორციელებს.

ჩატეხილი ყინული რისკს უქმნის ხომალდებს. ნახევარკუნძული მნიშვნელოვანი სავაჭრო მარშრუტების გარეთ მდებარეობს, თუმცა სამხრეთ ამერიკიდან ჩამოსული გემების მთავარი დანიშნულების ადგილია.

2009 წელს, 150-ზე მეტი მგზავრისა და ეკიპაჟის ევაკუაცია მოხდა, როდესაც MTV Explorer-ი ანტარქტიდის ნახევარკუნძულიდან ყინულის მოცურების შემდეგ ჩაიძირა.

აისბერგი, რომელსაც სავარაუდოდ A68- ს უწოდებენ, გატეხვამდე ცურავდა, ასე რომ, ზღვის დონეზე გავლენა არ მოუხდენია, მაგრამ აისბერგისმაგვარი ყინული Larsen C 12% -ზე მეტით შემცირდა.

Larsen A და B ყინულის შელფები, რომლებიც ანტარქტიდის ნახევარკუნძულის ჩრდილოეთით მდებარეობდნენ, აც1995 და 2002 წლებში ჩამოიშალა.

ყინული ანტარქტიდის ნახევარკუნძულის ნაწილია, რომელიც უკანასკნელ წლებში სწრაფად თბება.

 

წყარო: http://www.reuters.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”ფმსოფლიო

სრულად ნახვა
სტრონომია - კოსმოსისოფლიო

კვლევა: რას შეიძლება გრძნობდეს ადამიანი სხვა პლანეტის კოსმოსურ სადგურზე ყოფნისას?

კოსმოსური სადგური

 

უნივერსიტეტის სტუდენტები პეკინში ფოლადის კარის ბუნკერებში ჩაიკეტნენ, რათა გაერკვიათ, რას შეიძლება გრძნობდეს ადამიანი სხვა პლანეტის კოსმოსურ სადგურზე ყოფნისას.

სტუდენტების ინიციატივა იმ პროექტის ნაწილია, რომელიც დამოუკიდებელი ეკოსისტემის შექმნას ითვალისწინებს, რომელიც უზრუნველყოფს ყველაფრის წარმოქმნას, რაც ადამიანის გადასარჩენადაა საჭირო.

პეკინის უნივერსიტეტის აერონავტიკისა და ასტრონავტიკის უნივერსიტეტის ოთხი სტუდენტი კვირას ლონარ პალას 1-ში შევიდა და იქ 200 დღის განმავლობაში დარჩება.

სტუდენტების განცხადებით, ისინი მოხარული არიან, რომ ადამიანი გვინეის-ღორების ფუნქცია შეასრულონ, თუკი ეს მათ თავიანთ ოცნებასთან  – გახდნენ ასტრონავები – დააახლოვებს.

პეკინის უნივერსიტეტის აერონავტიკისა და ასტრონავტიკის უნივერსიტეტის პროფესორი ლუ ჰონგი აცხადებს, რომ კარგად გათვალეს ყველაფერი, რაც ადამიანის გადარჩენისთვისაა საჭირო.

„ჩვენ ისე გავთვალეთ, რომ ჟანგბადი (სადგურის მცენარეების მიერ წარმოებული) საკმარისია იმისთვის, რომ დააკმაყოფილოს ადამიანები, ცხოველები და ორგანიზმები, რომლებიც ნარჩენებს ანადგურებენ”, – განაცხადა მან.

„მაგრამ ფიზიკური მოთხოვნილებების დაკმაყოფილება ექსპერიმენტის მხოლოდ ერთი ნაწილია. ამდენი ხნის განმავლობაში მცირე სივრცეში დატუსაღების ფსიქიკური ზემოქმედების დიაგრამის შექმნა არანაკლებ მნიშვნელოვანია. ისინო შეიძლება დეპრესიულები გახდნენ, როცა ადამიანი ასეთ ხანგრძლივ დროს ასეთ გარემოში ატარებს, მას შესაძლოა გარკვეული ფსიქოლოგიური პრობლემები შეექმნას,”  – დასძინა ლუმ.

მეცნიერები დააკვირდებიან, როგორი რეაქცია ექნებათ სტუდენტებს ამ 200 დღის მანძილზე მზის სხივის გარეშე ცხოვრებაზე.

 

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
ედიცინასოფლიოოლიტიკა

უნდა ავცრათ თუ არა ბავშვები? საფრანგეთი ვაქცინაციის პოლიტიკას ამკაცრებს

ვაქცინაცია

საფრანგეთის პრემიერ-მინისტრმა – ედუარდ ფილიპმა განაცხადა, რომ მთავრობა ჯანდაცვის ორგანოების მიერ საყოველთაოდ რეკომენდირებულ 11 ვაქცინას 2018 წლიდან სავალდებულოდ გამოაცხადებს.

ეს განცხადება ევროპაში წითელას მასშტაბურ გავრცელებას მოჰყვა. საფრანგეთში მიმდინარე წლის იანვარ-თებერვალში წითელას 79 შემთხვევა გამოვლინდა. ფილიპის შეფასებით, არსებული მდგომარეობა „მიუღებელია”.

წითელას შემთხვევების მატებას ვაქცინის მიმართ მოსახლეობის სკეპტიკურ დამოკიდებულებას უკავშირებენ.

საფრანგეთში ახლახან ჩატარებულმა კვლევამ აჩვენა, რომ 10 ადამიანიდან 3-ს ვაქცინების არ სჯერა.

ინფექციის შემთხვევების ზრდა გამოვლინდა იტალიაშიც. მიმდინარე წლის აპრილში გამოვლენილი შემთხვევების რიცხვი ორჯერ მეტია 2016 წლის იმავე პერიოდში აღრიცხულ მაჩვენებელზე.

იტალიასა და საფრანგეთში საზოგადოებრივი დამოკიდებულების შეცვლა განპირობებულია ევროპაში ბოლო დროს გააქტიურებული ვაქცინის საწინააღმდეგო მოძრაობით.

 სკეპტიციზმის დასაბამი გახდა ენდრიუ ვაკეფილდი, რომელმაც 1998 წელს გამოაქვეყნა კვლევა, რომელიც ამტკიცებს, რომ არსებობს კავშირი წითელა-წითურა, ყბაყურას ვაქცინასა და აუტიზმის განვითარებას შორის.

ჯანდაცვის მსოფლიო ორგანიზაციის (WHO) შეფასებით, ვაქცინაციის წყალობით 2010 -2015 წლებში 10 მილიონზე მეტ სიცოცხლე გადარჩა და შესაძლებელი გახდა ზოგიერთი ისეთი დაავადების აღმოფხვრა, როგორიცაა პოლიო. მიუხედავად ამისა, ზოგიერთი ქვეყანა, როგორც განვითარებადი, ისე განვითარებული, ეჭვქვეშ აყენებეს ვაქცინაციის ეფექტურობას.

ამის საპასუხოდ, ბევრმა ქვეყანამ ვაქცინების გამოყენება გაზარდა.

იტალიამ ბავშვებისათვის სავალდებულო გახადა 12 ვაქცინა. ავსტრალიამ ფინანსური წახალისების პოლიტიკა გატარა:  მშობლებს, რომლებიც თავიანთ 18-24 თვის ბავშვებს აცრიან, 129 აშშ დოლარით ახალისებენ. ხოლო თუკი მშობელი შვილს რეკომენდირებულ ვაქცინაციას 4-5 წლის ასაკშიც ჩაუტარებს, თანხას განმეორებით მიიღებს.

მსოფლიოში ვაქცინაციის უმკაცრესი პოლიტიკა აქვს სლოვენიას. მშობლები, რომლებიც თავიანთი შვილების სავალდებულო ვაქცინებს ვერ უზრუნველყოფენ, ჯარიმდებიან.

 

წყარო: https://futurism.com/

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

 

სრულად ნახვა
AMGიზნესისოფლიო

ტონონჩაი სორნსრივჩაი – სარეკლამო ინდუსტრიის ,,ლომი”

ტონონჩაი სორნსრივჩაი

 მიუხედავად მის მიერ მიღებული მრავალი პრიზისა, ტონონჩაი სორნსრივჩაი პრაქტიკულად უცნობია ტაილანდის ფარგლებს გარეთ. მან კარიერა გრაფიკულ დიზაინში მოღვაწეობით დაიწყო, რაც, მისი თქმით, დაეხმარა იმის გაგებაში, თუ როგორ უნდა გადალახო გაუგებრობა სარეკლამო მესიჯების გადმოცემისას.

რამდენიმე წლის წინ იგი რეჟისორი გახდა და ცდილობს, მომხმარებელთა ქცევა გაიგოს, იპოვოს ის სარეკლამო საშუალებები, რომლებიც ყველასთვის მისაღები იქნება.

ტაილანდური სადაზღვევო კომპანიისთვის შექმნილმა სარეკლამო რგოლებმა კანის ლომების სხვადასხვა კატეგორიაში რამდენიმე ოქრო მოუტანა ტონონჩაი სორნსრივჩაის, ბოლოს კი ისევ კანში – ვერცხლი და ბრინჯაო მოიპოვა.

 

 

წყარო: Harvard business review

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
AMGიზნესისოფლიოექნოლოგიები

,,Google-ი” ყველაზე მომგებიანი კომპანია გახდა

alphabet-google მომგებიანი

 

„Google–ის“ მფლობელი კომპანია  ,,Alphabet-ი” გახდა და ამავე დროს ყველაზე მომგებიანი კომპანიის სახელიც მოიპოვა.

გასულ წლებში კომპანიის მოგებამ მისივე ფასის საგრძნობლად გაზრდა განაპირობა და 578 მილიარდი დოლარი შეადგინა, გადაუსწრო მანამდე ყველაზე მომგებიან კომპანიას „Apple–ს“, რომლის ღირებულებაც 565 მილიარდს შეადგენს.

მოცემულმა ინფორმაციამ დიდი წინსვლა განაპირობა ,,Alphabet–ისა” და 7 პროცენტით გაიზარდა მათი აქციების ღირებულება.

მაგრამ ,,Apple-მა” თავისი პოზიცია მაინც შეიმაგრა და ისევ ყველაზე ძვირადღირებულ ბრენდად რჩება, მათმა ახალმა პროდუქტმა  iPhone7–მა და iPhone7+ მა 15 პროცენტით მოუმატა ღირებულება კომპანიას და დიდი ნაბიჯი გადადგა ადგილის გამყარებისკენ.

 

წყარო: Inc.com

მასალა მოამზადა: ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
რქეოლოგიავლევებისოფლიოოფლის მეურნეობა

არქეოლოგებმა 10,900 წლის კარტოფილი აღმოაჩინეს

უძველესი კარტოფილი

არქეოლოგებმა აშშ-ის შტატ იუტაში კარტოფილის გრანულები აღმოაჩინეს, რომელიც ექსპერტების განცხადებით, შესაძლოა 10,900 წლის იყოს.

უფრო სწორად, ეს არის მცენარე Solanum jamesii-ის სახამებლის გრანულები, რომლისგანაც პატარა ველური კარტოფილი წარმოიქმნება. მათ შესაძლოა დიდი დახმარება გაუწიონ მეცნიერებს გვალვისა და დაავადების  მიმართ უფრო მდგრადი კარტოფილის წარმოებაში.

მეცნიერები ფიქრობენ, რომ აღმოჩენილი კარტოფილი შინაური კარტოფილის პირველი ნიმუშია,  რომელიც ისტორიკოსებს უძველესი წინაპრების კვების რაციონსა და საკვების მომზადების მეთოდების შესახებ აწვდის ინფორმაციას.

Solanum jamesii-ის კარტოფილი განსხვავდება  Solanum tuberosum-ის კარტოფილისგან, რომელსაც თანამედროვე ადამიანი სასურსათო მაღაზიაში ყიდულობს და საკვებად მოიხმარს და რომელიც პირველად სამხრეთ ამერიკის ანდებში 7,000 წლის წინ მოაშინაურეს.

მიუხედავად იმისა, რომ იშვიათია, S. Jamesii-ს კარტოფილი ჯერ კიდევ მოჰყავთ და ჭამენ იუტაში.  ვერავინ აცნობიერებს, თუ რამხელა ისტორია აქვს ამ პიკანტური გემოს ბოსტნეულს.

ამ ტიპის კარტოფილს რამდენიმე ამერიკული ტომი მოიხმარდა, მათ შორის, აპაჩები, ნავაჯო და ჰოპი. მას უაღრესად მაღალი კვებითი ღირებულება გააჩნია და S. Tuberosum-ზე მეტ ცილას, თუთიას, კალციუმსა და რკინას შეიცავს.

აღსანიშნავია, რომ იუტაში კარტოფილის თესლი იზოლირებულ ადგილებშია აღმოჩენილი, რაც იმაზე მეტყველებს, რომ ბოლქვები ამ ტერიტორიაზე გარეშე პირებმა მოიტანეს.

მკვლევარებს სურთ იმაში დარწმუნება, რომ S. jamesii-ის მცენარეს თაობების განმავლობაში შეუძლია სიცოცხლე. ისინი კარტოფილის დნმ-ის მოპივებას ცდილობენ, რათა გვალვებისა და დაავადებების მიმართ რეზისტენტულ გენებს მიაგნონ, რაც ხელს შეუწყობს თანამედროვე კარტოფილის კულტურების დივერსიფიცირებას.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

სრულად ნახვა
სოფლიოელიგია და მეცნიერება

კვლევა: ისლამი 2075 წლისთვის მსოფლიოს უდიდესი რელიგია გახდება

TOPSHOTS-SAUDI-RELIGION-ISLAM-HAJJ

,,Pew Research Center-ის” მიერ ჩატარებული კვლევის თანახმად, დაახლოებით ოც წელიწადში მუსლიმი ჩვილების რაოდენობა ქრისტიანებს გადააჭარბებს და 2075 წლისთვის ისლამი მსოფლიოს უდიდეს რელიგია გახდება.

რელიგიური კუთვნილების არმქონე ადამიანები მსოფლიოს მოსახლეობის პროპორციულად მცირდება, ვინაიდან მათი შობადობა მცირდება, ხოლო მუსლიმანებისა და ქრისტიანების რიცხვი მატულობს.

ანალიზში აღნიშნულია, რომ უახლოესი ათწლეულების მანძილზე რელიგიური კუთვნილებაში მნიშვნელოვანი დემოგრაფიული ცვლილებები განხორციელდება, ვინაიდან გლობალურ სამხრეთში მოსახლეობა სწრაფად იზრდება, ხოლო ევროპის ქრისტიანული მოსახლეობა – ბერდება და კვდება.

2010-2015 წლებში, მსოფლიოში დაბადებული ჩვილების 31 პროცენტი მუსლიმანი მშობლების შვილები იყვნენ, იმავე პერიოდში, მსოფლიოში დაბადებული ჩვილების 33 პროცენტი ქრისტიანი ოჯახებისგან იყო.

ეს მაჩვენებელი 2030 -2035 წლებში მცირედით შეიცვლება. მუსლიმანების ოჯახებში 225 მილიონი, ხოლო ქრისტიანების – 224 მილიონი ჩვილი დაიბადება. სხვაობა 6 მილიონამდე გაიზრდება 2055- 2060 წლებში (232 მუსლიმანი, 226 – ქრსიტიანი).

იმავდროულად, ევროპაში მცხოვრები ქრისტიანების გარდაცვალების მაჩვენებელი მნიშვნელოვნად ჭარბობს დაბადებისას. მაგალითად, გერმანიაში, 2010- 2015 წლებში ქრისტიანების გარდაცვალების რიცხვი 1.4 მილიონით მეტი იყო დაბადებისაზე.

მეცნიერები აცხადებენ, რომ 2055-2060 წლებში ჩვილების 9%-ს ის ქალები გააჩენენ, რომლებიც არცერთ რელიგიურ კუთვნილებას არ წარმოადგენენ, 70 პროცენტზე მეტს კი მუსლიმანები (36%), ან ქრისტიანები (35%).

2015 წელს მსოფლიოს 7.3 მილიარდი ადამიანისგან უმეტესობა – 31 პროცენტი – ქრისტიანულ რელიგიურ ჯგუფს მიეკუთვნებოდა, მეორე ადგილზე იყვნენ მუსლიმები – 24%, შემდეგ ათეისტები (16%), ინდუისტები (15%) და ბუდისტები (7%).  იუდეისტები  და სხვა რელიგიის მიმდევრები გლობალური მოსახლეობის მცირე ნაწილს წარმოადგენდნენ.

 

წყარო: https://www.theguardian.com

მასალა მაომზადა;  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,დოქტრინა”

სრულად ნახვა
სოფლიოობოტექნიკაექნოლოგიები

ხელოვნური ინტელექტის გამოყენებით ადამიანის მსგავსი სექსთოჯინები შექმნეს

სექსთოჯინა

ხელოვნური ინტელექტის (AI) გამოყენებით რევოლუციური ,,სექსტექი” შეიქმნა, რომელიც მომხმარებელს სექსუალურ სიამოვნებას ადამიანის მსგავსი შეხებით სთავაზობს.

სექსრობოტების მზარდი ბაზრის შესახებ ანგარიშში პასუხისმგებელი რობოტების ფონდი აცხადებს, რომ სწრაფად განვითარებადმა ტექნოლოგიებმა ბიძგი მისცა „სასიყვარულო ანდროიდ თოჯინების“ შექმნას, რომლებსაც 50 ავტომატური სქესობრივი პოზიციის შესრულება შეუძლიათ.

თოჯონების ფასი, რომლებსაც ადამიანის მსგავსი ფორმები და თმის ფერი აქვთ, დაახლოებით 5,000 – 15,000 აშშ დოლარი იქნება.

ნამდვილის მსგავსი რობოტების არსებობა და საჭიროება კომპლექსურ საკითხებს ბადებს, რომლებიც პოლიტიკოსებისა და საზოგადოების მიერ  განხილულ უნდა იქნეს.  „ასეთი მოწყობილობების გამოყენება უპრიანი იქნება სექსუალური თერაპიის კლინიკებში, სქესობრივი დამნაშავეებისთვის ან შეზღუდული შესაძლებლობის მქონე პირებისათვის,“ – ნათქვამია ანგარიშში.

ბრიტანეთის შეფილდის  უნივერსიტეტის ხელოვნური ინტელექტისა და რობოტების პროფესორი – ნოელ შარკი აცხადებს, რომ ძნელია პროგნოზირება, თუ რამდენად გაიზრდება სექსთოჯინების ბაზარი, ან როგორი იქნება საზოგადოებაზე მისი გავლენა წლების განმავლობაში. ,,გახდება ეს რობოტი თოჯინები ნიშა, თუ ისინი შეცვლიან საზოგადოებრივ ნორმებს და გავრცელდებიან?”, – დასძინა მან ბრიფინგზე.

ანგარიშში მიმოხილულია ზოგიერთი ყველაზე სადავო საკითხი: მაგალითად, შესაძლოა თუ არა, რომ სექსრობოტებმა სქესობრივი დანაშაული შეამციროს.

ამ კითხვაზე ,,უმნიშვნელო უთანხმოება” გამოვლინდა, ზოგიერთი ამტკიცებს, რომ რობოტთან სქესობრივი კავშირი შეამცირებს თავდასხმელების სურვილს, ზიანი მიაყენონ ადამიანებს. თუმცა სხვები აცხადებენ, რომ ადამიანებისთვის ბნელი ფანტაზიების განხორციელების შესაძლებლობის მიცემა საზიანო გავლენას მოახდენს საზოგადოებრივ ნორმებზე.

ერთი საკითხი, რაც უდავოა, ისაა, რომ არც თანამედროვე და არც უახლოესი მომავლის ხელოვნური ინტელექტის ტექნოლოგია არ იძლევა რობოტსა და ადამიანს შორის ორმხრივი გრძნობის გაჩენის შესაძლებლობას!

 

წყარო: http://www.reuters.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი – ,,დოქტრინა”

 

სრულად ნახვა
1 55 56 57 58 59 66
Page 57 of 66
error: Content is protected !!