close

მსოფლიო

სოფლიო

საფრანგეთში დასაქმებულებს დამსაქმებლების შეტყობინების იგნორირების საშუალება მიეცათ

mobile

 

საფრანგეთში კორპორატიული კომპანიების თანამშრომლებს დამსაქმლებლების მიერ დასვენების დღეებში გაგზავნილი ელექტრონული შეტყობინებების  იგნორინების უფლება მიეცათ.
შესაბამისი კანონპროექტი ქვეყანაში ახალი წლიდან ამოქმედდა, ინციატივა პროფკავშირებს ეკუთვნის.  იქ აცხადებენ, რომ არასამუშაო დროს სამსახურიდან შეტყობინების მიღება 35-საათიანი სამუშაო კვირის კანონსა და დასაქმებულის უფლებებს არღვევს.

ახალი კანონის მიხედით დასაქმებულს პასუხისმგებლობა ეხსნება თუ შეტყობინებას დასვენების სათებში არ გაეცნობა.

 

მასალა მოამზადა: ციცი კიკვიძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
სოფლიოამხედრო

ბრიტანეთი „ლაზერული იარაღის“ პროტოტიპს შექმნის

ლაზერული იარაღი

ბრიტანეთის თავდაცვის სამინისტრომ 30-მილიონიანი კონტრაქტი გააფორმა, რომელიც ლაზერული იარაღის  პროტოტიპის წარმოებას ითვალისწინებს.

ბრიტანეთი მიზნად ისახავს, გაარკვიოს, წაადგება თუ არა „მართული ენერგიის“ ტექნოლოგია ქვეყნის შეიარაღებულ ძალებს.

ხელშეკრულება ევროპის თავდაცვის ფირმების კონსორციუმის მიერ შეირჩა.

პროტოტიპის შეფასდება იმის მიხედვით, თუ როგორ ირჩევს და იკვლევს სამიზნეს სხვადასხვა დისტანციასა და მრავალფეროვან კლიმატურ პირობებში ხმელეთსა და წყალში.

დიდი ბრიტანეთის თავდაცვის მეცნიერებისა და ტექნიკის ლაბორატორიის (DSTL)  წარმომადგენელმა  – პიტერ კუპერმა განაცხადა, რომ პროექტი  ,,ტექნოლოგიის პოტენციალის გასაგებად მაღალი სიმძლავრის ლაზერების ინოვაციურ კვლევას ახორციელებს. ეს კი იმ გამოწვევების წინააღმდეგ, რომლის წინაშეც შესაძლოა, ბრიტანეთის შეიარაღებული ძალები აღმოჩნდეს, უფრო ეფექტური რეაგირება იყოს.”

ზოგადად, „მართული ენერგიის იარაღის“ გამოიყენება თვითმფრინავების, რაკეტების, ნაღმტყორცნების, გზისპირა ბომბების და სხვა საფრთხეების გასანადგურებლად.

აშშ მაღალი ენერგეტიკული ლაზერების გამოცდას ათწლეულების განმავლობაში ახორციელებს, თუმცა დღემდე, ტექნიკური პრობლემების გამო, მათ ფრონტის ხაზზე არ იყენებენ.

თუმცა, აშშ-მ 2014 წელს ლაზერული იარაღის სისტემა – “Laws” – სპარსეთის ყურეში დისლოცირებულ სადესანტო ხომალდ „პონსეზე“ (USS Ponce) დატესტვის მიზნით განათავსა.

მან გაანადგურა პატარა ნავის ბორტზე განთავსებული სამიზნე და პატარა თვითმფრინავი ცაში.

თუკი დემონსტრაციამ წარმატებით ჩაიარა, პირველი ლაზერული იარაღი 2020-იანი წლების შუა პერიოდში გამოჩნდება.

 

წყარო: BBC

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
სოფლიო

„კოკა-კოლას“ მომხმარებლის შეცდომაში შეყვანისთვის უჩივიან

კოკა-კოლა

კომპანია „კოკა-კოლასა“ და ,,ამერიკის სასმელების ასოციაციის” სავაჭრო ჯგუფს მომხმარებელთა შეცდომაში შეყვანისთვის კალიფორნიის სასამართლოში უჩივიან.

არაკომერციული ორგანიზაცია “Praxis-ის” განცხადებით, მიუხედავად სამეცნიერო მტკიცებულებისა, რომ შაქრიანი სასმელები დაკავშირებულია სიმსუქნესთან, დიაბეტსა და გულ-სისხლძარღვთა დაავადებებთან,  კომპანია „კოკა-კოლა“ და ,,ამერიკის სასმელების ასოციაცია” იყენებენ ისეთ ეფემიზმებს, როგორიცაა ..ბალანსი” და “calories in, calories out”, რითაც საზოგადოება შეცდომაში შეჰყავთ.

,,მოსაზრება, რომ Coke-ის პროდუქცია შესაძლოა ჯანსაღი კვების ნაწილი იყოს, იტვიფრება მილიონობითა და მილიარდობით ადამიანის გონებაში და კორექტურობას მოითხოვს,“ – განაცხადა მეცნიერებისა და საზოგადოების ინტერესების ცენტრის სასამართლო დავების დირექტორმა მაია კეთსმა.

,,კოკა-კოლას” პრესსპიკერი  – კენტ ლანდერსი სარჩელს ,,იურიდიულად და ფაქტობრივად გაუმართლებელს“ უწოდებს და აღნიშნავს, რომ კომპანია მომხმარებლის ჯანმრთელობის საკითხს ძალიან სერიოზულად ეკიდება. „ვცდილობთ, ჩვენი მომხმარებლების სასარგებლო და სანდო პარტნიორი გავხდეთ, რათა მათ შაქრის მოხმარების მართვა შეძლონ.“

სარჩელს უსაფუძვლოს უწოდებს ,ამერიკის სასმელების ასოციაციაც” და აცხადებს, რომ ყველაფერს აკეთებენ იმისთვის, რომ მომხმარებელმა სასმელიდან რაც შეიძლება ნაკლები კალორია და შაქარი მიიღოს.

აღსანიშნავია, რომ კომპანიებმა „კოკა-კოლამ“ და „პეპსიმ“ თავიანთ სასმელებში შაქრის დონის შემცირების პირობა დადეს.

სარჩელის თანახმად, 16-უნცია (1 უნცია=28,34952 გ) ბოთლი კოკა-კოლა 12 ჩაის კოვზ შაქარს შეიცავს. შედარებისთვის, ,,ამერიკის გულის ასოციაციის” რეკომენდაციის მიხედვით, მამაკაცმა დღის განმავლობაში არაუმეტეს ცხრა, ხოლო ქალმა – ექვსი ჩაის კოვზი შაქარი უნდა მიიღოს. ერთი ჩაის კოვზი შაქარი კი დაახლოებით 16 კალორიას შეიცავს.

წყარო: Reuters

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედამიწასოფლიო

ალასკისა და ციმბირის ქვეშ გამდნარი რკინის მდინარე აღმოაჩინეს

ვულკანი

ალასკისა და ციმბირის ქვეშ, ზედაპირიდან 3000 კმ სიღრმეზე, გამდნარი რკინის მდინარე აღმოაჩინეს. როგორც ირკვევა, ამ მდინარის მოძრაობის სიჩქარე თანდათან იზრდება.


კოლოსალური ნაკადის სიგანე დაახლოებით 420 კმ-ია და ის ისეთივე ცხელია, როგორც მზის ზედაპირი. ბოლო ორი ათწლეულის განმავლობაში მისი სიჩქარე თითქმის გასამმაგდა და ამჟამად, ნაკადი ევროპისკენ მიემართება.


„მზის შესახებ უფრო მეტი ვიცით, ვიდრე დედამიწის ბირთვის შესახებ. ამ ნაკადის აღმოჩენა ამაღელვებელი ნაბიჯია, რომელიც ჩვენი პლანეტის შიგნეულობის უკეთ შესწავლისკენ გადავდგით“, — ამბობს მკვლევართა ჯგუფის ერთ-ერთი წევრი დანიის ტექნიკური უნივერსიტეტიდან, კრის ფინლაი.


ფინლაიმ და მისმა გუნდმა ეს ნაკადი ევროპის კოსმოსური სააგენტოს (ESA) თანამგზავრთა ტრიო Swarm-ის მონაცემთა დამუშავებისას აღმოაჩინა.


ამ თანამგზავრებმა, რომლებიც 2013 წელს, დედამიწის მაგნიტური ველის რყევების გასაზომად გაუშვეს, მეცნიერებს შესაძლებლობა მისცა შეექმნათ პლანეტის შიდა სტრუქტურის რენტგენის გამოსხივების მსგავსი პროექტი, რამაც გამოამჟღავნა მრავალი ისეთი კომპონენტი, რომელთა არსებობის შესახებ მანამდე არაფერი ვიცოდით.


„ევროპის კოსმოსური სააგენტოს Swarm თანამგზავრების წყალობით, შევქმენით დედამიწის ბირთვის უმკვეთრესი რენტგენული სურათი. შედეგად, ჩვენ არა მხოლოდ პირველად, ნათლად ვიხილეთ იქ არსებული ეს ნაკადი, არამედ ისიც გავარკვიეთ თუ რატომ არის ის იქ“, — ამბობს უფროსი მკვლევარი ლაივერმოური.


მიჩნეულია, რომ დედამიწის მაგნიტური ველი პლანეტის ბირთვში მიმდინარე აქტოვებების შედეგადაა წარმოქმნილი.


თავის მხრივ, ეს ბირთი სოლიდური მთლიანობაა, ზომით მთვარის ორი-მესამედი და ძირითადად შედგება რკინისგან. ბირთვში ტემპერატურა 5 400 გრადუს ცელსიუსს აღწევს, რაც თითქმის მზის ზედაპირის ტემპერატურის ტოლია (5 505 °C).


შიდა ბირთვს გარს აკრავს გარე ბირთვი — 2000 კმ სისქის ფენა, რომელიც ძირითადად თხევადი რკინისა და ნიკელისგან შედგება.


ამ ფენაში არსებული ტემპერატურული, შემადგენლობისა და წნევის სხვაობები, განაპირობებს თხევადი მეტალის მოძრაობასა და მორევებს, რაც დედამიწის ბრუნვასთან ერთად წარმოქმნის ელექტროდენს, რომელიც თავის მხრივ დედამიწის მაგნიტურ ველებს წარმოშობს.


როდესაც მეცნიერები ჩრდილოეთ ნახევარსფეროს გარე ბირთვის თანამგზავრულ მონაცემებს იკვლევდნენ, ალასკისა და ციმბირის ქვეშ მათ მაგნიტური დინების უცნაური „წილები“ შენიშნეს.
მაგრამ ეს წილები მუდამ ერთ პოზიციაში არ აღმოჩნდა — ისინი ევროპის კონტინენტის მიმართულებით მოძრაობს; მეცნიერთა თქმით, მათ ბიძგს აძლევს გამდნარი რკინის ნაკადი.


„იმის გამო, რომ მათი მოძრაობა წარმოებს მხოლოდ გამდნარი რკინის ფიზიკური მოძრაობიდან, ეს წილები ერთგვარი მარკერებია, რაც მეცნიერებს საშუალებას აძლევს თვალყური ადევნონ რკინის დინებას“, — წერს  New Scientist-ი.


ჯგუფმა დაადგინა, რომ ამ ნაკადთა სიჩქარე 2000 წლიდან ასწრაფდა და ამჟამად, მაგნიტურ წილებს ალასკისა და ციმბირის ქვეშ სამჯერ სწრაფად უბიძგებს, ვიდრე გარე ბირთვის ჩვეული სიჩქარეა, დედამიწის ტექტონიკური ფილების სიჩქარეს კი ასობით ათასჯერ აღემატება.


„თხევადი რკინის ეს ნაკადი წელიწადში დაახლოებით 50 კილომეტრით გადაადგილდება“, — უთხრა  BBC News-ს ფინლაიმ.


„შესაძლოა ეს მაჩვენებელი დიდად სულაც არ ჟღერდეს, თუკი ეს მოძრაობა დედამიწის ზედაპირზე იქნებოდა, მაგრამ უნდა გვახსოვდეს, რომ ეს გახლავთ ძალიან მკვრივი თხევადი მეტალი, რომლის გადაადგილებაც უზარმაზარ ენერგიას მოითხოვს; სავარაუდოდ, ეს ყველაზე სწრაფი მოძრაობაა მათ შორის, რაც კი დედამიწის ბირთვში ფიქსირდება“.


ამ ეტაპზე უცნობია თუ რატომ სწრაფდება ნაკადი, მაგრამ მეცნიერები ეჭვობენ, რომ ეს დედამიწის შიდა ციკლის ბუნებრივი ნაწილია, რაც მილიარდობით წლის განმავლობაში მიმდინარეობს.


თუკი შევძლებთ განვსაზღვროთ ციკლის კონკრეტულად რომელ ეტაპზე ვიმყოფებით ამჟამად, შეგვეძლება ვიწინასწარმეტყველოთ თუ როგორ შეიცვლება დედამიწის მაგნიტური ველი დროთა განმავლობაში, მათ შორის უახლოეს საუკუნეებში.


ჯგუფის კვლევა Nature Geoscience-ში გამოქვეყნდა.


მომზადებულია New Scientist-ისა და ScienceAlert-ის მიხედვით

წყარო: http://1tv.ge

სრულად ნახვა
ედამიწაკოლოგიასოფლიო

ფოტოები, რომლებიც ამტკიცებს, რომ გლობალური დათბობა რეალური და გამანადგურებელია

დათვი

ინტერნეტ ჟურნალმა  “Providr-მა”  გაავრცელა ფოტოები, რომლებიც „ამტკიცებს, რომ გლობალური დათბობა რეალურია და მეტიც, ის შესაძლოა ჩვენი პლანეტისთვის გამანადგურებელიც კი აღმოჩნდეს.“

 

ქალი უყურებს  კოლორადოში მდებარე Boulder Creek-ს (50.5 კმ-იანი პატარა უბე), რომელიც 2013 წლის სექტემბერში სამდღიანი წვიმის შედეგად დაიტბორა. რაც უფრო თბილი ხდება კლიმატი, მით მეტი ექსტრემალური ატმოსფერული ნალექია მოსალოდნელი მთელი მსოფლიოს მასშტაბით.

ჩინეთს 2013 წლიდან ძლიერი წყალდიდობები ატყდება თავს. ფოტოზე ნაჩვენებია ბეჩუანი, რომელიც ჩინეთის სამხრეთ-დასავლეთ პროვინცია სიჩუანიში მდებარეობს.

 

გლობალური დათბობით გამოწვეულმა უხვმა ნალექმა ავსტრალიის აღმოსავლეთი სანაპიროც დააზარალა.  ფოტოზე აღბეჭდილია ახალ სამხრეთ უელსში მდებარე დატბორილი ტერიტორია.

ნორვეგია – გამხდარი პოლარული დათვი ცდილობს, გაიაროს ყინულზე სავალ ბარდში.

 

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
ედიცინასოფლიო

67 წლის ქალმა საკუთარი შვილიშვილი გააჩინა

ორსულობა

67 წლის ბერძენი ბებია მსოფლიოს უხუცესი სუროგატი დედა გახდა მას შემდეგ, რაც საკუთარი შვილიშვილი გააჩინა.

ანასტასია ონტოს, რომელმაც საკუთარი შვილის გოგონა გააჩინა, გინეკოლოგმა „გმირი“ უწოდა. 67 წლის ქალბატონის შვილი კონსტანტინა იხსენებს, რომ როცა დედამ სუროგატობა შესთავაზა, იფიქრა, რომ იგი უბრალოდ შეიშალა.

ანასტასია ონტომ გადაწყვეტილება მას შემდეგ მიიღო, რაც მის ქალიშვილს  მედიკოსებმა განუცხადეს, რომ ვერასდროს დაორსულდებოდა.

„თავს უფრო ბებიად ვგრძნობდი, ვიდრე დედად,“ – განაცხადა სუროგატმა ბებიამ.

აღსანიშნავია, რომ საერთაშორისო მონაცემებზე დაყრდნობით, ანასტასია ონტო უხუცესი სუროგატი დედაა. აქამდე უხუცეს სუროგატ დედად 66 წლის ესპანელი ქალბატონი მიიჩნეოდა.

წყარო: Dailymail

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ნერგეტიკასოფლიო

ამიერიდან ლას-ვეგასი  100%-ით განახლებად ენერგიას გამოიყენებს

ლას ვეგას

გასულ კვირას ნევადაში ამოქმედდა Boulder Solar 1 – მზის ელექტროსადგური, რომლის მეშვეობითაც  უზრუნველყოფილი იქნება მთელი ქალაქი, გარდა კომერციული და საცხოვრებელი ფართებისა.

ქალაქის მესვეურებმა ამ მიმართულებით მუშაობა ჯერ კიდევ 2008 წლიდან დაიწყეს, როდესაც დაიწყეს განახლებადი ენერგიის  გამოყენება. იმ დროიდან, ქალაქმა შეძლო დაეზოგა წელიწადში დაახლოებით 5 მლნ. დოლარი.

,,ჩვენ შეგვიძლია თამამად განვაცხადოთ, რომ ლას-ვეგასი მთელს მსოფლიოში ერთ-ერთი ქალაქია, რომელიც, ჩვენდა საამაყოდ,  ბუნებრივი რესუსრების მთელს ენერგიას იყენებს”- განაცხადა ქალაქის მერმა, ქეროლაინ გუდმენმა.

ახლადარჩეულმა პრეზიდენტმა, დონალდ ტრამპმა, უარყო კლიმატის ცვლილებასთან დაკავშირებული საფრთხეები და მეცნიერულ დონეზე საეჭვოდ მიიჩნია ისინი. მისი თქმით წიაღისეული საწვავის ნაკლებად მოხმარებამ ბევრ ამერიკელს სამუშაოც კი დააკარგვინა. თუმცა მანამ სანამ ზოგიერთები არსებული საფრთხეების რეალურობაზე მსჯელობენ, განახლებადი ენერგის მომხმარებლები, ლას-ვეგასის გარდა,  კოლორადო, კოლუმბია, გრინსბურგი და მრავალი სხვაც გახდა.

წყარო: http://www.businessinsider.com/

მასალა მოამზადა: თამარ  დევდარიანმა
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
სოფლიო

პარიზელების უპრეცედენტო ინიციატივა უსახლკაროების დასახმარებლად

Homeless man, Notre Dame

პარიზელებმა უსახლკაროებისთვის ახალი ინიციატივა მოიფიქრეს, რომლის მიხედვითაც, დახმარების მსურველები სახლებზე ნიშნებს დაამაგრებენ, რითაც მიახვედრებენ უპოვარებს, თუ როგორ შეძლებენ მათ დახმარებას.

ნიშნების მიხედვით, უსახლკაროები განსაზღვრავენ, რომ ესა თუ ის   ოჯახი მათ კარს უღებს ყოველდღიური საჭიროებებისთვის –  როგორიცაა მობილურის დატენვა, დარეკვა, კერძის შეთბობა, აბაზანა და ა.შ.

წყარო:http://www.lemonde.fr/

მასალა მოამზადა: ნატალია ჯალაღონიამ
ახალგაზრდა ანალიტიკოსთა და მეცნიერთა დარბაზი  ,,დოქტრინა”

 

სრულად ნახვა
ედამიწასოფლიოოტო

2016 წლის ყველაზე მნიშვნელოვანი 10 სამეცნიერო ფოტო

ყური

 

2016 წელი, მომხდარი სამეცნიერო გარღვევების თვალსაზრისით, ძალიან მნიშვნელოვანი წელი იყო. ასევე  მნიშვნელოვანია სამეცნიერო ფოტოები, რომელიც წელს გავრცელდა.

ცხოველთა საყაროში შემავალი სხვადასხვა არსება დედამიწის მაგნიტური ველის შეგრძნებით მოქმედებს – ეს არის უნარი, რომელიც მაგნეტორეცეპტორის სახელითაა ცნობილი. კალიფორნიის ტექნოლოგიის უნივერსიტეტის გეოფიზიკოსის, ჯო კირსქვინკი ცდილობს გაარკვიოს, აკეთებენ თუ არა ადამიანები იგივეს. ფოტოზე აღბეჭდილია თუ როგორ ცდის კირსქვინგი  ელექროხვეულების მოწყობილობისგან გამომუშავებულ მაგნიტურ ველს, მისი ტვინის ტალღების ჩანაწერს კი ელექტროენცეფალოგრამა ახორციელებს.

 

ეს პატარა არსება – Solenodon “კუნძულელი მკვლელის“ ახლო ბიძაშვილია, რომელიც Nesophontes-ის გვარის სახელითაა ცნობილი. ისინი კარიბში მწერების მასშტაბური მკვლელები იყვნენ. მეცნიერები Nesophontes-ის გამოსაკვლევად განმარხებულ დნმ-ს იყენებენ. ისინი 5 საუკუნის წინ გადაშენდნენ.

ახალი 3D პრინტერის შესაძლებლობების დემონსტირების მიზნით მეცნიერების მიერ შექნილი ყური.

სანაპირო ნისლი წარმოადგენს მიმზიდველ ფონს კლიმატის ყველა მეცნიერებისთვის: თუ რა ზეგავლენას ახდენს ნისლისა და ღრუბლების ურთიერთქმედება გლობალურ დათბობაზე. აგვისტოში ნასას ხომალდმა ამ საიდულოს კვლევის მიზნით ნამიბიის სანაპიროს გასწვრივ მდებარე ბუნებრივი ატმოსფეროს ლაბორატორიის შეისწავლა დაიწყო, სადაც აფრიკის ხანძრის შედეგად გაჩენილი კვამლის საფარია.

მაშინ, როცა ნიგერია პოლიოს დამარცხების შესახებ განაცხადის გაკეთებას აპირებდა, ქვეყანაში დაავადების ორი შემთხვევა დაფიქსირდა.

მეცნიერებმა ფლორიდის საერთაშორისო უნივერსიტეტში კატასტროფის მანქანა – „ქარის კედელი“ შექმნეს, რომელიც ისე უბერავს, როგორც მეხუთე კატეგორიის ქარიშხალი და რომელიც მეცნიერებს ზოგიერთი დამანგრეველი ბუნებრივი მოვლენის ფენომენის ახსნაში ეხმარება.

ადამიანები არ არიან ერთადერთი პრიმატები, რომლებსაც საკითხავი სათვალეები სჭირდებათ. ჩვენს უახლოეს ბიძაშვილებს, ბონობოსებსაც აქვთ ასაკში მხედველობის პრობლემა. ფოტოზე აღბეჭდილია მაიმუნების წყვილი, ერთ-ერთი მეორეს მხედველობას ისე უსინჯავს, თითქოს ოფთალმოლოგი იყოს.

ლიქენები უცნაური ფორმისაა. ეს არის სიმბიოზური პარტნიორობა სოკოსა და წყალმცენარეს შორის. მეცნიერები ჯერ კიდევ იკვლევენ მის საიდუმლოს.

ნეხვის ხოჭო, რომელიც ცნობილია ძროხის, სპილოსა და სხვა ცხოველების ნეხვის ჭამით, 115 მილიონი წლის წინ  დინოზავრის ნეხვით იკვებებოდა.

ნასამ მთვარის ბნელი მხარის ფოტო გაავრცელა, სადაც ბევრი სხვადასხვა ზომის კრატერი ჩანს.

 

წყარო: http://www.sciencemag.org/

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 55 56 57
Page 57 of 57