close

მსოფლიო

ს საინტერესოავლევებისოფლიო

კვლევა : დენისოვანები იმაზე მეტად განვითარებული იყვნენ, ვიდრე აქამდე ფიქრობდნენ

fdhdh

მეცნიერებმა ციმბირის ერთ-ერთ გამოქვაბულში აღმოჩენილი ძვლის ფრაგმენტებისა და კბილების გამოსაკვლევად თანამედროვე ტექნიკა გამოიყენეს და ადამიანის ერთ-ერთი გადაშენებული სახეობის შესახებ საინტერესო აღმოჩენაც გააკეთეს.

ახლახანს ახალი კვლევა გამოაქვეყნდა, რომელიც დენისოვანის სახელწოდებით ცნობილი სახეობის შესახებ მნიშვნელოვანი ინფორმაციის მატარებელია და მიანიშნებს, რომ ისინი იმაზე უფრო განვითარებულები ყოფილა, ვიდრე აქამდე ეგონათ.

ამ სახეობის წარმომაგდენლის სამი კბილი და ხელის თითის ძვალი გახლავთ ის უმწირესი მასალა, რომელიც დღემდეა აღმოჩენილი. ახალგაზრდა გოგონა, რომლის დედა სავარაუდოდ ნეადერტალელი იყო, მამა კი – დენისოვენელი რუსეთში, ალთაის მთებში მდებარე დენისოვას მღვიმეში აღმოაჩინეს.

გამოქვაბულში აღმოჩენილ დნმ-ზე ჩატარებული ახალი კვლევის თანახმად, დენისოვანები გამოქვაბულში დაახლოებით 200,000-50,000 წლის წინ ცხოვრობდნენ, ხოლო ნეადერტალელები -200,000 -80,000 წლის წინ. აღმოჩენილი ქვის იარაღები კი მიანიშნებს, რომ ერთ-ერთმა, ან ორივე სახეობამ, გამოქვაბული 300,000 წლის წინ დაიკავა.

რაც შეეხება გოგონას, რომელსაც ზედმეტსახელად „დენი“ უწოდეს და რომლის ძვლის ფრაგმენტიც დენისოვას გამოქვაბულში აღმოაჩინეს, ახალი კვლევის თანახმად ის დაახლოებით 100,000 წლის წინ ცხოვრობდა.

მეცნიერები ვარაუდობენ, რომ ცხოველების კბილებითა და ძვლებით მიერ დამზადებული სამკაულები, დაახლოებით 43,000-49,000 წლის წინანდელია და დენისოვანებს ეკუთვნით, ეს კი მათ ინტელექტუალურ განვითარებაზე მიანიშნებს.

„ტრადიციულად, ეს ნივთები დასავლეთ ევროპაში ადამიანის სახეობის გავრცელებასთანაა დაკავშირებული, თუმცა ამ კონკრეტულ გამოქვაბულში აღმოჩენილი ნაკეთობების ავტორი შესაძლოა დენისოვანები იყვნენ, ვინაიდან არ არსებობს ამ გამოქვაბულში თანამედროვე ადამიანის წინაპრის – ჰომო საპიენის ყოფნის მტკიცებულება. ეს კი იმაზე მეტყველებს, რომ დენისოვანები გაცილებით უფრო განვითარებულები ყოფილან, ვიდრე აქამდე მივიჩნევდით,“ განაცხადა მაქს პლანკის ინსტიტუტის ადამიანის ისტორიის მეცნიერების არექოლოგიურმა მეცნიერმა კატერინა დუკმა.

კვლევის შედეგები სამეცნიერო ჟურნალ Nature-ში გამოქვეყნდა.

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ედამიწასოფლიო

ბრიტანეთში „გადაშენებული“ ალმასის ობობა იპოვეს

ალმასის ობობა

დიდ ბრიტანეთში, ნოტინჰემში გადაშენებული „ალმასის“ ობობა (diamond spider) იპოვნეს.

ობობა 50 წელზე მეტია აღარავის უნახავს. ობობა, რომელიც სავარაუდოდ უკვე სრულიად გადაშენებული იყო, ბრიტანული საქველმოქმედო ორგანიზაცია ,,National Trust-ის” მოხალისეებმა Clumber Park-ში აღმოაჩინეს.

7 მმ სიგრძის ობობას ნახვა სულ სამჯერაა გამოვლენილი და სამივე დროს სამხრეთ ინგლისში. თუმცა diamond spider-ი 1969 წლიდან აღარავის უნახავს.

,,National Trust-ის” მოხალისეები ქლამბერ პარკში ეკოლოგიურ გამოკვლევას ატარებდნენ, როცა ობობა შენიშნეს.

„ალმასის“ ობობას საცხოვრებელი ჭაობიანი ადგილები, ხავსიანი ბალახი და მანანაა.

 

წყარო: http://www.bbc.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

სრულად ნახვა
ს საინტერესოასოფლიოაქართველო

უფლისციხე მსოფლიოს ზღაპრულ ადგილებს შორის მოხვდა

5ee390ed5f93bf100d31955afcae47a9

,,ყოფილა თქვენს ცხოვრებაში ისეთი დღეები, როდესაც ყოველდღიური ცხოვრებისგან გაქცევა და ზღაპრულ სამყაროში მოხვედრის სუვილი გაგჩენიათ? თუ ასეა, მაშინ კარგად დააკვირდით ეკრანს და მიხვდებით, რომ ამის გაკეთება რეალურად შესაძლებელია.
შეხედეთ ამ სიას, რომელიც A&D-მ შეადგინა. ეს სოფლები შეიძლება დაუჯერებლად გამოიყურებოდეს, მაგრამ ის რეალურია. ასე, რომ თუკი მომავალში სამყაროდან გაქცევას დააპირებთ, არ დაიმალოთ საძინებელში, უბრალოდ, მოძებნეთ საოცნებო სოფელი თქვენს ახლომახლოს.”

ამ შინაარსის განცხადება უძღვის იმ 115 საოცნებო ადგილის ფოტოებს, ჟურნალმა “Architecture Desigh”-მა  მკითხველს გააცნო. ადგილები გამოირჩევიან ლანდშაფტით, კულტურითა და ესთეტიკური მახასიათებლებით.

115 მსოფლიოს ზღაპრული სოფლების ნუსხაში დასახლებებეი მთელი მსოფლიოდან მოხვდა. ჩამონათვალში მოხვდა უძველესი, ულამაზესი, ქართული, კლდეში ნაკვეთი ისტორიული ქალაქი- უფლისციხე.

სიაში ასევე ვხვდებით გერმანიის, იაპონიის, ავსტრიის, ჩინეთის და სხვა ქვეყნის საოცარ ადგილებს.

ახალგაზრდა ანალიტიკოსთა და მეცნიერთა დარბაზი ,,დოქტინა”

სრულად ნახვა
ედამიწაკოლოგიასოფლიო

ფოტოები, რომლებიც ამტკიცებს, რომ გლობალური დათბობა რეალური და გამანადგურებელია

აუსტრალია-300×169

ინტერნეტ ჟურნალმა  “Providr-მა”  გაავრცელა ფოტოები, რომლებიც „ამტკიცებს, რომ გლობალური დათბობა რეალურია და მეტიც, ის შესაძლოა ჩვენი პლანეტისთვის გამანადგურებელიც კი აღმოჩნდეს.“

 

 

ქალი უყურებს  კოლორადოში მდებარე Boulder Creek-ს (50.5 კმ-იანი პატარა უბე), რომელიც 2013 წლის სექტემბერში სამდღიანი წვიმის შედეგად დაიტბორა. რაც უფრო თბილი ხდება კლიმატი, მით მეტი ექსტრემალური ატმოსფერული ნალექია მოსალოდნელი მთელი მსოფლიოს მასშტაბით.

 

 

ჩინეთს 2013 წლიდან ძლიერი წყალდიდობები ატყდება თავს. ფოტოზე ნაჩვენებია ბეჩუანი, რომელიც ჩინეთის სამხრეთ-დასავლეთ პროვინცია სიჩუანიში მდებარეობს.

 

 

გლობალური დათბობით გამოწვეულმა უხვმა ნალექმა ავსტრალიის აღმოსავლეთი სანაპიროც დააზარალა.  ფოტოზე აღბეჭდილია ახალ სამხრეთ უელსში მდებარე დატბორილი ტერიტორია.

 

 

ნორვეგია – გამხდარი პოლარული დათვი ცდილობს, გაიაროს ყინულზე სავალ ბარდში.

 

 

მასალა მოამზადა: თამარ ტაბატაძემ
ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

სრულად ნახვა
სოფლიო

Google აუქმებს Google+ და ინფორმაციის წაშლას იწყებს

FF422E71-FA69-4E4B-A3C0-51141DC77CB1

ტექნოლოგიური გიგანტი Google-ი მომხმარებელს Google+-ის დახურვის შესახებ შეტყობინებებს უგზავნის.

„18 დეკემბერს ჩვენ გავაკეთეთ განცხადება 2019 წლის აპრილიდან Google+-ის დახურვის შესახებ. ამის მიზეზი კი სოციალური ქსელის მოხმარების შემცირება და ის გამოწვევებია, რამაც ხელი შეუშალა Google+-ს წარმატებასა და მომხმარებელთა მოლოდინების გამართლებაში,“ ნათქვამია Google-ის მიერ გავრცელებულ ინფორმაციაში.

2 აპრილს, თქვენი Google+-ის ანგარიში დანებისმიერი თქვენს მიერ შექმნილი გვერდი დაიხურება. ვიწყებთ მომხმარებელთა Google+-ის ანგარიშების კონტენტის წაშლას, წაიშლება თქვენს Album Archive-შგანთავსებული ფოტო და ვიდეო მასალაც,“ აღნიშნულია შეტყობინებაში.

Google-ის ადმინისტრაცია ურჩევს მათ, ვისაც  Google+-ის ანგარიშის კონტენტის, ფოტოებისა და ვიდეობის დაკარგვა არ სურთ, აპრილამდე ჩამოტვირთონ და შეინახონ ისინი. Google+-ის ანგარიშების, გვერდების, კონტენტისა და ფოტო-ვიდეო მასალის წაშლის პროცესს რამდენიმე თვე დასჭირდება, ამიტომ ამ ხნის მანძილზე შესაძლოა ზოგიერთმა მომხარებელმასაკუთარ ანგარიშზე ცვლილება ვერშენიშნოსს, თუმცა პროცესი ნამდვილად 2 აპრილიდან იწყება.

„4 თებერვლიდან კი შეუძლებელი იქნება Google+-ის ახალი პროფილების, გვერდების, ჯგუფებისა და ივენთების შექმნა,“ აცხადებს Google-ი.

Google-მა Google+-ის დახურვის გადაწყვეტილება მას შემდეგ მიიღო, რაც სოციალური ქსელიდან მომხმარებლებისპირადმა მონაცემებმა კიდევ ერთხელგაჟონა, რამაც 52,5 მილიონი მომხმარებელიდააზარალა. დეველოპერებისთვისხელმისაწვდომი გახდა მათი სახელები, ელექტრონული ფოსტები, ასაკი დაპროფესიები, იმის მიუხედავად, დახურულიჰქონდათ თუ არა Google+-ის პროფილი.

თავდაპირველად Google+-ის დახურვა 2019 წლის აგვისტოში იგეგმებოდა, თუმცა მოგვიანებით ტექნოლოგიურმა კომპანიამსოციალური ქსელის დახურვის თარიღად მიმდინარე წლის აპრილი დაასახელა.

 

სრულად ნახვა
იზნესისოფლიოაქართველო

“აჭარა ჯგუფი” ნიუ-იორკში სასტუმრო “ROOMS”-ის გახსნას გეგმავს

5c53f1032b359

ნიუ-იორკში სასტუმროს გახსნასთან დაკავშირებით ამ ეტაპზე მოლაპარაკეკები მიმდინარეობს – ამის შესახებ “აჭარა ჯგუფის” მმართველმა დირექტორმა ლევან ბერულავამ გადაცემა “საქმიან დილაში” განაცხადა. მისი თქმით, საუბარია სასტუმრო “ROOMS”-ის ბრენდზე, ამ ეტაპზე ბერულავა გახსნის სავარაუდო თარიღს არ ასახელებს. მისივე განცხადებით, ნიუ – იორკის შემთხვევაში საუბარია არა ფრენჩაიზინგზე, არამედ მის თანამფლობელობაზე. ბერულავა იმასაც ამბობს, რომ დაინტერესება სხვა ქვეყნებიდანაც მაღალია და ის ფრენჩაიზინგსაც არ გამორიცხავს.

“საერთაშორისო გეგმები გვაქვს, კონკრეტულად ნიუ იორკთან, საიდანაც დაგვიკავშირდა საინტერესო ჯგუფი, რომელთაც სურთ, სასტუმრო “ROOMS”-ის ბრენდი გავიტანოთ. ამასთან დაკავშირებით მოლაპარაკებები მიმდინარეობს, დაწყებით ეტაპზეა, მაგრამ ძალიან საინტერესო და მნიშვნელოვანია”,-აცხადებს “აჭარა ჯგუფის” მმართველი დირექტორი ლევან ბერულავა.

წყარო : bm.ge

სრულად ნახვა
ედიცინასოფლიო

ბრიტანელი მეცნიერები გრიპის პანდემიის თავიდან ასაცილებლად გენეტიკურად რედაქტირებულ ქათმებს შექმნიან

234267060

ბრიტანელი მეცნიერები ქათმების გენეტიკური ინჟინერიის გამოყენებით შექმნაზე მუშაობენ. ასეთი ქათმების შექმნით, რომლებიც გრიპის ვირუსის მიმართ სრულიად მდგრადები არიან, მეცნიერები ცდილობენ მომავალი სასიკვდილო პანდემიის აცილებას ცდილობენ.
პირველი ტრანსგენური წიწილები შოტლანდიაში მდებარე ედინბურგის უნივერსიტეტის Roslin Institute-ში მიმდინარე წლის ბოლოსთვის გამოიჩეკებიან.
ფრინველთა დნმ-ი ახალი გენური რედაქტირების ტექნოლოგიის, CRISPR- ის, საშუალებით შეცვალეს. გენეტიკური რედაქტირების დროს დნმ-ს პროტეინის იმ ნაწილებს აცლიან, რომელზეც გრიპის ვირუსია დამოკიდებული. ამ ჩარევის წყალობით ქათმები გრიპის ვირუსის მიმართ სრულიად მდგრადები ხდებიან.
გლობალური ჯანმრთელობისა და ინფექციური დაავადებების სპეციალისტები ადამიანის გრიპის პანდემიას ერთ-ერთ ყველაზე დიდ პრობლემად მიიჩნევენ.
2009/10 წლებში H1N1 ვირუსით გამოწვეული გრიპის პანდემიით მსოფლიოში დაახლოებით ნახევარი მილიონი ადამიანი გარდაიცვალა. თუ ისტორიას გადავხედავთ, 1918 ესპანურმა გრიპმა დაახლოებით 50 მილიონი ადამიანის სიცოცხლე შეიწირა.
ყველაზე დიდი საშიშროება არის ის, რომ სასიკვდილო შტამი შესაძლოა გარეული ფრინველებიდან შინაურზე, შემდეგ კი ადამიანებზე გადავიდეს, პანდემიურ ჰაერ-წვეთოვან ფორმად იქცეს და ადამიანიდან ადამიანზე ადვილად გადავიდეს.
“თუ ჩვენ შევძლებთ, აღვკვეთოთ გრიპის ვირუსის გარეული ფრინველებიდან შინაურზე გადაცემა, შევძლებთ, პანდემიის წყაროს დახშობასაც,“ აცხადებენ მეცნიერები.
2016 წელს ჟურნალ Nature -ში გამოქვეყნებული კვლევაში მეცნიერები აცხადებენ, რომ ქათმებში წარმოდგენილი გენი – ANP32 აკოდირებს პროტეინს, რომელზეც დამოკიდებულია ყველა გრიპის ვირუსი, რომელიც მასპინძელს აინფიცირებს. რედაქტირებული უჯრედების ლაბორატორიულმა ტესტმა კი აჩვენა, რომ ANP32 გენის მოშორების შემდეგ ისინი გრიპით არ ინფიცირდებიან.
Roslin Institute-ის მეცნიერებმა 1996 წლელს მსოფლიოს პირველი კლონირებული ცხოველი – ცხვარი “დოლი“ შექმნეს. მათ სახელ უკავშირდება გენეტიკური ინჟინერიით გამოყვანილი ღორების შექმნაც, რომლებიც ვირუსის მიმართ რეზისტენტულები არიან.
Reuters

სრულად ნახვა
სოფლიო

ექსპერტები გვაფრთხილებენ: ყავას საფრთხე ემუქრება

1547736495

მეცნიერები აცხადებენ, რომ მსოფლიოში ცნობილი 124 ყავის სახეობის 60 პროცენტი გადაშენების პირასაა.

აღსანიშნავია, რომ ყავის 100-ზე მეტი სახეობა ტყეებში ბუნებრივად იზრდება , მათ შორის არის ყავის ის ორი სახეობა, რომელსაც ადამიანები სასმელად მოვიხმართ.

მეცნიერები აცხადებენ, რომ მონაცემები საგანგაშოა, ვინაიდან ველურ ყავას გლობალური ყავის მოსავლისთვის სასიცოცხლო მნიშვნელობა აქვს.

„რომ არა ველური ჯიშები, ჩვენ ამ რაოდენობის ყავა, რასაც დღეს მოვიხმართ, არ გვექნებოდა,“ – განაცხადა Royal Botanic Gardens-ის წარმომადგენელმა დოქტორმა აარონ დევისმა.

სამეცნიერო ჟურნალ Science Advances-ში გამოქყვეყნებული კვლევის თანახმად, ველური ყავის 75 სახეობას გადაშენება ემუქრება, 35 ამ საფრთხის წინაშე არ დგას, ხოლო დანარჩენ 14-ის შესახებ ამ ეტაპზე ამ მხრივ ძალიან ცოტა რამ იციან.

Global Change Biology-ში გამოქვეყნებული კვლევიდან კი ჩანს, რომ როდესაც კლიმატის ცვლილებთან დაკავშირებული პროექტების გათვალისწინება ხდება, ყავა „არაბიკა“ ბუნების დაცვის საერთაშორისო კავშირის წითელ სიაშია (IUCN Red List).ექსპერტები მიიჩნევენ, რომ ყავის ეს სახეობა. რომლის სამშობლო ეთიოპიაა, 2088 წლისთვის დაახლოებით 50 პროცენტით იქნება შემცირებული.

რა არის და რაში გვჭირდება ველური ყავა?

ყავის ბევრმა მოყვარულმა არ იცის, რომ დასალევად მხოლოდ ორი სახის ყავის მარცვლებს ვიყენებთ : Coffea Arabica-სა და Coffea robusta-ის. დანარჩენი 122 სახეობა ტყეში ბუნებრივად იზრდება. უმეტესობა მათგანი დასალევად გემრიელი არაა, თუმცა ისინი შეიცავენ გენს, რომელსაც მომავალში, კლიმატის ცვლილებისა და სხვადასხვა დაავადებების ფონზე, ყავის ნარგავების გადარჩენა შეუძლია.

მეცნიერები ამტკიცებენ, რომ მომავალში მოგვიწევს საშველად ყავის ველურ ჯიშებს „მოვუხმოთ“, რათა მსოფლიოს ყავის მოსავალი გადავარჩინოთ.

სად იზრდება ველური ყავა?

ველური ყავის სახეობების უმეტესობა აფრიკის ტყეებში და მადაგასკარის კუნძულზე იზრდება. გარდა აფრიკისა, ველური ყავა სხვა ტროპიკული კლიმატის პირობებშიც გვხვდება, მათ შორის ინდოეთში, შრი-ლანკასა და ავსტრალიაში.

 

რომელი სახეობის ყავას ვსვამთ?

ყავის მსოფლიო ვაჭრობა ორ სახეობას ეფუძნება – არაბიკასა (Coffea arabica) და რებუსტას (Coffea canephora).

მესამე სახეობა – ლიბერიკა (Coffea liberica) მსოფლიოს სხვადასხვა ადგილზე იზრდება, თუმცა დასალევად იშვიათად მოიხმარენ.

მეცნიერები აცხადებენ, რომ 60 პროცენტი ძალიან მაღალი და საგანგაშო მაჩვენებელია და  ყავის ჯიშების შესანარჩუნებლად შესაბამისი მოქმედებები უნდა განხორციელდეს.

BBC

 

სრულად ნახვა
ს საინტერესოასოფლიო

აშშ-მ კომპანია Huawei-ი თაღლითობასა და ტექნოლოგიის მითვისებაში დადანაშაულა

9324314C-E05A-4A60-965E-E2AE8050911D

au აშშ-ს იუსტიციის დეპარტამენტმა ჩინურ კომპანია Huawei-ს და მის მთავარ ფინანსურ ოფიცერს მენ უანჟოუბრალი საბანკო თაღლითობაში, მართლმსაჯულების ასრულებისთვის ხელის შეშლასა ტექნოლოგიის მითვისებისთვის წაუყენეს.

სრულად ნახვა
სოფლიო

ჩინელმა მეცნიერებმა გენეტიკრად შეცვლილი კლონირებული პრიმატები შექმნეს

53462

შანხაიში მდებარე ჩინეთის მეცნიერებათა აკადემიის ნეირომეცნიერების ინსტიტუტში ხუთი კლონირებული მაკაკა გაჩნდა.

როგორც ცნობილი, ერთი წლის წინ ჩინელმა მეცნიერებმა პირველი კლონირებული პრიმატები შექმნეს. ახლახანს დაბადებული მაკაკები კი უნიკალურები იმით არიან, რომ დაბადებამდე მათი გენი შეცვალეს. ხუთივე მაკაკა დონორი პრომატის ფიბრობლასტისგანმიღებულ იდენტური გენების მატარებლები არიან.

უფრო კონკრეტულად, მაკაკები ერთი კონკრეტული გენის -BMAL1-ის მატარებლები არიან, რომელიც დონორში CRISPR/Cas9 გენეტიკური რედაქტირების ტექნოლოგიის საშუალებით შეცვალეს.

ეს გენი წარმოქმნის მარეგულირებელ პროტეინს, რომელიც ძუძუმწოვრებში გარკვეული ბიოლოგიური რიტმების მართვაში მონაწილეობს. თუმცა, შეცვლილ ვერსიაში ეს პროტეინი არ წამროიქმნება, რაც ცხოველებში ისეთ ცირკადულ დარღვევებს იწვევს, როგორიცაა ძილის შემცირებული დრო და მეტი მოძრაობა ღამით. მათ ასევე გამოავლინეს აღელვების, დეპრესიისა და შიზოფრეენის მსგავსი ნიშნები.

„ცირკადული რიტმისდარღვევები შესაძლოა ადამიანებში უამრავი დაავადების გამომწვევი მიზეზი გახდეს, მათ შორის ძილის დარღვევები, შაქრიანი დიაბეტი, კიბო და ნეიროდეგენერაციული დაავადებები,“ აცხადებენ ჩინელი მეცნიერები.

თუმცა აღნიშნული ექსპერიმენტი ბადებს კითხვებს იმის შესახებ, რამდენად ეთიკურია ცხოველებში ტკივილისა და სტრესის გამოწვევა თუნდაც იმ ფონზე, როცაექსპერიმენტს ადამიანებში ფსიქოლოგიური პრობლემების მკურნალობის გზის მოსაძიებლად იყენებენ.

კვლევა სამეცნიერო ჟურნალNational Science Review-ში გამოქვეყნდა.

აღსანიშნავია, რომ ჩინეთს ეთიკურ საკითხებთან დაკავშირებით განმარტებების გაკეთება გასულის წლის ბოლოსაც მოუწია, როცა ჩინელმა მეცნიერმა ჰი ჯიანკუიმ განაცხადა, რომ CRISPR რედაქტირების საშუალებით მსოფლიოს პირველი გენეტიკურად შეცვლილი ბავშვი შექმნა.

www.sciencealert.com

სრულად ნახვა
1 2 3 4 63
Page 2 of 63