close

ეს საინტერესოა

AMGიზნესის საინტერესოა

რას გულისხმობს ემოციების საბანკო ანგარიში?

ემოციები

 ყველას კარგად ესმის საბანკო ანგარიშების დანიშნულება. საბანკო ანგარიშზე დადებული პერიოდული შეტანების მეშვეობით ჩვენ ვქმნით და ვაფართოებთ ჩვენს სახელზე შენახული ფულადი სახსრების რეზერვს. ემოციების ბანკში გახსნილი ანგარიში კი, ნდობის და უსაფრთხოების განცდის იმ რეზერვის აღმნიშვნელია, რომელიც იქმნება ყოველი ახალი ურთიერთობის დაწყეებისთანავე და შემდგომში ან იზრდება ან მცირდება – იმის მიხედვით, თუ როგორ წარიმართება ეს ურთიერთობები.

შესაძლოა ურთიერთობაში რაღაც შეცდომა დაუშვათ, მაგრამ ემოციური რეზერვი ამას აიტანს, შესაძლოა, ვერ მოახერხოთ აზრის გასაგებად ფორმულირება, მაგრამ ის თქვენ მაინც გაგიგებთ, სხვა სიტყვებით რომ ვთქვათ, როდესაც ნდობის რეზერვი დიდია, ადამიანებს შორის ურთიერთობა მარტივი და ეფექტიანი ხდება.

 

წყარო: Hbr.com

მასალა მოამზადა:  ლაშა ჯინჭარაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეოგრაფიაედამიწას საინტერესოავლევებისოფლიო

ახლად აღმოჩენილი იურული ზღვის მონსტრი ოკეანის სუპერმტაცებლებთანაა დაკავშირებული

ზღვის მონსტრი Arminisaurus schuberti

 დედამიწაზე უამრავი სახეობა არსებობს, რომლებიც, სანამ აღმოაჩენდნენ, ათეულობით წლების განმავლობაში კაცობრიობის ცხვირწინ არსებობდნენ. ასეა ახლად აღმოჩენილი “ზღვის მონსტრის”, Arminisaurus schuberti-ის, შემთხვევაშიც, რომელიც იურულ ოკეანეში 190 მილიონი წლის დაცურავდა.

Arminisaurus-ის განმარხებული ძვლები თავდაპირველად აღმოაჩინეს ბილეფელდის მახლობლად გერმანიაში 1980-იანი წლების დასაწყისში. თუმცა ძვლები დაზიანებული იყო და მხოლოდ მისი 40 პროცენტის აღდგენა შეძლეს.

ძვლების გადარჩენა მოყვარული პალეონტოლოგის – ზიგიფრიდ შუბერტის დამსახურებით მოხერხდა, რომელმაც ნამარხი გაასუფთავა და 2015 წელს Naturkunde-ის მუზეუმში, ბილეფელდში გაგზავნა.

პლეზიოზავრს სახელი, Arminisaurus schuberti, შუბერტისა და გერმანელი არმინიუსის  პატივსაცემად დაერქვა.

მეცნიერი – სვენ საჩი აცხადებს, რომ პლეზიოზავრი დინოზავრების ერის ყველაზე წარმატებულ ზღვის მტაცებელ ცხოველებს განეკუთვნება.

არმინიუსი დაახლოებით 3-4 მეტრი სიგრძის იყო და სავარაუდოდ,  პატარა მტაცებელებზე ნადირობდა. თუმცა, თითქმის მთელი ბეჭის ძვლისთვის დამახასიათებელია თვისებები, რაც Cretaceous-ის პერიოდის(გეოლოგიური პერიოდი, რომელიც იურული პერიოდის შემდგომი ხანაა) მტაცებლებისთვისაა დამახასიათებელი.

ეს აღმოჩენა პოლეონტოლოგებს პლეზიოზავრების ევოლუციური გამოსხივების უკეთ გაგებაში დაეხმარება.

მეცნიერები აცხადებენ, რომ Arminisaurus-ი მნიშვნელოვანია, რადგან ის თარიღდება ადრეული იურული პერიოდით. ამ დროის მხოლოდ ორი პლეზიოზავრის ნამარხია ჯერ-ჯერობით აღმოჩენილი. ეს კი  Arminisaurus-ს კიდევ უფრო განსაკუთრებულს ხდის.

კვლევა ჟურნალ Alcheringa-ში გამოქვეყნდა.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიეთა დარბაზი ,,დოქტრინა”

 

სრულად ნახვა
იზნესის საინტერესოაექნოლოგიები

როგორია 69,995-აშშ დოლარიანი iPhone-ი?

lux iPhone ახალი

როდესაც რამდენიმე დღის წინ iPhone-ის პირველი თაობის ბაზარზე გამოჩენის 10 წლისთავის აღსანიშნავად კომპანია ,,Apple-მა” საიუბილეო iPhone X-ი წარადგინა, საზოგადოება მისმა ფასმა (1,000 აშშ დოლარი) შოკში ჩააგდო.

თუმცა ახალ „ლაქშერი“ მობილურ ტელეფონთან შედარებით, ეს ფასი ძალიან დაბალია.

 დიზაინერებმა შექმნეს Lux iPhone X Ingot-ი, რომელშიც 250 გრამი მყარი ოქროა – მისი ფასი კი –  69,995 აშშ დოლარია.

ლოს-ანჯელესში დაფუძნებულმა ფირმამ – Brikk, Apple-ის მიერ გასულ კვირას გაკეთებული სიურპრიზის შემდეგ საკუთარ ვებგვერდზე მთელი რიგი ახალი ლაქშერი პროდუქტი წარმოადგინა.

რაც შეეხება ოქროს Lux iPhone X Ingot-ის ხაზს, ის რამდენიმე სახის ტელეფონს მოიცავს. ერთს 108 მახასიათებელი აქვს და 108 გრამ 22-კარატიან ოქროს შეიცავს. ხოლო მეორე – 250 მახასიათებელს და 250 გრამ 22-კარატიან ოქროს.

 

წყარო: http://www.dailymail.co.uk

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ს საინტერესოაექნოლოგიები

როგორია 69,995-აშშ დოლარიანი iPhone-ი?

lux iPhone ახალი

როდესაც რამდენიმე დღის წინ iPhone-ის პირველი თაობის ბაზარზე გამოჩენის 10 წლისთავის აღსანიშნავად კომპანია ,,Apple-მა” საიუბილეო iPhone X-ი წარადგინა, საზოგადოება მისმა ფასმა (1,000 აშშ დოლარი) შოკში ჩააგდო.

თუმცა ახალ „ლაქშერი“ მობილურ ტელეფონთან შედარებით, ეს ფასი ძალიან დაბალია.

 დიზაინერებმა შექმნეს Lux iPhone X Ingot-ი, რომელშიც 250 გრამი მყარი ოქროა – მისი ფასი კი –  69,995 აშშ დოლარია.

ლოს-ანჯელესში დაფუძნებულმა ფირმამ – Brikk, Apple-ის მიერ გასულ კვირას გაკეთებული სიურპრიზის შემდეგ საკუთარ ვებგვერდზე მთელი რიგი ახალი ლაქშერი პროდუქტი წარმოადგინა.

რაც შეეხება ოქროს Lux iPhone X Ingot-ის ხაზს, ის რამდენიმე სახის ტელეფონს მოიცავს. ერთს 108 მახასიათებელი აქვს და 108 გრამ 22-კარატიან ოქროს შეიცავს. ხოლო მეორე – 250 მახასიათებელს და 250 გრამ 22-კარატიან ოქროს.

 

წყარო: http://www.dailymail.co.uk

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ეოგრაფიაედამიწას საინტერესოააქართველო

აფხაზეთის დაცული ტერიტორიები – საქართველოს გამორჩეული სიმდიდრე

აფხაზეთის დაცული ტერიტორიები

 აფხაზეთის დაცულ ტერიტორიაზე 6 ნაკრძალია. ამ ერთმანეთისგან რელიეფითა და ეკოსისტემებით განსხვავებულ ნაკრძალებში 2000-ზე მეტი სახეობის მცენარე ხარობს. მათგან ბევრი ისეთია, ადრე ფართოდ რომ იყო გავრცელებული, დღეს კი აქა-იქაა შემორჩენილი.

რელიქტური მცენარეებიდან, უპირველესად, აღსანიშნავია ბიჭვინთის ფიჭვი. ეს მცენარე, სხვა ჰაბიტატებისგან განსხვავებით, ბიჭვინთაში ქვიშიან დიუმებზე ხარობს ზღვის შროშანთან ერთად. მდიდარია აფხაზეთის ფაუნაც. საქაეთველოს ,,წითელ ნუსხაში’’ შესული არაერთი ცხოველი ბინადრობს აფხაზეთის ნაკრძალებში.

რიწის ნაკრძალი ზღვის დონიდან 300-2900 მეტრის სიმაღლეზე რიწის ტბის გარშემო მდებარეობს. ეს ზღაპრული ბუნება მნიშვნელოვნად განსხვავდება აფხაზეთის ზღვისპირა მხარის ლანდშაფტებისგან. რიწის ნაკრძალში 1400-ზე მეტი სახეობის მცენარე ხარობს. ამ ტერიტორიის 91%-ზე მეტი ტყითაა დაფარული. რიწის ნაკრძალში მობინადრე ძუძუმწოვრებიდან ყველაზე პატარა მტაცებელია დედოფალა, ყველაზე დიდი კი – მურა დათვი.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

 

 

სრულად ნახვა
ეოგრაფიაედამიწას საინტერესოა

პოლარული ციალი – როგორ ჩნდება საოცრება დედამიწაზე

ჩრდილოეთის ციალი

  ჩინელმა ასტრონომებმა ჯერ კიდევ 5000 წლის წინ აღწერეს პოლარული ციალი. მოგვიანებით, ბერძენი და ლათინურენოვანი ავტორები წერდნენ ,,ღამის ცაზე გაჩენილი ცეცხლის ალების’’ შესახებ. ,,დიდ ჩრდილოეთში’’ მოელვარე სინათლის შესახებ ლეგენდები იქმნებოდა. ზოგიერთი ესკიმოსისთვის იგი წინაპართა სულებს განასახიერებდა. სხვებისთვის ჩრდილოეთ პოლუსზე განთავსებული ,,დედამიწის შემქმნელი დიდი ცეცხლის’’ ნაკვალევი იყო.

XVII ს-ში ასტრონომმა გალილეიმ მას ,,ჩრდილოეთის ციალი” უწოდა, მაგრამ მისი საიდუმლო ვერავინ ამოიცნო. მხოლოდ ის არის დადგენილი, რომ მზის აქტიურობის დროს შეინიშნება. XX ს.-ის დასაწყისში ნორვეგიელმა მეცნიერმა მოახერხა იმავე ფენომენის ლაბორატორიაში მიღება: მან დამაგნიტებული ბურთი (მაგნიტური ისრის მსგავსი) დაბომბა ელექტრონებით (ატომის შემადგენელი ელემენტები) და მაშინვე გაჩნდა ციალის მსგავსი ნათება.

ყოველთვის, როდესაც მზე მეტად აქტიურია, მის ზედაპირზე ძლიერი ამოფრქვევებია და მათი ნაწილაკები კოსმოსში ვრცელდება. დედამიწაზე მათ მაგნიტური ველი იზიდავს და ისინი პოლუსებისკენ მიიწევენ. აქ, 100-300 კმ სიმაღლეზე, ატმოსფეროს მაღალ ფენებში ეღობებათ ჟანგბადი და აზოტი. ამ შეჯახებისას წარმოიქმნება სინათლე: თითოეულ აირს განსხვავებული ფერის სინათლე აქვს: ჟანგბადს – მომწვანო-ყვითელი, აზოტს – წითელი. მილიარდობით ნაწილაკის აირთან შეჯახება წარმოქმნის ციალს.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

 

 

სრულად ნახვა
ს საინტერესოაედიცინა

როგორი უნდა იყოს ჯანმრთელი ადამიანის სრულფასოვანი კვება?

რაციონალური კვება

 რაციონალური კვება არის ფიზიოლოგიური თვალსაზრისით ჯანმრთელ ადამიანთა სრულფასოვანი კვება მათი ასაკის, სქესისა და შრომითი საქმიანობის, ასევე კლიმატური პირობებისა და სხვა ფაქტორების გათვალისწინებით. რაციონალურმა კვებამ უნდა უზრუნველყოს ორგანიზმის შინაგანი გარემოს მუდმივობა (ჰომეოსტაზი) და მაღალ დონეზე შეინარჩუნოს ორგანიზმის ცხოველმყოფელობა (ზრდა, განვითარება, ორგანოთა და სისტემათა ფუნქციები).

საკვების რაციონის მიმართ წაყენებული ზოგადი მოთხოვნები ასახულია შემდეგ პისტულაციებში:

  1. დღიური საკვები რაციონი თავისი ენერგეტიკული ღირებულებით შეესაბამება ორგანიზმის ენერგოხარჯვებს. ენერგიაზე ორგანიზმის მოთხოვნილება დამოკიდებულია ასაკზე და მასთან დაკავშირებულ ძირითად ცვლაზე, სქესზე, სხეულის მასისა და სიმაღლის თანაფარდობაზე, პროფესიულ და არაპროფესიულ საქმიანობაზე, ცხოვრების ხარისხსა და პირობებზე, კლიმატზე. ენერგიაზე მოთხოვნილება ასევე განისაზღვრება ორგანიზმის ფიზიოლოგიური მდგომარეობით (ფეხმძიმობა, ძუძუთი კვება).
  2. ორგანიზმის ფიზიოლოგიური მოთხოვნილებები უნდა დაკმაყოფილდეს საკვები ნივთიერებების იმ რაოდენობითა და პროპორციებით, რომლებიც მაქსიმალურად სასარგებლოა ორგანიზმისათვის. ამ პოსტულატს საფუძვლად უდევს საკვები რაციონის მიმართ ბალანსური მიდგომა, რაც განისაზღვრავს რაციონის ხარისხს: ნუტრიენტების შემცველობას, შეუცვლელ და შენაცვადი ნივთიერებების თანაფარდობას (ცხოველური და მცენარეული ცილები; ცხიმოვანი მჟავები; ნახშირწყლების, ვიტამინებისა და მინერალური ნივთიერებების პროპორციები). ეს პორტულატისაფუძვლად უდევს მოსახლეობის სხვადასხვა ჯგუფებისათვის რაციონების სწორ შედგენას.

 

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ნალიტიკაეოგრაფიაედამიწაკოლოგიას საინტერესოა

სად და როგორ წარმოიშვა „ირმა“ და მსგავსი დამანგრეველი ქარიშხლები?

ქარიშხალი ირმა გამოწვევა

რამდენიმე კვირაში იმ დღიდან, როცა ქარიშხალმა „ჰარვეიმ“ ტეხასში ნგრევა გამოიწვია, „ირმამ“ ფლორიდაში მეწყერი წარმოშვა და ეს მაშინ, როცა ატლანტიკურ ქარიშხლის სეზონამდე თითქმის 12 კვირაა დარჩენილი. ჩნდება კითხვა – საიდან ჩნდება ეს ქარიშხლები?

კვლევამ აჩვენა, რომ იმ ქარიშხლების უმეტესობა, რომელიც აშშ-სა და კანადას თავს დასტყდომია, იწყება, როგორც დასავლეთის აფრიკის, კერძოდა კი აფრიკის კაპე ვერდეის კუნძულების სანაპირო ზოლის, ატმოსფეროში არსებული ამინდის განსხვავებული ნიმუში.

,,Geophysical Research Letters-ში” გამოქვეყნებულმა 2015 წლის კვლევამ აჩვენა, რომ დასავლეთ აფრიკის სანაპიროს ამ ტროპიკული დარღვევების თვალყურის დევნებით მკვლევარები შეძლებდნენ იმის პროგნოზირებას, თუ რომელი მათგანი გადაიქცეოდა სერიოზულ ქარიშხლად რამდენიმე კვირის შემდეგ.

„იმ ქარიშხლების 85 პროცენტი, რომელიც აშშ-სა და კანადას აზარალებს, დასავლეთ აფრიკის ატმოსფეროში არსებული დარღვევებისგან წარმოიშვა, ჩვენ აღმოვაჩინეთ, რომ რაც უფრო დიდ ტერიტორიაზეა ეს დარღვევა გავრცელებული, მით მეტია იმის შანსი, რომ ერთ-ორ კვირაში ის ქარიშხლად გადაიქცეს,“ – განაცხადა ისრაელის თელ-ავივის უნივერსიტეტის მკვლევარმა კოლინ პრაისმა.

საინტერესოა ის ფაქტი, რომ ეს ქარიშხლები პირდაპირ უკავშირდება დედამიწის ერთ-ერთ მშრალ ადგილას – საჰარას უდაბნოს.

საჰარის ცხელი და მშრალი ჰაერისა და გვინეის ზღვის ყურიდან მომავალი გრილი, უფრო ტენიანი ჰაერის ურთიერთქმედება წარმოშობს ე.წ. აფრიკის აღმოსავლეთ ნაკადს, რომელიც აღმოსავლეთიდან დასავლეთისკენ უბერავს.

ამ ნაკადის ფარგლებში შესაძლოა წარმოიშვას ატმოსფერული დარღვევები ან ტროპიკული ტალღები. იმის გამო, რომ ეს ტალღები აფრიკის კაპე ვერდეის  სანაპიროზე იცლებიან, 2015 წლის კვლევამ აჩვენა, რომ ამ ადგილში არსებული ღრუბლის რაოდენობით შესაძლოა იმის დადგენა, შეიძლება თუ არა, რომ ეს ტროპიკული ტალღები ერთ-ორ კვირაში ქარიშხლად გადაიქცნენ.

როგორ ხდება ეს? ტროპიკული ტალღები ურთიერთქმედებენ ატლანტის ოკეანის თბილ ეკვატორულ წყალთან, ხოლო იმის გამო, რომ ისინი დასავლეთისკენ მიემართებიან ოკეანიდან თბილი და ტენიანი ჰაერის სვეტების წარმოშობას იწვევენ.

ეს წარმოშობს სამი ინგრედიენტიდან ორს იმისათვის, რომ ტროპიკული შტორმები ძლიერ ქარიშხლებად გადაიქცნენ : ტენიანი ჰაერი; დედამიწის როტაცია; და თბილი ოკეანის ტემპერატურა. როდესაც ქარების სიჩქარე 119 კმ / სთ-ს აღწევს, ქარიშხალი კლასიფიცირდება როგორც I კატეგორიის ქარიშხალი.

სანამ ქარიშხლად გადაიქცეოდა და აშშ-სა და კარიბისკენ გაემართებოდა, აგვისტოს დასასრულს „ირმა“ კაპე ვერდეის კუნძულების ატმოსფეროში არსებულ დარღვევად დააფიქსირეს.

სტატისტიკის თანახმად, ყოველ წელს აფრიკაში წარმოქმნილი 60 დარღვევიდან მხოლოდ 10 პროცენტი გადაიქცევა ქარიშხლად – მაგრამ ისეთ ქარიშხლად, რომელსაც შეუძლია ატლანტის გადაკვეთა, რაც მას იმდენად აძლიერებს, რომ აშშ-სა და კანადასაც კი აყენებს დარტყმას.

მსოფლიოს მეცნიერები ცდილობენ შეიმუშავონ მექანიზმი, რისი საშუალებითად იმის პროგნოზირებას შეძლებენ, თუ რომელი დარღვევა შეიძლება ერთ ან ორ კვირაში ქარიშხლად გადაიქცეს. ეს კი თავის მხრივ ძალიან მნიშვნელოვანია, ვინაიდან ქარიშხლისგან გამოწვეული ზარალისა და მსხვერპლის აცილება ან შემცირება გახდეს შესაძლებელი.

რამდენიმე დღის წინ ამერიკის შეერთებული შტატების შტატ ფლორიდის სამხრეთ სანაპიროს ქარიშხალი ,,ირმა” თავს დაატყდა. მაიამის სანაპიროები დატბორილია, ქუჩებში ქარიშხალმა უზარმაზარი ხეები მოგლიჯა. 1 მილიონი ადამიანი ელექტროენერგიის გარეშეა დარჩენილი.

მოსახლეობის დიდი ნაწილი, დაახლოებით 6 მილიონი ადამიანი, ფლორიდის სამხრეთ ნაწილში ევაკუირებულია. სანამ ქარიშხალი ფლორიდის სანაპირობმდე მივიდოდა, ის კარიბის კუნძულებზე მძვინვარებდა და შედეგად 14 ადამიანის სიცოცხლე იმსხვერპლა.

 

წყარო: http://www.sciencealert.com

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
ს საინტერესოავლევებიედიცინასოფლიო

დღეში 4 ფინჯანი ყავის მიღება ციროზისგან გვიცავს

ყავა

 ახალი კვლევის თანახმად, დღეში ოთხი ფინჯანი ყავის მიღება საკმარისია ღვიძლის სასიკვდილო დაავადების პრევენციისთვის.

სასიცოცხლო ორგანოს განადგურებისგან დაცვა ერთ ჭიქა მცენარეულ ჩაისაც შეუძლია.

ჰოლანდიელი მეცნიერები აცხადებენ. რომ ორივე სასმელი ღვიძლის ნაწიბურის წარმოქმნას უშლის ხელს, რომელიც იწვევს ციროზს – რაც შეიძლება ფატალური აღმოჩნდეს ადამიანისთვის.

ზუსტი მექანიზმი უცნობია, მაგრამ მეცნიერები ფიქრობენ, რომ ანტიოქსიდანტური ნაერთები სისხლში გადადის და ღვიძლამდე აღწევს.

ციროზი გამოწვეულია ღვიძლის ხანგრძლივი დაზიანებით. ის ხშირია ღვიძლის სხვადასხვა დაავადების ბოლო  ეტაპზე.

  ღვიძლის დაავადებები ( ღვიძლის 200-ზე მეტი დაავადება არსებობს ) სიკვდილის გამომწვევ მიზეზებს შორის მეთორმეტე ადგილზეა მსოფლიოში. ამ დაავადებათა უმეტესობა ცხოვრების არაჯანსაღ წესთანაა დაკავშირებული.

როგორ ჩატარდა კვლევა?

ნიდერლანდების ერაზმუსის უნივერსიტეტის სამედიცინო ცენტრის მკვლევარებმა 2,424 მონაწილის მონაცემი შეკრიბეს.

ყველა მოხალისეს სისხლის ნიმუშები აუღეს. მათ დრო და დრო ღვიძლის გამოსახულების გადაღების პროცედურები უტარდებოდათ, რათა თავიანთი ორგანო შეეფასებინათ.

გარდა ამისა, კვლევის მონაწილეებმა შეავსეს კითხვარი იმის შესახებ, თუ რამდენად ხშირად ღებულობდნენ გარკვეულ საკვებს, მათ შორის, ყავასა და ჩაის.

ყავის მოხმარება სამ კატეგორიად იყოფოდა: არცერთი, ზომიერი (ნულოვანიდან სამ ჭიქამდე) და ხშირი (სამზე მეტი).

ჩაის მოხმარება კლასიფიცირებულ იქნა: მცენარეულ, მწვანე და შავ ჯიშებად.

რა აღმოაჩინეს მათ?

მეცნიერებმა აღმოაჩინეს, რომ ყავის ხშირი მოხმარება ორგანიზმს ღვიძლის დაავადებისგან იცავს. როცა მათ საერთო შედეგს გადახედეს, აღმოაჩინეს, რომ იგივე ეფექტი აქვს მცენარეულ ჩაისაც.

მიუხედავად აღნიშნული კვლევის შედეგებისა, მეცნიერები აცხადებენ, რომ სანამ რეგულარულ coffee breaks-ები ცხოვრების წესი გახდება, არაერთი კვლევის ჩატარებაა საჭირო.

თუმცა ის, რისი თქმაც შეიძლება ისაა, რომ დღეში 4 ჭიქა ყავის მიღება უსაფრთხოა ჯანმრთელობისთვის.

,,International Life Sciences Institute -ის” მეცნიერებმა ადამიანზე კოფეინის ზემოქმედების შესახებ დაახლოებით 740 კვლევა განიხილეს და აღმოაჩინეს, რომ 400 მილიგრამი (4 ჭიქა) ყავის მიღება ზრდასრული ადამიანებისთვის უსაფრთხოა.

 

წყარო: http://www.dailymail.co.uk

მასალა მოამზადა:  თამარ ტაბატაძემ

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

 

სრულად ნახვა
ს საინტერესოაამართალიაქართველო

დეკრეტული შვებულება მამებისთვის და საქართველო

დეკრეტული შვებულება მამა

 ალბათ ბევრ თქვენგანს არც სმენია, რომ საქართველოში მამაკაცებს დეკრეტული შვებულების აღების უფლება აქვთ და ამ უფლებით რამდენიმე ერთეულმა ისარგებლა კიდეც. თუმცა, საერთო ფონი მაინც სტერეოტიპულია და ბევრი დამსაქმებელი იმდენად წარმოუდგენლად მიიჩნევს დასაქმებული მამაკაცის დეკრეტულ შვებულებაში გაშვებას, რომ რიგი საჩივრებისა ომბუდსმენის აპარატამდე აღწევს.

საზოგადოებაში გავრცელებული შეხედულებით, ოჯახში მთავარი მზრუნველი – დედა, შემომტანი  კი – მამაა. სწორედ ამიტომ, როგორც წესი, მშობიარობის შემდგომ პერიოდში, ქალბატონები სახლში რჩებიან ახალშობილის მოსავლელად, მამაკაცები კი კვლავ განაგრძობენ ეკონომიკურ მდგომარეობაზე ზრუნვას.

,,საქართველოს შრომის კოდექსში” ცვლილებები 2013 წლის 27 სექტემბერს შევიდა, თუმცა, სავარაუდოდ, არცთუ ისე  ფართო კამპანიის წყალობით, დღემდე ბევრმა არ იცის, რომ შეუძლია გამოიყენოს თავისი წილი დეკრეტული შვებულება და წვლილი შეიტანოს ახალშობილის აღზრდა-მზრუნველობაში.  კანონის თანახმად, ორსულობის, მშობიარობისა და ბავშვის მოვლის გამო შვებულება ახლა უკვე მამაკაცებსაც ბიუჯეტიდან უნაზღაურდებათ. თუმცა, ისიც უნდა ითქვას, რომ  შვებულების პერიოდზე გასაცემი ფულადი დახმარების ოდენობა 1000 ლარს არ აღემატება.

 183 კალენდარული დღე, ხოლო მშობიარობის გართულების ან ტყუპის შობის შემთხვევაში – 200 კალენდარული დღე გამოეყოფა მშობელს, თუმცა, აქვე ისიც აღსანიშნავია,რომ, კანონის მიხედვით, არ შეიძლება ერთდროულად ორივე მშობელი  იმყოფებოდეს შვებულებაში. ამ მუხლის მე-2 პუნქტით გათვალისწინებული შვებულება დასაქმებულს თავისი შეხედულებისამებრ შეუძლია გადაანაწილოს ორსულობისა და მშობიარობის შემდგომ პერიოდებზე. ​

აღნიშნული ცვლილებების ამოქმედების დღიდან სამ წელზე მეტი გავიდა, თუმცა დეკრეტული შვებულებით მოსარგებლე მამაკაცთა რაოდენობა თითზე ჩამოსათვლელია. ზოგადად კი, ზუსტი რაოდენობის თქმა რთულია, რადგანაც  სტატისტიკა არც არსებობს. ამის მიზეზი კი ისაა, რომ  საჯარო დაწესებულებებიდან გამოთხოვილ მონაცემებში არ კონკრეტდება, დეკრეტული შვებულებით რომელი სქესის წარმომადგენელმა ისარგებლა. თუმცა კონკრეტული მონაცემების არქონის შემთხვევაშიც ნათელია, რომ  საქართველოში დეკრეტში თითქმის ყოველთვის  ქალი გადის.

არადა, მსოფლიოს მასშტაბით, ამ ტიპის  შვებულებით მრავალი მამაკაცი სარგებლობს და ეს ჩვეულებრივი, მისაღები ,,ტონია“.

 პირველი ქვეყანა, რომელმაც მამებს დეკრეტული შვებულების გამოყენების საშუალება, ჯერ კიდევ გასული საუკუნის 90-იან წლებში, მისცა – ნორვეგიაა.

მოგვიანებით კი, იგივე კანონი დიდმა ბრიტანეთმა და გერმანიამაც მიიღო. ამ ქვეყნებში იმის გარანტია აქვთ დეკრეტულ შვებულებაში გასულ მამაკაცებს, რომ სამსახურს კვლავ იმავე პოზიციით დაუბრუნდებიან. გარდა ამისა, ამ ტიპის შვებულების აღება ორივე მშობელს შეუძლია 1 წლის ვადით და თანაც ერთდროულად.

შეიძლება ითქვას, რომ აღნიშნულ და კიდევ უამრავ ქვეყანაში, სადაც მსგავსი წესი არსებობს, დეკრეტში გასულ მამაკაცთა და ქალთა რაოდენობა თითქმის თანაბარია.

ალბათ საინტერესოა, რა მიზეზი შეიძლება დასახელდეს საქართველოში ამ ტიპის კანონის შემოღების ნაკლებპოპულარულობის ასახსნელად?

სახალხო დამცველის აპარატის გენდერული თანასწორობის დეპარტამენტი ამ საკითხზე დიდი ხანია მუშაობს და ხაზს უსვამს იმ ფაქტს, რომ  შრომის კოდექსში შეტანილი ნორმა არის ალტერნატიული ხასიათის, რაც ნიშნავს იმას, რომ ბავშვის მოვლის გამო შვებულება  მშობლებმა შეიძლება გამოიყენონ ორსულობის და მშობიარობისგან დამოუკიდებლად. შესაბამისად, ბავშვის მოვლა არ უკავშირდება სქესის ნიშნით შეზღუდვას.

ამ კუთხით არაერთი კამპანია მიმდინარეობს, რათა საოჯახო აღზრდა გულისხმობდეს დედობის, როგორც სოციალური ფუნქციის სწორ გაგებას და ბავშვის აღზრდისა და განვითარების საქმეში მამაკაცისა და ქალის საერთო პასუხისმგებლობის აღიარებას, ბავშვის უპირატესი ინტერესების გათვალისწინებით.

საზოგადოებაში დეკრეტული შვებულების აღება  ქალის უფლებად უფრო აღიქმება ვიდრე მამაკაცისა, ამას ადასტურებს ,,თავისუფლების განვითარების ინსტიტუტის“ (IDFI) მიერ დეკრეტული შვებულებით სარგებლობის შემთხვევებზე ჩატარებულ კვლევაში.

 გიორგი ბეჟანიშვილი იმ ერთეულთაგანია, რომელმაც დეკრეტული შვებულება მოითხოვა, როგორც აღმოჩნდა, ეს იყო პირველი წარმატებული შემთხვევა, როდესაც მამაკაცი დაინტერესდა, რამდენად ჰქონდა კანონმდებლობით მინიჭებული უფლება, რომ ბავშვის მოვლის მიზნით შვებულება აეღო.

თელავის სახელმწიფო უნივერსიტეტში გამოვლენილი გარკვეული წინააღმდეგობის შემდეგ, მან მოახერხა კუთვნილი შვებულებიდან თვე-ნახევარი გამოეყენებინა.

იმის გამო, რომ მეუღლეს სამსახურში გადატვირთული გრაფიკი ჰქონდა, მან გადაწყვიტა  ბავშვის გაზრდაში საკუთარი წვლილი შეეტანა და სწორედ ამ ფორმას მიმართა.

თავდაპირველად გიორგი ბეჟანიშვილმა, დეკრეტული შვებულების მოთხოვნით, თელავის უნივერსიტეტს მიმართა განცხადებით.  სანამ გიორგი დეკრეტულ შვებულებას მოითხოვდა, მანამდე იურისტებს, შემდეგ კი სახალხო დამცველის აპარატს მიმართა.

 ,,შვებულების აღება ძალიან გამიჭირდა, ინფორმაცია არ არსებობდა. მუდმივად ვრეკავდი აქეთ-იქით. დამსაქმებლებისგან თავიდან უცნაური, შემდეგ კი პოზიტიური დამოკიდებულება წამოვიდა, რადგან სახალხო დამცველის აპარატი მეხმარებოდა და მიხვდნენ, რომ წინააღმდეგობა არასწორი იქნებოდა.

ვისაც მსგავსი სურვილი აქვს, ვურჩევდი, მიმართოს იურისტებს ან სახალხო დამცველის აპარატს და დაეხმარებიან. ნუ შეშინდებიან დაცინვის გამო. საზოგადოებას აუცილებლად ექნება სხვადსხვა რეაქცია. მზად იყვნენ ამისთვის და ყველაფერი კარგად იქნება,“-აცხადებს გიორგი.

ზოგადად, შრომის კოდექსის გაუთვალისწინებლობის ხშირი პრობლემის წინაშე რომ დგას სახელმწიფო, ეს ბოლო მოვლენებმა განსაკუთრებულად გამოკვეთა. დეკრეტული შვებულების, ორსულებსა და მშობიარობის შემდგომ – დედებზე, არგაცემის საჩივრები კი ომბუდსმენის აპარატამდე ხშირად აღწევს. ცხადია, რომ დამსაქმებლები თავად ვერ ერკვევიან შრომის კოდექსში არსებულ ჩანაწერებში, მაგრამ თავად დასაქმებულებიც რომ არ ეცნობიან თავიან უფლებებს – ეს მეორე, კიდევ უფრო დიდი უკიდურესობაა.

 

მასალა მოამზადა: ნატალია ჯალაღონიამ

ახალგაზრდა ანალიტიკოსთა და მეცნიერთა დარბაზი ,,დოქტრინა”

სრულად ნახვა
1 52 53 54 55 56 60
Page 54 of 60
error: Content is protected !!