close
ანათლებასოფლიოაქართველო

გორდელერის დემოკრატიული მართველობის კოლეჯი კონკურსს აცხადებს

კონკურსი

გორდელერის დემოკრატიული მართველობის კოლეჯი ერთწლიანი, ბოშის ფონდისა და DGAP-ის განათლების ერთობლივი, გერმანულენოვანი პროგრამაა, რომელშიც მონაწილეობას იღებენ ახალგაზრდა ლიდერები სომხეთიდან, აზერბაიჯანიდან, ბელარუსიდან, საქართველოდან, მოლდოვადან, რუსეთიდან, სერბეთიდან, თურქეთიდან და უკრაინიდან. გორდელერის კოლეჯი  მიმართულია ახალგაზრდა, დასაქმებულ ლიდერებზე, რომელთაც სურთ აქტიურად იყვნენ ჩართულნი საზოგადოებისათვის მნიშვნელოვანი პროცესების გაუმჯობესებაში. დღემდე ამ პროგრამაში 33-მა საქართველოს მოქალაქემ მიიღო მონაწილეობა.

პროგრამა ახალგაზრდა ლიდერებს საშუალებას აძლევს განავითარონ ხედვა, რომელიც ხელს შეუწყობს პასუხისმგებლობის გრძნობის ამაღლებასა და საზოგადოების სარგებელზე მიმართული ქცევის განვითარებას. პროგრამის განმავლობაში, შერჩეული ახალგაზრდები გერმანიის ქალაქ ბერლინში გაემგზავრებიან, მონაწილეობას მიიღებენ სამ სემინარში და განახორციელებენ საკუთარ პროექტს თავიანთ სამშობლოში. სემინარები ტარდება გერმანულ ენაზე.

გორდელერის დემოკრატიული მმართველობის პროგრამაში მონაწილეობის მიღება უფასოა. მგზავრობის, ვიზის, საცხოვრებლის, კვებისა და გასაუბრებაზე ან სემინარზე დასწრებასთან დაკავშირებული სხვა თანხები სრულად ანაზღაურდება რობერტ ბოშის ფონდის მიერ.

პროფესორი გიუნტერ ფერჰოიგენი, წარსულში ევროკომისიის ვიცე-პრეზიდენტი უკვე რამდენიმე წელია პროგრამის დირექტორია.

კოლეჯს სახელი ეწოდა ადმინისტრაციული სამართლის იურისტისა და წინააღმდეგობის მოძრაობის მებრძოლის – კარლ ფრიდრიხ გორდელერის (1884–1945) საპატივცემულოდ.

განაცხადების მიღების ბოლო ვადაა 19 თებერვალი, 2018 წელი
პროგრამის დასაწყისი: 13 სექტემბერი, 2018

დაწვრილებითი ინფორმაციისთვის  შეგიძლიათ ეწვიოთ ვებგვერდს: www.goerdeler-kolleg.de

დამატებითი კითხვების შემთხვევაში, გთხოვთ მიმართოთ კლერ ლუცია ლაიფერტს გერმანიიდან: (+49 30 25423192goerdeler-kolleg@dgap.org)  ან სალომე ჯაფიაშვილს, საქართველოდან  (goerdeler-kolleg-ge@dgap.org).

ახალგაზრდა ანალიტიკოსთა და მეცნიერთა დარბაზი ,,დოქტრინა”

 

მასალის გამოყენების პირობები

კომენტარი

Tags : slid
admin2

The author admin2

error: Content is protected !!